 "Bigg Boss Malayalam Season 7: മോഹൻലാല് തന്നെ; ബിഗ് ബോസ് സീസൺ 7ന്റെ ലോഗോയിൽ ഒളിഞ്ഞിരിക്കുന്നതെന്ത്?")
)
മലയാളി പ്രേക്ഷകരുടെ പ്രിയപ്പെട്ട റിയാലിറ്റി ഷോയാണ് ബിഗ് ബോസ്. അടുത്ത സീസൺ എപ്പോഴെന്ന ചോദ്യങ്ങൾക്ക് വിരാമമിട്ട് ബിഗ്ഗ് ബോസ്സ് സീസൺ 7 ലോഗോ ഔദ്യോഗികമായി പ്രഖ്യാപിച്ചു. ഇത്തവണ ബിഗ്ബോസിൽ നിന്നും നടൻ മോഹൻലാൽ വിട്ടു നിൽക്കുമെന്ന തരത്തിൽ ചില അഭ്യൂഹങ്ങൾ പരന്നിരുന്നു എന്നാൽ അതും പ്രഖ്യാപനത്തോടെ പരിഹരിക്കപ്പെട്ടു. മോഹൻലാൽ തന്നെയാണ് ഈ സീസണും അവതാരകനായി എത്തുക. താരവും ബിഗ്ഗ് ബോസ്സ് സീസൺ 7 ലോഗോ പങ്കുവെച്ചു. ഇപ്പോൾ ചർച്ചയാകുന്നത് ലോഗോയിൽ ഒളിപ്പിച്ച രഹസ്യമെന്തെന്താണ്.
ഇത്തവണത്തെ ലോഗോയിൽ ഒരു എൽ(L) ഒരു ഏഴ് (7) എന്നിവ ഉൾപ്പെടുത്തിയാണ് ഇറക്കിയിരിക്കുന്നത്. ഇടതുവശത്ത് ബിഗ്ഗ് ബോസ്സ് അവതാരകനായ മോഹൻലാലിനെ ഉദ്ദേശിച്ചുള്ള 'L' ഉം മറുവശത്ത് സീസണിനെ സൂചിപ്പിക്കുന്ന '7' ഉം ചേർത്താണ് പുതിയ ലോഗോ തയ്യാറാക്കിയിരിക്കുന്നത്. ഒരേസമയം കണ്ണിനോടും ക്യാമറാ ലെൻസിനോടും സാമ്യമുള്ള ഡിസൈനാണ് നടുവിൽ നൽകിയിരിക്കുന്നത്. എന്നാൽ ഈ സീസണിൽ ആരൊക്കെ മത്സരിക്കും എന്നത് അറിയാൻ ഇനിയും കാത്തിരിക്കണം. എന്ന് മുതലാണ് ഷോ തുടങ്ങുകയെന്നും വ്യക്തമല്ല. മോഹൻലാലിന്റെ പിറന്നാൾ ദിനത്തിലാണ് പ്രൊമോ വീഡിയോ പുറത്തുവിട്ടിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
