 "Bigg Boss Malayalam Season 7: ബിഗ് ബോസിൽ എന്താണ് ഈ 'ഏഴിന്റെ പണി'? അണിയറയില് ഒരുങ്ങുന്നത്... അപ്രതീക്ഷിത മത്സരാര്ത്ഥികളും")
ബിഗ് ബോസ് മലയാളം സീസണ് 7 ന് വേണ്ടി ആകാംക്ഷയോടെ കാത്തിരിക്കുകയാണ് മലയാളി പ്രേക്ഷകര്. ഓഗസ്റ്റ് മൂന്നിനാണ് ഇത്തവണത്തെ സീസണിന്റെ സംപ്രേഷണം തുടങ്ങുന്നത്. കഴിഞ്ഞ സീസണുകളില് നിന്ന് വ്യത്യസ്തമായി ഒട്ടേറെ മാറ്റങ്ങള് ഇത്തവണ ഉണ്ടാകും എന്നാണ് പ്രതീക്ഷിക്കപ്പെടുന്നത്. പരിപാടിയുടെ ട്രെയ്ലറില് മോഹന്ലാല് പറഞ്ഞ 'ഏഴിന്റെ പണി' എന്താണെന്ന ആകാംക്ഷയും പ്രേക്ഷകര്ക്കുണ്ട്.
ഇത്തവണത്തെ ബിഗ് ബോസ് ഹൗസിന് മറ്റൊരു പ്രത്യേകത കൂടിയുണ്ട്. മുന് സീസണുകളില് മറ്റ് ഭാഷകളില് ഉപയോഗിച്ചിരുന്ന ഫ്ലോറുകളായിരുന്നു രൂപമാറ്റം വരുത്തി ഉപയോഗിച്ചിരുന്നത്. എന്നാല് ഇത്തവണ മലയാളം ബിഗ് ബോസ്സിന് മാത്രമായി ഫ്ലോര് ഉണ്ടാകും.
17 സെലിബ്രിറ്റി മത്സരാര്ത്ഥികളും 2 കോമണേഴ്സും ആയിരിക്കും ഇത്തവണ മത്സര രംഗത്തുണ്ടാവുക എന്നാണ് വിലയിരുത്തപ്പെടുന്നത്. എന്നാല് ഈ എണ്ണത്തില് ചിലപ്പോള് മാറ്റമുണ്ടായേക്കും എന്ന വിലയിരുത്തലും ബിഗ് ബോസ് അനലിസ്റ്റുകള് നടത്തുന്നുണ്ട്. ഇതിന് കാരണം പ്രൊമോയില് മോഹന്ലാലും ബിഗ് ബോസും തമ്മില് നടത്തുന്ന സംഭാഷണം തന്നെയാണ്. 25 മുറികള് ഒരുക്കണം എന്നായിരുന്നു അതില് പറഞ്ഞിരുന്നത്. അതിനര്ത്ഥം 25 മത്സരാര്ത്ഥികള് ഉണ്ടാകുമെന്നല്ലേ എന്നാണ് ചോദ്യം.
ആരൊക്കെ ആയിരിക്കും മത്സരാര്ത്ഥികള് എന്നത് സംബന്ധിച്ച് പല അനലിസ്റ്റുകളും പ്രവചനങ്ങള് നടത്തിയിട്ടുണ്ട്. പലരുടേയും പട്ടികകളില് പല പേരുകളും ആവര്ത്തിച്ച് വരുന്നും ഉണ്ട്. എന്തായാലും ആരൊക്കെ ആയിരിക്കും മത്സരാര്ത്ഥികള് എന്ന് അറിയാന് ബിഗ് ബോസ് സീസണ് 7 തുടങ്ങുക തന്നെ വേണം.
ഏഴിന്റെ പണി എന്ന ഇത്തവണത്തെ ടാഗ് ലൈന് സൂചിപ്പിക്കുന്നത് ടാസ്കുകളും മറ്റും അല്പം കഠിനമാകും എന്ന് തന്നെയാണെന്ന് വിലയിരുത്തപ്പെടുന്നു. മത്സരാര്ത്ഥികള് ബൗദ്ധികമായും വൈകാരികമായും എങ്ങനെ ടാസ്കുകളെ നേരിടുന്നു എന്ന് പരീക്ഷിക്കുന്നതായിരിക്കും ഈ 'ഏഴിന്റെ പണി'. പ്രേക്ഷക അഭിപ്രായങ്ങളും ഇത്തവണ നിര്ണായകമായിരിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)