 "Union Minister Kiren Rijiju Visit Munambam: കേന്ദ്രമന്ത്രി കിരൺ റിജിജു ഇന്ന് മുനമ്പം സമരപ്പന്തൽ സന്ദർശിക്കും")
കൊച്ചി: കേന്ദ്രമന്ത്രി കിരൺ റിജിജു ഇന്ന് മുനമ്പം സമരപ്പന്തൽ സന്ദർശിക്കും. വഖഫ് നിയമ ഭേദഗതി പ്രാബല്യത്തില് വന്നതോടെ മുനമ്പം ഭൂസംരക്ഷണ സമിതി നേതാക്കളുമായി കൂടിക്കാഴ്ച നടത്താനായാണ് മന്ത്രി നേരിട്ടെത്തുന്നത് എന്നാണ് റിപ്പോർട്ട്.
Also Read: സംസ്ഥാനത്ത് ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴ തുടരും; കടലാക്രമണത്തിനും സാധ്യത
എന്ഡിഎ സംഘടിപ്പിക്കുന്ന അഭിനന്ദന് സഭ എന്ന പരിപാടിയില് പങ്കെടുക്കാനായാണ് കേന്ദ്രമന്ത്രിയുടെ സന്ദര്ശനം. മുനമ്പം വിഷയത്തില് ബിജെപി രാഷ്ട്രീയ നേട്ടത്തിന് ശ്രമിക്കുന്നുവെന്ന ആരോപണം കോണ്ഗ്രസും സിപിഐഎമ്മും ശക്തമാക്കുന്നതിനിടയിലാണ് ഈ സന്ദര്ശനം എന്നത് ശ്രദ്ധേയം.
ഈ മാസം ഒന്പതിന് മുനമ്പത്ത് എത്തും എന്ന് അറിയിച്ചിരുന്നെങ്കിലും നേരത്തെ നിശ്ചയിച്ച പരിപാടികള് ഉള്ളതിനാല് ഇന്നത്തേക്ക് സന്ദര്ശനം മാറ്റുകയായിരുന്നു എന്നാണ് റിപ്പോർട്ട്. മന്ത്രിക്കൊപ്പം ബിജെപി കേന്ദ്ര-സംസ്ഥാന നേതാക്കളും ഉണ്ടാകും. ഇന്ന് 11:20 ന് നെടുമ്പാശേരി വിമാനത്താവളത്തില് എത്തുന്ന മന്ത്രി വരാപ്പുഴ അതിരൂപത ആസ്ഥാനത്തെത്തി മേജര് ആര്ച്ച് ബിഷപ്പ് ഡോ.ജോസഫ് കളത്തിപറമ്പിലുമായി കൂടിക്കാഴ്ച നടത്തുമെന്നും റിപ്പോർട്ടുണ്ട്.
Also Read: ഹനുമത് കൃപയാൽ ഇവർക്കിന്ന് അടിപൊളി ദിനം, നിങ്ങളും ഉണ്ടോ?
എറണാകുളം താജ് വിവാന്തയിലെ വാര്ത്ത സമ്മേളനത്തിനു ശേഷം അഞ്ചു മണിയോടു കൂടിയായിരിക്കും മുനമ്പം സമരപ്പന്തലില് കേന്ദ്രമന്ത്രി എത്തുക എന്നാണ് വിവരം. നിയമഭേദഗതിക്ക് പിന്നാലെ മുനമ്പം നിവാസികളായ 50 ഓളം പേര് സംസ്ഥാന അദ്ധ്യക്ഷൻ രാജീവ് ചന്ദ്രശേഖറിൻ്റെ സാന്നിധ്യത്തിൽ ബിജെപിയില് ചേര്ന്നിരുന്നു. ഇതിനിടയിൽ വഖഫ് നിയമ ഭേദഗതിയെ അനുകൂലിച്ച് ബിജെപി ഭരിക്കുന്ന സംസ്ഥാനങ്ങള് സുപ്രീംകോടതിയെ സമീപിച്ചു. നിയമം റദ്ദാക്കരുതെന്ന് ആവശ്യപ്പെട്ട് കക്ഷിചേരാന് സംസ്ഥാനങ്ങള് അപേക്ഷ നല്കുകയും ചെയ്തു. സുപ്രീംകോടതി മറ്റന്നാള് വഖഫ് നിയമ ഭേദഗതിക്കെതിരായ ഹര്ജികള് പരിഗണിക്കാനിരിക്കെയാണ് ഈ നീക്കം.
അസം, മഹാരാഷ്ട്ര, രാജസ്ഥാന് തുടങ്ങിയ സംസ്ഥാനങ്ങളാണ് നിലവിൽ രംഗത്തെത്തിയത്. പാര്ലമെന്റ് പാസ്സാക്കിയ നിയമം ഭരണഘടന വിരുദ്ധമല്ലെന്നും ആരുടെയും മൗലികാവകാശങ്ങള് റദ്ദാക്കുന്നതല്ലെന്നും ആണ് സംസ്ഥാനങ്ങൾ വാദിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
