Dead Body Found: ആൾത്താമസമില്ലാത്ത വീട്ടിലെ വാട്ടർ ടാങ്കിൽ യുവതിയുടെ മൃതദേഹം; കണ്ടത് ശുചീകരണ ജോലിക്കെത്തിയ തൊഴിലാളി

Woman dead body found in a water tank: ശുചീകരണ ജോലിക്ക് എത്തിയ തൊഴിലാളിയാണ് ഞായറാഴ്ച രാവിലെ വാട്ടർ ടാങ്കിനുള്ളിൽ മൃതദേഹം കണ്ടെത്തിയത്.

മലപ്പുറം: ആൾത്താമസമില്ലാത്ത വീട്ടിലെ വാട്ടർ ടാങ്കിൽ യുവതിയുടെ മൃതദേഹം കണ്ടെത്തി. വളാഞ്ചേരി അത്തിപ്പറ്റയിലാണ് യുവതിയുടെ മൃതദേഹം കണ്ടെത്തിയത്. മരിച്ചത് ആരാണെന്ന് ഇതുവരെ തിരിച്ചറിഞ്ഞിട്ടില്ല.

Add Zee News as a Preferred Source

മൃതദേഹം കണ്ടെത്തിയ വീടിന്റെ ഉടമയും കുടുംബവും വിദേശത്താണ്. ഒരു സുരക്ഷാ ജീവനക്കാരൻ മാത്രമാണ് ഈ വീട്ടിൽ ഉണ്ടായിരുന്നത്. ശുചീകരണ ജോലിക്ക് എത്തിയ തൊഴിലാളിയാണ് ഞായറാഴ്ച രാവിലെ വാട്ടർ ടാങ്കിനുള്ളിൽ മൃതദേഹം കണ്ടെത്തിയത്.

ആമകളെ വളർത്തുന്ന വാട്ടർ ടാങ്കിനുള്ളിലാണ് മൃതദേഹം കണ്ടെത്തിയത്. രാവിലെ ആമകൾക്ക് തീറ്റ കൊടുക്കാനും ടാങ്ക് വൃത്തിയാക്കാനുമായാണ് തൊഴിലാളി വന്നത്. ഈ സമയത്താണ് ടാങ്കിനുള്ളിൽ മൃതദേഹം കണ്ടത്. തുടർന്ന് പോലീസിനെ വിവരമറിയിക്കുകയായിരുന്നു.

മൂന്ന് ദിവസം മുൻപാണ് അവസാനമായി ടാങ്ക് വൃത്തിയാക്കിയത്. ഇതിന് ശേഷം ഞായറാഴ്ച രാവിലെയാണ് വീണ്ടും തൊഴിലാളി ടാങ്ക് വൃത്തിയാക്കാനും ആമകൾക്ക് തീറ്റ കൊടുക്കാനും എത്തിയത്. യുവതിയുടെ മൃതദേഹത്തിൽ സ്വർണാഭരണങ്ങൾ ഉണ്ട്. സംഭവത്തിൽ വളാഞ്ചേരി പോലീസ് കേസെടുത്ത് അന്വേഷണം ആരംഭിച്ചു.