ACtor Vishnu Prasad Passes Away: നടൻ വിഷ്ണു പ്രസാദ് അന്തരിച്ചു; അന്ത്യം കരൾ രോ​ഗത്തിന് ചികിത്സയിലിരിക്കെ

കരൾ രോ​ഗത്തെ തുടർന്ന് ചികിത്സയിലിരിക്കെയാണ് നടൻ വിഷ്ണു പ്രസാദ് അന്തരിച്ചത്.

തിരുവനന്തപുരം: നടൻ വിഷ്ണു പ്രസാദ് അന്തരിച്ചു. കരൾ രോ​ഗത്തെ തുടർന്ന് ചികിത്സയിലായിരുന്നു താരം. എറണാകുളത്തെ സ്വകാര്യ ആശുപത്രിയിൽ വച്ച് വ്യാഴാഴ്ച രാത്രിയോടെയാണ് അന്ത്യം സംഭവിച്ചത്. സിനിമ സീരിയൽ രം​ഗത്ത് സജീവമായിരുന്നു വിഷ്ണു പ്രസാദ്. നടൻ കിഷോർ സത്യയാണ് വിഷ്ണുവിന്റെ മരണ വിവരം സോഷ്യൽ മീഡിയയിലൂടെ അറിയിച്ചത്. 

Add Zee News as a Preferred Source

താരത്തിന്റെ ആരോ​ഗ്യനില അടുത്തിടെ ​ഗുരുതരമാകുകയും ചികിത്സയ്ക്ക് 30 ലക്ഷത്തോളം രൂപ ചെലവ് വരുമെന്നും സഹപ്രവർത്തകർ നേരത്തെ വ്യക്തമാക്കിയിരുന്നു ഇത് പ്രകാരം താരത്തെ സാമ്പത്തികമായി സഹായിക്കാനുള്ള ശ്രമങ്ങൾ വിവിധ കോണുകളിൽ നിന്നും ആരംഭിച്ചിരുന്നു. അതിനിടയിലാണ് അന്ത്യം സംഭവിച്ചത്. 

സിനിമകളിലൂടെയും സീരിയലുകളിലൂടെയും വിഷ്ണു പ്രസാദ് ശ്രദ്ധ നേടിയിരുന്നു. വില്ലൻ വേഷങ്ങളാണ് താരം കൂടുതലും ചെയ്തിരുന്നത്. വിനയൻ സംവിധാനം ചെയ്ത തമിഴ് ചിത്രമായ കാശിയിലൂടെയാണ് വിഷ്ണു പ്രസാദ് അഭിനയ രം​ഗത്തേക്ക് എത്തുന്നത്. കൈ എത്തും ദൂരത്ത്, റണ്‍വേ, മാമ്പഴക്കാലം, ലയണ്‍, ബെന്‍ ജോണ്‍സണ്‍, ലോകനാഥന്‍ ഐഎഎസ്, പതാക, മാറാത്ത നാട് തുടങ്ങിയ സിനിമകളിൽ ശ്രദ്ധേയമായ വേഷങ്ങൾ ചെയ്തു. പിന്നീട് സീരിയലുകളിൽ സജീവമായ താരം അവിടെയും പ്രേക്ഷകരുടെ പ്രിയ താരമായി മാറി.