Tribal youth brutally assaulted in Attappady: അഗളി പോലീസാണ് പ്രതികളെ പിടികൂടിയത്. ഇവരെ പോലീസ് വിശദമായി ചോദ്യം ചെയ്തുവരികയാണ്.
പാലക്കാട്: അട്ടപ്പാടിയിൽ ആദിവാസി യുവാവിനെ മർദ്ദിച്ച സംഭവത്തിൽ പ്രതികൾ പിടിയിൽ. തമിഴ്നാട് സ്വദേശികളായ റെജിൽ, വിഷ്ണു എന്നിവരെയാണ് ആദിവാസി യുവാവിനെ കെട്ടിയിട്ട് ക്രൂരമായി മർദ്ദിച്ച സംഭവത്തിൽ അറസ്റ്റ് ചെയ്തത്. അഗളി പോലീസാണ് പ്രതികളെ പിടികൂടിയത്.
ചിറ്റൂർ ഉന്നതിയിലെ ഷിജു (19) ആണ് ക്രൂരമർദ്ദനത്തിന് ഇരയായത്. മർദ്ദനത്തിന്റെ ദൃശ്യങ്ങൾ വ്യാപകമായി പ്രചരിച്ചതോടെ പ്രതികൾ ഒളിവിൽപോയിരുന്നു. പ്രതികളെ തമിഴ്നാട്ടിൽ നിന്നാണ് പിടികൂടിയത്. ഇവരെ പോലീസ് വിശദമായി ചോദ്യം ചെയ്തുവരികയാണ്. പാൽ കൊണ്ടുപോകുന്ന വാഹനത്തിന് മുൻപിലേക്ക് ചാടിയെന്നാരോപിച്ചാണ് വാഹനത്തിന്റെ ക്ലീനറും ഡ്രൈവറും ചേർന്ന് മർദ്ദിച്ചതെന്ന് ഷിജു പറഞ്ഞു.
പ്രതികൾ തന്നെയാണ് യുവാവിനെ കെട്ടിയിട്ട് മർദ്ദിക്കുന്ന ചിത്രങ്ങൾ പകർത്തിയത്. ഇവർ ഇത് സമൂഹമാധ്യമത്തിൽ പങ്കുവച്ചിരുന്നു. ഈ ചിത്രം നാട്ടുകാരുടെ ശ്രദ്ധയിൽപ്പെട്ടതോടെയാണ് ആദിവാസി യുവാവിനെ കെട്ടിയിട്ട മർദ്ദിച്ച വിവരം പുറത്തറിഞ്ഞത്. ശനിയാഴ്ച വൈകിട്ടാണ് സംഭവം നടന്നത്.
തുടർന്ന് ഷിജുവിനെ അഗളി സാമൂഹികാരോഗ്യ കേന്ദ്രത്തിലെത്തിച്ച് ചികിത്സ നൽകി. പിന്നീട് വീട്ടിലേക്ക് തിരിച്ച് പോയി. ഭക്ഷണം കഴിക്കാൻ ബുദ്ധിമുട്ടും ശരീരവേദനയും കാരണം തിങ്കളാഴ്ച വീണ്ടും അഗളി സാമൂഹികാരോഗ്യ കേന്ദ്രത്തിലെത്തിച്ച് ചികിത്സ നൽകുകയായിരുന്നു. തുടർന്ന് ഷിജുവിനെ വിദഗ്ധ ചികിത്സയ്ക്കായി കോട്ടത്തറ ട്രൈബൽ താലൂക്ക് സ്പെഷ്യാലിറ്റി ആശുപത്രിയിലേക്കും മാറ്റി.
കണ്ണിലും ശരീരത്തിലും മർദ്ദനമേറ്റതിന്റെ പാടുകളുണ്ട്. ചികിത്സ തേടിയെത്തിയ ശനിയാഴ്ച തന്നെ അഗളി സാമൂഹികാരോഗ്യ കേന്ദ്രത്തിൽ നിന്ന് അഗളി പോലീസ് സ്റ്റേഷനിലേക്ക് വിവരം അറിയിച്ചതായി സൂപ്രണ്ട് ഡോ.ഇപി ഷെരീഫ പറഞ്ഞു. എന്നാൽ, സംഭവത്തിൽ ചൊവ്വാഴ്ച വരെ കേസെടുത്തിരുന്നില്ല. ചൊവ്വാഴ്ച വൈകിട്ട് അഗളി പോലീസ് ആശുപത്രിയിൽ എത്തി യുവാവിന്റെ മൊഴിയെടുത്തു.
അതേസമയം, ഷിജു മദ്യത്തിന്റെയും കഞ്ചാവിന്റെയും ലഹരിയിൽ ആയിരുന്നുവെന്നും അഞ്ചോളം വാഹനങ്ങൾ തകർത്തതായും പരാതി ലഭിച്ചിട്ടുണ്ടെന്ന് അഗളി എസ്ഐ ആർ രാജേഷ് പറഞ്ഞു. വാഹനത്തിന്റെ ഉടമ ജോയിയുടെ മകൻ ജിൻസൺ പരാതി നൽകിയതിനെ തുടർന്ന് ഷിജുവിനെ രണ്ട് ദിവസം മുൻപ് സ്റ്റേഷനിലേക്ക് വിളിപ്പിച്ചു. ഷിജുവിനെ സ്റ്റേഷനിലേക്ക് വിളിപ്പിച്ചപ്പോഴാണ് ആശുപത്രിയിൽ ചികിത്സ തേടിയതെന്നാണ് പോലീസ് ഭാഷ്യം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)