`വലിയ പൊട്ടിലൂടെയല്ല സ്ത്രീശാക്തീകരണം സാധ്യമാകുന്നത്` നടൻ ഉണ്ണി മുകുന്ദനെതിരെ സോഷ്യൽ മീഡിയയിൽ വിമർശനം

Kochi : വർക്കലയിൽ എസ്ഐയായി ചുമതല എടുത്ത ആനി ശിവയെ (Annie Shiva) കുറിച്ചാണ് ഇപ്പോൾ സോഷ്യൽ മീഡിയിൽ നിറഞ്ഞിരിക്കുന്ന ഒരു പ്രധാന കഥ. ആ ആനി ശിവയ്ക്ക് ആശംസ അറിയിച്ച് ഇപ്പോൾ ഉണ്ണി മുകുന്ദൻ (Unni Mukundan) വിവാദത്തിൽ അകപ്പെട്ടിരിക്കുകയാണ്. കാരണം ആശംസ പോസ്റ്റിൽ നൽകിയിരിക്കുന്ന ക്യാപ്ഷനാണ് പ്രശ്നം. 

"വലിയ പൊട്ടിലൂടെയല്ല, വലിയ സ്വപ്നങ്ങളിലൂടെയാണ് സ്ത്രീശാക്തീകരണം സാധ്യമാകുന്നത്" എന്നാണ് ആനി ശിവയുടെ ചിത്രത്തിന് ഉണ്ണി മുകുന്ദൻ നൽകിയ അടികുറിപ്പ്.

ഇത് സമൂഹത്തിലെ ഫെമിനിസ്റ്റ് ചിന്തഗതിയുള്ളവരെ താറടിക്കുന്ന വാക്കുകളാണെന്നാണ് സമൂഹ മാധ്യമങ്ങളിൽ ഉയർന്ന് വന്ന് വിമർശനങ്ങൾ. ഒരാളെ പുകഴ്ത്തുമ്പോൾ മറ്റുള്ളവരെ എന്തിന് ഇകഴ്ത്തി സംസാരിക്കണമെന്നാണ് ചിലർ ഉണ്ണിയോട് ചോദ്യം ഉന്നയിക്കുന്നത്.

എന്നാൽ ഉണ്ണിക്ക് പിന്തുണ നൽകിയും ചില കമന്റുകൾ പോസ്റ്റിന് താഴെ എത്തിട്ടുണ്ട്. ഫെമിനിസ്റ്റുകളെ മോശമായി ചിത്രീകരിച്ചാണ് ഇവരുടെ കമന്റുകൾ. 

അടുത്തിടെ നടിയും ചാനൽ അവതാരികയുമായ സുബി സുരേഷിനെതിരെ ഇത്തരത്തിൽ സോഷ്യൽ മീഡിയയിൽ വിമർശനം ഉയർന്നിരുന്നു. ഫെമിനിസ്റ്റ് ചിന്തഗതിയുള്ളവരെ പരിഹസിക്കുന്ന എന്ന രൂപേണെ മുടി കെട്ടി പൊക്കി വെച്ച് വലിയ റൗണ്ട് ഫ്രെയിമുള്ള കണ്ണടയും ചുവന്ന വലിയ പൊട്ട് ഒപ്പം കറുപ്പും ചുവപ്പമായ വസ്ത്രവും അണിഞ്ഞ് നിൽക്കുന്ന ചിത്രം പങ്കുവെച്ച സുബിക്കെതിരെ വലിയ തോതിലാണ് വിമർശനം ഉയർന്ന്. അവസാനം നടി ആ പോസ്റ്റ് നീക്കം ചെയ്യുകയും ചെയ്തു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy