 "Vipanchika Death Case: വിപഞ്ചികയുടെ മരണം: ഭർത്താവിനും കുടുംബത്തിനുമെതിരെ കേസെടുത്ത് പോലീസ്")
കൊല്ലം: ഷാര്ജയില് ഒന്നരവയസുകാരിയായ മകളെ കൊലപ്പെടുത്തി മലയാളി യുവതി വിപഞ്ചിക ജീവനൊടുക്കിയ സംഭവത്തില് കേസെടുത്ത് പോലീസ്. ആത്മഹത്യാ പ്രേരണ കുറ്റത്തിനാണ് കേസെടുത്തിരിക്കുന്നത്.
ഭര്ത്താവ് നിധീഷ്, ഭര്ത്താവിന്റെ സഹോദരി, ഭര്തൃപിതാവ് എന്നിവര്ക്കെതിരെയാണ് കുണ്ടറ പോലീസ് കേസെടുത്തിരിക്കുന്നത്. മൂന്ന് പേരും നിലവിൽ ഷാര്ജയിലായതിനാല് നാട്ടിലെത്തിയാൽ ആയിരിക്കും അറസ്റ്റ് നടക്കുക. കേസിൽ മരണപ്പെട്ട വിപഞ്ചികയുടെ ഭർത്താവാണ് ഒന്നാം പ്രതി രണ്ടാം പ്രതി നിതീഷിന്റെ സഹോദരിയാണ്. ഇവർക്കെതിരെ ആത്മഹത്യ പ്രേരണ, സ്ത്രീധന പീഡനം തുടങ്ങിയ വകുപ്പുകൾ പ്രകാരമാണ് കേസെടുത്തിരിക്കുന്നത്.
സ്ത്രീധനത്തിന്റെ പേര് പറഞ്ഞ് മാനസികമായി വിപഞ്ചികയെ പീഡിപ്പിച്ചെന്നും എഫ്ഐആറിലുണ്ട്. വിപഞ്ചികയുടെ അമ്മ ശൈലജയുടെ പരാതിയുടെ അടിസ്ഥാനത്തിലാണ് ഈ നടപടി. സംഭവത്തിൽ അമ്മയുടെ മൊഴി കഴിഞ്ഞ ദിവസം പോലീസ് രേഖപ്പെടുത്തിയിരുന്നു. വിവാഹം കഴിഞ്ഞത് മുതല് മകള് പീഡനം അനുഭവിക്കുകയായിരുന്നുവെന്നാണ് വിപഞ്ചികയുടെ അമ്മ ശൈലജ പോലീസിനോട് പറഞ്ഞത്. നിറത്തിന്റെ പേരില് മകളെ വികൃതമാക്കാൻ സഹോദരി ഇടപെട്ട് മുടി മൊട്ടയടിച്ചുവെന്നും പീഡനങ്ങള്ക്കൊടുവിലാണ് മകള് ആത്മഹത്യ ചെയ്തതെന്നുമാണ് ശൈലജ പറഞ്ഞത്. മാത്രമല്ല വിപഞ്ചിക നേരിട്ട പീഡനങ്ങളുടെ ഡിജിറ്റല് തെളിവും ആത്മഹത്യാക്കുറിപ്പും ശൈലജ പോലീസിന് കൈമാറി.
ഇന്ത്യന് കോണ്സുലേറ്റിനും വിദേശകാര്യ മന്ത്രിക്കും മുഖ്യമന്ത്രിക്കും ശൈലജ പരാതി നല്കിയിട്ടുണ്ട്. വിപഞ്ചികയുടെയും കുഞ്ഞിന്റെയും മൃതദേഹം നാട്ടിലെത്തിച്ചാല് റീ പോസ്റ്റ്മോര്ട്ടം വേണമെന്നും അമ്മ ആവശ്യപ്പെട്ടിട്ടുണ്ട്. മാത്രമല്ല ഈ കേസ് സിബിഐക്ക് കൈമാറണമെന്നാണ് ശൈലജ ആവശ്യപ്പെടുന്നത്. എന്നാൽ കുട്ടിയുടെ മൃതദേഹം നാട്ടിലേക്ക് അയക്കില്ലെന്നാണ് നിധീഷ് പറയുന്നത്.
ഇതിനിടയിൽ ഭർത്താവിനും കുടുംബത്തിനും എതിരെ വിപഞ്ചിക ഫേസ്ബുക്കിൽ പങ്കുവെച്ച കുറിപ്പ് അപ്രത്യക്ഷമായതാണ് ദുരൂഹത ഏറാൻ കാരണമായതെന്ന് അമ്മ ശൈലജ നൽകിയ പരാതിയുണ്ട്. അതുപോലെ വിപഞ്ചിക ഉപയോഗിച്ചിരുന്ന ഫോണും ലാപ്ടോപ്പും കാണാതായതും അന്വേഷിക്കണമെന്നും കുടുംബം ആവശ്യപ്പെടുന്നു. ഇക്കഴിഞ്ഞ ചൊവ്വാഴ്ചയാണ് വിപഞ്ചികയുടെയും കുഞ്ഞിന്റെയും മൃതദേഹങ്ങള് ഒരേ കയറിന്റെ രണ്ടറ്റത്ത് തൂങ്ങിയ നിലയില് കണ്ടെത്തിയത്. മകളെ കൊലപ്പെടുത്തി അമ്മ അത്മത്യ ചെയ്തതാണെന്ന വാദത്തെ വിപഞ്ചികയുടെ കുടുംബം തള്ളി. സംഭവത്തിൽ നിതീഷിന്റെ അച്ഛന്റെയും സഹോദരിയുടെയും പങ്ക് അന്വേഷിക്കണമെന്നാണ് കുടുംബത്തിന്റെ ആവശ്യം.
വിപഞ്ചിക ദുബായിലെ സ്വകാര്യ സ്ഥാപനത്തില് ഫയലിങ് ക്ലര്ക്കാണ്. ഭര്ത്താവ് നിതീഷും ദുബായില് തന്നെയാണ് ജോലി ചെയ്യുന്നത്. ഇരുവരും നിലവിൽ വേര്പിരിഞ്ഞ് താമസിക്കുകയായിരുന്നുവെന്നാണ് വിവരം. ഏഴുവര്ഷമായി ദുബായിൽ ജോലി ചെയ്യുന്ന വിപഞ്ചികയുടെ വിവാഹം നടന്നത് നാലര വര്ഷം മുന്പായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)