Bromance Ott: 'ബ്രൊമാൻസ്' ഒടിടിയിലെത്തി; സ്ട്രീമിങ് എവിടെ?

ആഷിഖ് ഉസ്മാൻ ആണ് ചിത്രം നിർമ്മിച്ചത്. കലാഭവൻ ഷാജോൺ, ബിനു പപ്പു, ശ്യാം മോഹൻ തുടങ്ങിയവരും ചിത്രത്തിൽ പ്രധാന വേഷങ്ങൾ ചെയ്തിട്ടുണ്ട്.

അർജുൻ അശോകൻ, മാത്യു തോമസ്, സം​ഗീത് പ്രതാപ്, മഹിമ നമ്പ്യാർ എന്നിവരെ പ്രധാന കഥാപാത്രങ്ങളാക്കി അരുൺ ഡി ജോസ് സംവിധാനം ചെയ്ത് പുറത്തിറങ്ങിയ ചിത്രമാണ് ബ്രൊമാൻസ്. തിയേറ്ററിൽ വലിയ വിജയമാകാൻ ചിത്രത്തിന് സാധിച്ചിരുന്നില്ല. ഫെബ്രുവരി 14നാണ് ചിത്രം റിലീസ് ചെയ്തത്. ചിത്രം ഒടിടിയിൽ റിലീസ് ചെയ്തു. സോണി ലിവ് ആണ് ചിത്രത്തിന്റെ ഒടിടി റൈറ്റ്സ് സ്വന്തമാക്കിയിരിക്കുന്നത്. മെയ് 1 മുതൽ സ്ട്രീമിങ് തുടങ്ങുമെന്നാണ് അറിയിച്ചിരുന്നത്. പറഞ്ഞതിലും ഒരു ദിവസം മുൻപ് തന്നെ ചിത്രം സ്ട്രീമിങ് തുടങ്ങി. 

ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമ്മിച്ച ചിത്രത്തിൽ കലാഭവൻ ഷാജോൺ, ബിനു പപ്പു, ശ്യാം മോഹൻ തുടങ്ങിയവരും പ്രധാന വേഷങ്ങൾ കൈകാര്യം ചെയ്തിരിക്കുന്നു. ജോ ആൻഡ് ജോ, 18+ എന്നീ ഹിറ്റ് ചിത്രങ്ങൾക്കു ശേഷം അരുൺ ഡി ജോസ് സംവിധാനം ചെയ്ത ചിത്രമാണ് "ബ്രൊമാൻസ് ". അരുൺ ഡി ജോസ്, തോമസ് പി സെബാസ്റ്റ്യൻ, രവീഷ്നാഥ് എന്നിവർ ചേർന്നാണ് ചിത്രത്തിന് തിരക്കഥയും സംഭാഷണവും ഒരുക്കിയത്. അഖിൽ ജോർജ് ഛായാഗ്രഹണം നിർവഹിച്ചിരിക്കുന്നു. എഡിറ്റർ- ചമൻ ചാക്കോ. സംഗീതം- ഗോവിന്ദ് വസന്ത, പ്രൊഡക്ഷൻ കൺട്രോളർ- സുധാർമ്മൻ വള്ളിക്കുന്ന്.

Here starts a laughter ride like never before!#Bromance Streaming now on Sony LIV#BromanceOnSonyLIV

Stream Nowhttps://t.co/PYRbycZ0EV#arundjose #ashiqusman #ashiqusmanproductions_ #raveeshnath #arjun_ashokan #mathewthomass #mahima_nambiar #shyammeyyy #sangeethprathap pic.twitter.com/LpxPkwzIWy

— Sony LIV (@SonyLIV) April 30, 2025

മേക്കപ്പ്- റോണക്‌സ് സേവ്യർ, കോസ്റ്റ്യൂംസ്- മഷർ ഹംസ, കലാസംവിധാനം- നിമേഷ് എം താനൂർ, ചീഫ് അസ്സോസിയേറ്റ് ഡയറക്ടർ- റെജിവാൻ അബ്ദുൽ ബഷീർ, പ്രൊഡക്ഷൻ എക്സിക്യൂട്ടീവ്- സജി പുതുപ്പള്ളി, പ്രൊഡക്ഷൻ മാനേജർ- സുജിത്, ഹിരൺ. ഡിസൈൻസ്- യെല്ലോടൂത്ത്, സ്റ്റിൽസ്- വിഘ്‌നേശ്, കണ്ടന്റ് ആൻഡ് മാർക്കറ്റിംഗ് ഡിസൈൻ- പപ്പെറ്റ് മീഡിയ, പിആർഒ- എഎസ് ദിനേശ്.