 "Chotta Mumbai Re Release: 'തലയുടെ വിളയാട്ടം'... വാസ്കോയും കൂട്ടരും ഉടനെത്തും; ഛോട്ടാ മുംബൈ റീ റിലീസ് ഉടൻ")
ഛോട്ടാ മുംബൈ 4K റീ റിലീസിന്റെ പുതിയ തിയതി പുറത്തുവിട്ടു. ജൂൺ 6ന് ആണ് ചിത്രം റീ റിലീസ് ചെയ്യുന്നത്. നേരത്തെ മോഹൻലാലിന്റെ പിറന്നാൾ ദിനമായ മെയ് 21ന് റിലീസ് ചെയ്യുമെന്നായിരുന്നു നേരത്തെ അറിയിച്ചിരുന്നത്. എന്നാണ് റിലീസ് വൈകുകയായിരുന്നു. മോഹൻലാലിന്റെ സോഷ്യൽ മീഡിയ പേജിലൂടെയാണ് തിയതി പുറത്തുവിട്ടത്. അൻവർ റഷീദ് ആണ് ചിത്രം സംവിധാനം ചെയ്തത്. 2007ൽ റിലീസ് ചെയ്ത ചിത്രം വൻ ഹിറ്റായിരുന്നു. ഫോർട്ട് കൊച്ചിയുടെ പശ്ചാത്തലത്തിലാണ് ചിത്രമൊരുക്കിയത്. കോമഡി ആക്ഷൻ ത്രില്ലർ ചിത്രം ഇന്നും പ്രേക്ഷകർ കാണാൻ ഇഷ്ടപ്പെടുന്ന സിനിമയാണ്.
സ്ഫടികം, ദേവദൂതൻ, മണിച്ചിത്രത്താഴ് എന്നീ ചിത്രങ്ങൾക്ക് ശേഷം റീ-റിലീസിനെത്തുന്നന്ന മോഹൻലാൽ ചിത്രമാണ് ഛോട്ടാ മുംബൈ. ചിത്രത്തിന്റെ നിർമാതാവ് മണിയൻ പിള്ള രാജു ആയിരുന്നു. ഭാവന, കലാഭവൻ മണി, വിനായകൻ, ജഗതി, രാജൻ പി ദേവ്, സിദ്ധിഖ്, ഇന്ദ്രജിത്ത് സുകുമാരൻ, മല്ലിക സുകുമാരൻ, ബിജുക്കുട്ടൻ, മണിക്കുട്ടൻ, സുരാജ് വെഞ്ഞാറമ്മൂട് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.
മോഹൻലാലിന്റെ തല എന്നറിയപ്പെടുന്ന വാസ്ക്കോ എന്ന നായക കഥാപാത്രത്തിനൊപ്പം, സിദ്ധിഖിന്റെ മുള്ളൻ ചന്ദ്രപ്പൻ, കലാഭവൻ മണിയുടെ വില്ലൻ കഥാപാത്രം നടേശൻ, രാജൻ പി ദേവിന്റെ പാമ്പ് ചാക്കോ, ജഗതിയുടെ പടക്കം ബഷീർ, ഭാവനയുടെ പറക്കും ലത തുടങ്ങിയവ കൾട്ട് സ്റ്റാറ്റസ് നേടിയ കഥാപാത്രങ്ങളായിരുന്നു. രാഹുൽ രാജായിരുന്നു ചിത്രത്തിന്റെ സംഗീത സംവിധായകൻ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)