Wayanad DCC President: വയനാട് ഡിസിസി പ്രസിഡന്റ് രാജിവച്ചു; രാജി ജില്ലയിലെ കടുത്ത വിഭാ​ഗീയതയ്ക്കിടെ

വയനാട്: വയനാട് ഡിസിസി പ്രസിഡന്റ് എൻ ഡി അപ്പച്ചൻ രാജിവച്ചു. കോൺഗ്രസിനുള്ളിലെ കടുത്ത വിഭാഗീയതയെ തുടർന്നാണ് രാജി. കുറച്ചുകാലങ്ങളായി വയനാട് കോൺഗ്രസിൽ ഉണ്ടായ വിവാദ വിഷയങ്ങൾ നേതൃത്വത്തെ ചൊടിപ്പിച്ചിരുന്നു. രാജി നേരത്തെ തന്നെ തീരുമാനിച്ചതാണെന്നും, താൻ മാറണമെന്ന് ആഗ്രഹമുള്ളവർ പാർട്ടിയിൽ തന്നെയുണ്ടെന്നും എൻഡി അപ്പച്ചൻ പറഞ്ഞു.

അടിക്കടി ഉണ്ടാകുന്ന വിവാദങ്ങളും, ഗ്രൂപ്പ് പോരും പാർട്ടിയിൽ തന്നെ വലിയ ചർച്ചയായിരുന്നു. മുൻ ഡിസിസി ട്രഷറർ എൻ എം വിജയന്റെ ആത്മഹത്യയും, പുൽപ്പള്ളിയിലെ കോൺഗ്രസ് നേതാവിന്റെ ആത്മഹത്യയും പാർട്ടിയെ പ്രതിരോധത്തിലാക്കി. പുൽപ്പള്ളിയിൽ നടന്ന യോഗത്തിൽ അപ്പച്ചനെ കയ്യേറ്റം ചെയ്യുന്ന സാഹചര്യം വരെ ഉണ്ടായി.

എതിർ വിഭാഗത്തിന്റെ എതിർപ്പ് നേരത്തെ തന്നെ അപ്പച്ചന്റെ നേരെ ഉയർന്നിരുന്നു. കൂടാതെ ഹൈക്കമാന്റിന്റെ അതൃപ്തിയും എൻഡി അപ്പച്ചന്റെ രാജിക്ക് സമ്മർദം ചെലുത്തി. അതേസമയം കെ പി സി സി പറയുന്നതിന് അനുസരിച്ച് ചെയ്യുമെന്നും നേരത്തെ തന്നെ രാജി സന്നദ്ധത അറിയിച്ചിരുന്നുവെന്നും രാജിക്ക് പിന്നാലെ എൻ ഡി അപ്പച്ചൻ പ്രതികരിച്ചു.

രാജിക്കാര്യത്തിൽ പാർട്ടി വിശദീകരണം നൽകുമെന്നും കൂടുതൽ കാര്യങ്ങൾ പറയേണ്ടത് കെ പി സി സിയാണെന്നും അദ്ദേഹം കൂട്ടിച്ചേർത്തു. വയനാട് എംപി പ്രിയങ്കാ ഗാന്ധിയുടെ ആവശ്യപ്രകാരമാണ് കെപിസിസി നേതൃത്വം എൻ ഡി അപ്പച്ചൻ്റെ രാജി ചോദിച്ച് വാങ്ങിയതെന്നാണ് സൂചന. കല്‍പ്പറ്റ നഗരസഭാ അധ്യക്ഷൻ ടി ജെ ഐസക്കിനാണ് വയനാട് ഡിസിസിയുടെ പകരം ചുമതല.

എൻ ഡി അപ്പച്ചൻ പ്രിയങ്കാഗാന്ധിയുടെ പരിപാടികളിലൊന്നും ഒപ്പമുണ്ടായിരുന്നില്ലെന്നത് ശ്രദ്ധേയമാണ്. അതേസമയം തന്നെ അധ്യക്ഷസ്ഥാനത്ത് നിന്ന് മാറ്റാന്‍ ഒരു നീക്കവും നടക്കുന്നില്ലെന്നും, താൻ വിചാരിച്ചാലേ രാജിവെക്കൂവെന്നും അപ്പച്ചൻ കഴിഞ്ഞദിവസം പറഞ്ഞിരുന്നു.

എൻഎം വിജയനും മകനും ജീവനൊടുക്കിയ സംഭവത്തിൽ ആത്മഹത്യാപ്രേരണക്കുറ്റത്തിൽ രണ്ടാം പ്രതിയാണ് അപ്പച്ചൻ. എൻഎം വിജയന്റെയും മകന്റെയും മരണത്തെ സംബന്ധിച്ച വിവാദങ്ങൾ നിലനിൽക്കേയാണ് മുള്ളൻകൊല്ലി പഞ്ചായത്ത് അം​ഗവും അപ്പച്ചന്റെ അടുത്ത ആളുമായിരുന്ന ജോസ് നെല്ലേടം ആത്മഹത്യ ചെയ്തത്.

ഇതോടെ വയനാട് ജില്ലയിലെ കോൺ​ഗ്രസിൽ വിഭാ​ഗീയത രൂക്ഷമായിരുന്നു. വയനാട് ജില്ലയിലെ കോൺഗ്രസിലെ പ്രശ്നങ്ങൾ സംസ്ഥാന നേതൃത്വത്തിന് തലവേദനയായിരിക്കുന്നതിനിടെയാണ് ഡിസിസി പ്രസിഡൻറിൻറെ രാജി.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.