ഏറെ വിമര്ശനങ്ങള്ക്കും ഇടയാക്കിയ വിവാഹമായിരുന്നു നടനും മോഡലുമായ മിലിന്ദ് സോമനും അങ്കിതയും തമ്മില് കഴിഞ്ഞ വര്ഷം നടന്നത്.
52 കാരനായ മിലിന്ദ് 27 കാരിയായ അങ്കിതയെ വിവാഹം കഴിക്കുന്നത് തന്നെയായിരുന്നു വിമര്ശനങ്ങള്ക്ക് ആധാരം. മോഡലിംഗില് സജീവമായ മിലിന്ദിന് ശക്തമായ പിന്തുണ നല്കുന്ന ആരാധകരും കുറവല്ല.
മിലിന്ദും അങ്കിതയും ഒരുമിച്ചെത്തിയ ഒരു വീഡിയോ കഴിഞ്ഞ കുറച്ചു ദിവസങ്ങളായി സമൂഹ മാധ്യമങ്ങളില് വൈറലാകുകയാണ്. ആരാധകരുടെ കമന്റുകള് വായിച്ച് അതിന് മറുപടി നല്കുന്ന വീഡിയോയാണ് ഇരുവരുടേതുമായി പുറത്ത് വന്നത്.
അതിലൊരു കമന്റ് ഇങ്ങനെയായിരുന്നു -'അങ്കിത മിലിന്ദിനെ അച്ഛനെന്ന് വിളിക്കണം'. ഇതിന് മറുപടിയായി 'ചിലപ്പോഴൊക്കെ അവള് എന്നെ അങ്ങനെ വിളിക്കാറുണ്ട്' എന്നായിരുന്നു മിലിന്ദിന്റെ മറുപടി.
മറുപടി കേട്ട് അങ്കിതയും പൊട്ടിച്ചിരിക്കുന്നുണ്ട്. ഒന്നരമാസം കൊണ്ട് ഈ വീഡിയോ കണ്ടിരിക്കുന്നത് രണ്ടു കോടിയിലധികം പേരാണ്.
ഇരുവരുടെയും പ്രായ വ്യത്യാസം ഇവരുടെ മാതാപിതാക്കൾ തന്നെ ചൂണ്ടിക്കാട്ടിയ വിവരവും ദമ്പതികള് പങ്കുവച്ചു.
2018 ഏപ്രിൽ 22നായിരുന്നു ഇവരുടെ വിവാഹം. സീനിയർ ഫ്ലൈറ്റ് അറ്റന്റന്റ് ആയിരുന്നു അങ്കിത. വിവാഹ ശേഷം ജോലി രാജിവച്ചു.
അലിഷാ ചീനായുടെ മെയ്ഡ് ഇൻ ഇന്ത്യ ഗാനമാണ് മിലിന്ദിനെ ശ്രദ്ധേയനാക്കിയത്.