Dreamland Shortfilm: ഒറ്റപ്പെടുന്ന സ്ത്രീകളുടെ ദുരനുഭവങ്ങളുടെ കഥ പറഞ്ഞ് 'ഡ്രീം ലാൻഡ്' ഹ്രസ്വചിത്രം

തിരുവനന്തപുരത്തിൻ്റെ പശ്ചാത്തലത്തിലാണ് ഈ ഹ്രസ്വചിത്രം ഒരുക്കിയിട്ടുള്ളത്. ഒറ്റപ്പെടുന്ന സ്ത്രീകളുടെ ദുരനുഭവങ്ങളുടെ കഥയാണ് ഈ ഷോർട്ട്ഫിലിം പറയുന്നത്.

'മുറികളിൽ നിന്നും മുറികളിലേക്ക് നീങ്ങുന്ന ലൈംഗിക വ്യാപാരം. അവിടെ എത്തിയവരിൽ പണത്തിന് ശരീരം വിൽക്കുന്നവരും വീണുപോയവരും ഉണ്ട്. തിരുവനന്തപുരത്തെ മാത്രം ജീവിതമല്ലിത്.

Add Zee News as a Preferred Source

തിരുവനന്തപുരത്തിൻ്റെ പശ്ചാത്തലത്തിൽ ഒറ്റപ്പെടുന്ന സ്ത്രീകളുടെ ദുരനുഭവങ്ങളുടെ കഥ പറയുകയാണ് ബിജു ഇളകൊള്ളൂർ രചനയും സംവിധാനവും നിർവഹിച്ച ഡ്രീം ലാൻഡ് എന്ന ഹ്രസ്വചിത്രം. ഗുണ്ടകളുടെയും സന്യാസിമാരുടെയും ഉദ്യോഗസ്ഥൻമാരുടെയുമൊക്കെ വിയർപ്പ് വീണ മുറികൾ. നെടുവീർപ്പുകൾ. 20 മിനിട്ട് നേരം പ്രേക്ഷകനെ വിസ്മയിപ്പിക്കുന്ന കഥാപശ്ചാത്തലം.

ജെകെ പ്രൊഡക്ഷൻസിൻ്റെ ബാനറിൽ ജോൺ പി കോശി മടുക്കമൂട്ടിലാണ് ഈ ഹ്രസ്വചിത്രം നിർമ്മിച്ചിരിക്കുന്നത്. ക്യാമറ പി വി രഞ്ജിത്ത്, എഡിറ്റിംഗ് മനീഷ് മോഹൻ, സംഗീതം അർജുൻ വി അക്ഷയ. കലാസംവിധാനം വിനോദ് മംഗ്ലാവിൽ

അഞ്ജു ജയപ്രകാശ്, രഞ്ജിനി, രാജേഷ് രവി, എബിൻ ജെ തറപ്പേൽ, സുരേഷ് ആർ കൃഷ്ണ, എൽ ആർ വിനയചന്ദ്രൻ, ബേബി സംസ്കൃതി തുടങ്ങിയവരാണ് അഭിനേതാക്കൾ.