വേങ്ങര ഉപതെരഞ്ഞെടുപ്പില് ഭിന്നശേഷിക്കാര്ക്കുവേണ്ടി ബൂത്തുകളില് വീല് ചെയര് ലഭ്യമായിരിക്കും. വോട്ട് ചെയ്യാനെത്തുന്ന ഭിന്നശേഷിക്കാരായ ആളുകളുടെ പ്രയാസങ്ങള് കണക്കിലെടുത്താണ് ഈ തീരുമാനം.
വീല് ചെയറും റാമ്പും വേണമെന്ന ഭിന്നശേഷിക്കാരുടെ ആവശ്യം അധികൃതര് നടപ്പിലാക്കും.
ഇതിനായി 85 വീല് ചെയര് ഏര്പ്പാടാക്കിയിട്ടുണ്ട്. എല്ലാ പോളിംഗ് ബൂത്തുകളിലും വീല് ചെയര് ലഭ്യമാക്കാന് കഴിയില്ല എങ്കിലും രണ്ടോ മൂന്നോ ബൂത്തുകള് ഉള്കൊള്ളുന്ന ഓരോ സ്കൂളിലും വീല് ചെയര് ഉണ്ടായിരിക്കും.
9 ന് എത്തിക്കുന്ന വീല് ചെയറുകള് തെരഞ്ഞെടുപ്പിന് ശേഷം തിരിച്ചെല്പ്പിക്കും. പെരിന്തല്മണ്ണ തഹസില്ദാര്ക്കാണ് ഇതിന്റെ ചുമതല.
വേങ്ങരയിലെ എം എല് എ ആയിരുന്ന പി. കെ. കുഞ്ഞാലിക്കുട്ടി രാജിവച്ച ഒഴിവിലാണ് വേങ്ങരയില് തെരഞ്ഞെടുപ്പ് നടക്കുന്നത്. ഇ. അഹമ്മദ് എംപിയുടെ നിര്യാണത്തെത്തുടർന്ന് ഒഴിവുവന്ന മലപ്പുറം ലോക്സഭാ മണ്ഡലത്തിൽ യുഡിഎഫ് സ്ഥാനാർഥിയായി മത്സരിക്കാൻ വേണ്ടിയാണ് കുഞ്ഞാലിക്കുട്ടി നിയമസഭാംഗത്വം രാജിവച്ചത്.
ഒക്ടോബർ 11നാണ് വേങ്ങരയിൽ വോട്ടെടുപ്പ്. 15ന് വോട്ടെണ്ണലും നടക്കും.