 "Wild Animal Attack: കൊല്ലം പത്തനാപുരത്ത് വന്യമൃഗത്തിൻ്റെ ആക്രമണം; പശു ചത്തു, പുലിയെന്ന് കർഷകൻ")
കൊല്ലം: കൊല്ലം പത്തനാപുരം കറവൂരിൽ വന്യമൃഗത്തിൻ്റെ ആക്രമണം. പശുവിനെ കൊന്നു. കറവൂർ വാലുതുണ്ട് പാലപ്പള്ളിൽ പുത്തൻവീട്ടിൽ ബിജുവിൻ്റെ പശുവിനെയാണ് വന്യജീവി കൊന്നത്. പുലിയാണ് കൊന്നതെന്ന് കർഷകൻ പറഞ്ഞു. സ്ഥലത്ത് പുലിയുടെ സാന്നിധ്യം സ്ഥിരീകരിച്ചിട്ടില്ലെന്ന് വനം വകുപ്പ് പറയുന്നതിനിടെയാണ് കഴിഞ്ഞ ദിവസം വൈകിട്ട് പുലി പശുവിനെ അക്രമിച്ച് കൊന്നുവെന്ന സംശയം ഉയരുന്നത്.
കഴിഞ്ഞ ദിവസം ഉച്ചയ്ക്ക് റബ്ബർ എസ്റ്റേറ്റിൽ പശുവിനെ കൊണ്ട് കെട്ടിയിട്ടിരുന്നു. വൈകിട്ട് പശുവിനെ തിരികെ വീട്ടിൽ കൊണ്ട് വരാൻ വേണ്ടി പോയപ്പോൾ കഴുത്തിൽ പുലി കടിച്ച നിലയിലാണ് കണ്ടതെന്ന് ബിജു പറഞ്ഞു. ഏകദേശം പത്തിലധികം കന്നുകാലികളെ വളർത്തിയാണ് ഉപജീവനം നടത്തിവന്നതെന്നും, മുമ്പും തൻ്റെ കന്നുകാലികളെ വന്യമൃഗം കൊന്നതിൻ്റെ നഷ്ട പരിഹാരം കിട്ടിയില്ലന്നും ബിജു പറയുന്നു.
ഇനിയും കന്നുകാലികളെ നഷ്ടമായാൽ ജീവിക്കുവാൻ പറ്റാത്ത അവസ്ഥയാണെന്നും പ്രദേശത്തെ വന്യജീവികളിൽ നിന്നും വനം വകുപ്പ് തങ്ങൾക്ക് സുരക്ഷിതത്വം ഒരുക്കണമെന്നും ബിജു ആവശ്യപ്പെട്ടു. പിറവന്തൂർ, പത്തനാപുരം, തലവൂർ, കലഞ്ഞൂർ എന്നിവിടങ്ങളിൽ വന്യമൃഗശല്യത്താൽ ജനം ഭീതിയിലാണ്. വനംവകുപ്പ് വന്യമൃഗങ്ങളെ പിടികൂടി പ്രദേശത്ത് സമാധാന അന്തരീക്ഷം സൃഷ്ടിച്ചില്ലെങ്കിൽ പ്രതിഷേധം സംഘടിപ്പിക്കാനാണ് നാട്ടുകാരുടെ തീരുമാനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)