Actor Kalabhavan Navas Death Latest Updates: ഇന്നലെ രാത്രി സിനിമ ചിത്രീകരണത്തിനു ശേഷം ചോറ്റാനിക്കരയിലെ ഹോട്ടൽ മുറിയിലെത്തിയ നവാസിനെ കുഴഞ്ഞുവീണ നിലയിൽ റൂം ബോയ് ആണ് കണ്ടത്
കൊച്ചി: പ്രമുഖ നടൻ കലാഭവന് നവാസിന്റെ മരണത്തില് അസ്വഭാവിക മരണത്തിന് കേസെടുത്ത് പോലീസ്. ചോറ്റാനിക്കര പൊലീസാണ് കേസെടുത്തത്. ഇന്നലെ രാത്രി ചോറ്റാനിക്കരയിലെ ഹോട്ടല് മുറിയിൽ ബോധരഹിതനായ നിലയില് നവാസിനെ കണ്ടെത്തുകയായിരുന്നു.
തുടര്ന്ന് ചോറ്റാനിക്കര ടാറ്റ ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല. കളമശ്ശേരി മെഡിക്കൽ കോളജിലേക്ക് മാറ്റിയ മൃതദേഹം പോസ്റ്റുമോര്ട്ടത്തിന് ശേഷം ഇന്ന് ബന്ധുക്കൾക്ക് വിട്ടുനൽകുമെന്നാണ് റിപ്പോർട്ട്. പ്രകമ്പനം എന്ന സിനിമയുടെ ചിത്രീകരണത്തിനായാണ് നവാസ് ചോറ്റാനിക്കരയില് എത്തിയത്.
ഇന്നലെ രാത്രി സിനിമ ചിത്രീകരണത്തിനു ശേഷം ചോറ്റാനിക്കരയിലെ ഹോട്ടൽ മുറിയിലെത്തിയ നവാസിനെ കുഴഞ്ഞുവീണ നിലയിൽ റൂം ബോയ് ആണ് കണ്ടത്. ഉടൻ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു. നവാസിന്റെ പോസ്റ്റുമോര്ട്ടം ഇന്ന് നടക്കും. രാവിലെ എട്ടരയ്ക്ക് ഇന്ക്വസ്റ്റ് പൂര്ത്തിയാക്കി 10 മണിയോടെ പോസ്റ്റുമോര്ട്ടം നടത്തും എന്നാണ് റിപ്പോർട്ട്. അതിനു ശേഷം മൃതദേഹം വസതിയിലേക്ക് കൊണ്ടുപോകും.
അർധ രാത്രി 12 മണിയോടെയാണ് നവാസിന്റെ മൃതദേഹം മെഡിക്കല് കോളേജില് എത്തിച്ചത്. മൃതദേഹം വൈകുന്നേരം 4.00 മുതല് 5.30 വരെ ആലുവ ടൗണ് ജുമാമസ്ജിദില് പൊതുദര്ശനത്തിന് ശേഷമായിരിക്കും ഖബറടക്കം നടത്തുക. ഇന്നലെ സിനിമയുടെ ഷൂട്ടിങ് പൂർത്തിയാക്കിയ നവാസിന് രണ്ട് ദിവസത്തെ ഇടവേളയുണ്ടായിരുന്നു. ഈ ഗ്യാപ്പിൽ വീട്ടിൽ പോയി വരാമെന്ന് സഹപ്രവർത്തകരോട് പറഞ്ഞ് ഹോട്ടൽ മുറിയിലേക്ക് പോയതായിരുന്നു നവാസ്.
റൂം ചെക്കൗട്ടാണെന്ന് ഹോട്ടൽ ജീവനക്കാരെ നേരത്തെ അറിയിച്ചിരുന്നു. മുറിയിലേക്ക് പോയി മണിക്കൂർ ഒന്ന് കഴിഞ്ഞിട്ടും നവാസ് മടങ്ങിവരാതെ വന്നതോടെ ഹോട്ടൽ ജീവനക്കാർ നവാസിനെ തിരക്കി. മുറി തുറന്നപ്പോഴാണ് വാതിലിനോട് ചേർന്ന് നവാസ് താഴെ വീണ് കിടക്കുന്നത് കണ്ടത്. ആ സമയം ജീവനുണ്ടെന്ന് മനസിലാക്കിയ ജീവനക്കാർ ഉടൻ തന്നെ തൊട്ടടുത്തുള്ള ആശുപത്രിയിൽ നടനെ എത്തിച്ചെങ്കിലും രക്ഷിക്കാനായില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)