Unidentified Body Found: പുല്ലേപ്പടി റെയിവേ പാളത്തിനടുത്ത് കുറ്റിക്കാട്ടിൽ മൃതദേഹം; ദിവസങ്ങളുടെ പഴക്കമെന്ന് നി​ഗമനം

റെയില്‍വെ പാളത്തിനടുത്ത് കണ്ടെത്തിയ മൃതദേഹത്തിന് ദിവസങ്ങളുടെ പഴക്കമുണ്ടെന്നാണ് പ്രാഥമിക വിവരം.

കൊച്ചി: പുല്ലേപ്പടി റെയിവെ പാളത്തിനടുത്ത് അജ്ഞാത മൃതദേഹം കണ്ടെത്തി. റെയില്‍വെ പാളത്തിനോട് ചേര്‍ന്നുള്ള കുറ്റിക്കാട്ടിനുള്ളിലാണ് അഴുകിയ നിലയിൽ മൃതദേഹം കണ്ടത്. വിവരം അറിഞ്ഞ് കടവന്ത്ര പൊലീസ് സ്ഥലത്തെത്തി പരിശോധന നടത്തി. ഇന്‍ക്വസ്റ്റ് നടപടികള്‍ ആരംഭിച്ചു. മൃതദേഹത്തിന് ദിവസങ്ങളുടെ പഴക്കമുണ്ടെന്നാണ് പ്രാഥമിക വിവരം. കൂടുതൽ വിവരങ്ങള്‍ ലഭ്യമായിട്ടില്ലെന്നും അന്വേഷണം നടക്കുകയാണെന്നും പൊലീസ് പറ‍ഞ്ഞു.

Add Zee News as a Preferred Source

Crime News: ക്ഷേത്രത്തിലെ മോഷണം തടയാൻ ശ്രമിച്ച കാവൽക്കാരനെ തലക്കടിച്ച് പരിക്കേൽപ്പിച്ചു; പ്രതി പിടിയിൽ

ഇടുക്കി: മൂന്നാർ ടൗണിലെ സുബ്രഹ്മണ്യസ്വാമി ക്ഷേത്രത്തിലെ മോഷണം തടയാൻ ശ്രമിച്ച കാവൽക്കാരനെ തലക്കടിച്ച് പരിക്കേൽപ്പിച്ച ശേഷം രക്ഷപ്പെട്ട പ്രതിയെ പൊലീസ് പിടികൂടി. തമിഴ്നാട്ടിൽ നിന്നാണ് പ്രതിയെ പിടികൂടിയത്.

മേട്ടുപ്പാളയം ഒട്ടൻതുറൈ സ്വദേശി ഗോപാൽ എന്ന് വിളിക്കുന്ന പി സെൽവകുമാറാണ് പിടിയിലായത്. ഇയാൾ അമ്പതിലധികം കേസുകളിലെ പ്രതിയാണെന്നാണ് പോലീസ് നൽകുന്ന വിവരം.

ഇക്കഴിഞ്ഞ മാർച്ച് 14ന് രാത്രിയിലാണ്  മൂന്നാർ ടൗണിലെ സുബ്രഹ്മണ്യ സ്വാമി ക്ഷേത്രത്തിലും സമീപത്തെ വീട്ടിലും മോഷണശ്രമം നടന്നത്. സംഭവവത്തിൽ ക്ഷേത്രത്തിലെ കാവൽക്കാരനായ നല്ലതണ്ണി കല്ലാർ ഫാക്ടറി ഡിവിഷനിൽ എം.മാടസ്വാമിയെ പ്രതി ഇരുമ്പുകമ്പി കൊണ്ട് തലക്കടിച്ച് പരിക്കേൽപ്പിച്ചിരുന്നു.

ഉറങ്ങുകയായിരുന്ന മറ്റൊരു കാവൽക്കാരനെ മുറിയിൽ പൂട്ടിയിട്ട ശേഷമായിരുന്നു സെൽവകുമാർ മോഷണ ശ്രമം നടത്തിയത്. മേട്ടുപ്പാളയം പോലീസിന്റെ സഹായത്തോടെ മൂന്നാർ പോലീസ് പ്രതിയെ പിടികൂടുകയായിരുന്നു.

ഇയാൾ അമ്പതിലധികം കേസുകളിലെ പ്രതിയാണെന്നാണ് പോലീസ് നൽകുന്ന വിവരം. ക്ഷേത്രത്തിൽ മോഷണത്തിന് ശ്രമിച്ച അന്നു തന്നെ ഇയാൾ കോളനിയിലെ ചില വീടുകളിലും അമ്പലത്തിനു സമീപമുള്ള വീടുകളിലും മോഷണം നടത്തിയിരുന്നു.