 "Vincy Aloshious against Saji Nanthyattu: ഷൈനിന്റെ പേര് പുറത്ത് പറയരുതെന്ന് പറഞ്ഞു; എന്നിട്ടും പുറത്തുവിട്ടു... സജി നന്ത്യാട്ടിനെതിരെ തുറന്നടിച്ച് വിന്സി അലോഷ്യസ്")
)
കൊച്ചി: ഫിലിം ചേംബര് ജനറല് സെക്രട്ടറി സജി നന്ത്യാട്ടിനെതിരെ ആഞ്ഞടിച്ച് നടി വിന്സി അലോഷ്യസ്. ലഹരി ഉപയോഗിച്ച് മോശം പെരുമാറ്റം നടത്തിയെന്ന സംഭവത്തിലെ പരാതിക്കാരിയാണ് വിന്സി അലോഷ്യസ്. നടിയുടെ പരാതി ഷൈന് ടോം ചാക്കോയ്ക്കെതിരെ ആണ് എന്ന വാര്ത്ത പുറത്ത് വന്നതിന് ശേഷം ആണ് വിന്സിയുടെ പ്രതികരണം. മാതൃഭൂമി ന്യൂസിനോടാണ് അവര് പ്രതിഷേധം പങ്കുവച്ചത്.
ആര്ക്കെതിരെ ആണോ പരാതി ഉന്നയിച്ചത് എന്നതോ ഏത് സിനിമയുടെ ചിത്രീകരണത്തിനിടെ ആയിരുന്നു സംഭവം എന്നതോ പുറത്ത് വിടരുത് എന്ന് താന് ആവശ്യപ്പെട്ടിരുന്നു എന്നാണ് വിന്സി പറയുന്നത്. ഇക്കാര്യം അംഗീകരിച്ചതുകൊണ്ട് മാത്രമാണ് പരാതി നല്കിയത്. നൂറ് വട്ടം ആവശ്യപ്പെട്ടിട്ടും അവര് ഇങ്ങനെ ചെയ്തിട്ടുണ്ടെങ്കില് എന്താണ് അവരുടെ ബോധം എന്നും വിന്സി അലോഷ്യസ് ചോദിക്കുന്നു.
പരാതി നല്കിയതില് തനിക്കിപ്പോള് കുറ്റബോധം ആണ് ഉള്ളത് എന്നും അവര് പ്രതികരിച്ചു. പരാതി സമര്പ്പിക്കുമ്പോള് അത് സംബന്ധിച്ച ഒരു വിവരവും പുറത്ത് വരില്ല എന്ന് പറഞ്ഞിട്ട് കബളിപ്പിച്ചതുപോലെ ആണ് തോന്നുന്നത് എന്നും വിന്സി പറഞ്ഞു. ഫിലിം ചേംബറിന്റെ തലപ്പത്തുള്ള ആളെ പറ്റിയാണ് വിംസിയുടെ പ്രതികരണം. ഫിലിം ചേംബറിന് നല്കിയ പരാതി പിന്വലിക്കാന് തയ്യാറാണെന്നും അവര് വ്യക്തമാക്കി. പ്രൊഡ്യൂസേഴ്സ് അസോസിയേഷനും എഎംഎംഎയ്ക്കും നല്കിയ പരാതി പിന്വലിക്കില്ലെന്നും അവര് പറഞ്ഞു. ഫിലിം ചേംബറിലുള്ള വിശ്വാസം നഷ്ടപ്പെട്ടു. എല്ലാ പരാതികളിലും മോശമായി പെരുമാറിയ നടന്റെ പേര് പറഞ്ഞിട്ടുണ്ട് എന്നും വിന്സി വ്യക്തമാക്കി.
സിനിമയെ ഒരിക്കലും ബാധിക്കരുത് എന്നതുകൊണ്ടാണ് സിനിമയുടെ പേരോ നടന്റെ പേരോ പരാമര്ശിക്കരുത് എന്ന് ആവശ്യപ്പെട്ടത്. എന്നാല് ഏത് സിനിമയുടെ സെറ്റില് വച്ചാണ് സംഭവം നടന്നത് എന്നതും പുറത്തുവന്നുകഴിഞ്ഞു. അതിനിടെ ഷൈന് ടോം ചാക്കോ ഹോട്ടലില് നിന്ന് ഓടിരക്ഷപ്പെട്ട സംഭവവും ഉണ്ടായി. ലഹരി പരിശോധനയ്ക്ക് എറണാകുളത്തെ ഹോട്ടലില് പോലീസ് സംഘം എത്തിയപ്പോള് ആയിരുന്നു ഷൈന് ടോം ചാക്കോ ഹോട്ടല് മുറിയില് നിന്ന് ജനല് വഴി ചാടി ഓടി രക്ഷപ്പെട്ടത്. ഇതിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
