ആലപ്പുഴ: എന്ഡിഎ സര്ക്കാര് വച്ചു നീട്ടുന്ന നക്കാപ്പിച്ച വാങ്ങി ബിഡിജെഎസ് ബിജെപിയുമായി സന്ധി ചെയ്യാന്പോകുകയാണെന്ന് പരിഹസിച്ച് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ഈ നടപടി തികച്ചും അനൗചിത്യമെന്നും വെള്ളാപ്പള്ളി കുറ്റപ്പെടുത്തി. ബിജെപി-ബിഡിജെഎസ് തര്ക്കം ഒത്തുതീര്പ്പിലേക്കെന്നു റിപ്പോര്ട്ടുകള് പുറത്തുവരുന്ന സാഹചര്യത്തിലാണ് വെള്ളാപ്പള്ളിയുടെ പ്രതികരണം.
ബിഡിജഐസിനു നല്കാമെന്നേറ്റിരുന്ന ബോര്ഡ്-കോര്പ്പറേഷന് സ്ഥാനങ്ങള് രണ്ടാഴ്ചയ്ക്കുള്ളില് നല്കാമെന്ന് ബിജെപി ഉറപ്പുതന്നതായി ബിഡിജെഎസ് പ്രസിഡന്റ് തുഷാര് വെള്ളാപ്പള്ളി കഴിഞ്ഞ ദിവസം പറഞ്ഞിരുന്നു. ബിജെപി ദേശീയ അധ്യക്ഷന് അമിത് ഷായുമായി നടത്തിയ കൂടിക്കാഴ്ചയ്ക്കുശേഷമായിരുന്നു തുഷാറിന്റെ പ്രതികരണം വന്നത്.
വേങ്ങരയില് ബിജെപിക്ക് 5000 വോട്ടുപോലും തികച്ച് ലഭിക്കില്ലെന്നും അദ്ദേഹം പരിഹസിച്ചു.നേരത്തെയും ബിജെപിയെ രൂക്ഷമായ ഭാഷയില് വിമര്ശിച്ച് വെള്ളാപ്പള്ളി രംഗത്തെത്തിയിരുന്നു. കേരളത്തില് എന്ഡിഎ ഘടകം ഉണ്ടോയെന്ന് ചോദിച്ച വെള്ളാപ്പള്ളി കേരളത്തില് ഭരണം കിട്ടില്ലെന്ന് ബിജെപിക്ക് അറിയാമെന്നും കൂട്ടിച്ചേര്ത്തു.