Lokah - Chapter One: Chandra: ഇത് വണ്ടർ വുമൺ ആണോ? ഞെട്ടിച്ച് കല്യാണി; വേഫെററിന്റെ പുത്തൻ ചിത്രത്തിന്റെ ഫസ്റ്റ് ലുക്ക്

കല്യാണി പ്രിയദർശനും നസ്‌ലെനുമാണ് ഈ ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്.

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ഫസ്റ്റ് ലുക്കും ടൈറ്റിലും പുറത്തുവിട്ടു. " ലോക - ചാപ്റ്റർ വൺ:ചന്ദ്ര" എന്നാണ് ചിത്രത്തിന് പേരിട്ടിരിക്കുന്നത്. കല്യാണി പ്രിയദർശൻ, നസ്‌ലെൻ എന്നിവരാണ് ചിത്രത്തിൽ പ്രധാന വേഷങ്ങളിലെത്തുന്നത്. ഡൊമിനിക് അരുൺ രചിച്ച് സംവിധാനം ചെയ്യുന്ന ചിത്രത്തിൽ ഒരു സൂപ്പർ ഹീറോ കഥാപാത്രം ആയാണ് കല്യാണി എത്തുന്നത്. കല്യാണിയുടെ സൂപ്പർ ഹീറോ കഥാപാത്രവും നസ്ലിനുമാണ് പോസ്റ്ററിലുള്ളത്.  "ലോക" എന്ന് പേരുള്ള ഒരു സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമായാണ് ഈ സിനിമയെത്തുന്നത്. 

Add Zee News as a Preferred Source

ബോളിവുഡ് ഉൾപ്പെടെയുള്ള മറ്റ് ഭാഷാ ചിത്രങ്ങളിൽ മാത്രം കണ്ടിരുന്ന തരത്തിലുള്ള ഒരു പോസ്റ്ററാണ് ചിത്രത്തിന്റേത്. പ്രേക്ഷകരെ കൂടുതൽ ആവേശത്തിലാക്കിയിരിക്കുകയാണിത്. മലയാളി പ്രേക്ഷകർക്ക് മുന്നിലേക്ക് ഏറെ വ്യത്യസ്തതയാർന്ന ഒരു കഥാ പശ്ചാത്തലമാണ് വേഫെറർ ഫിലിംസ് എത്തിക്കുന്നത്. ചന്ദു സലിം കുമാർ, അരുൺ കുര്യൻ, ശാന്തി ബാലചന്ദ്രൻ എന്നിവരും ചിത്രത്തിൽ അണിനിരക്കുന്നു.  

ഛായാഗ്രഹണം -നിമിഷ് രവി, സംഗീതം - ജേക്‌സ് ബിജോയ്, എഡിറ്റർ - ചമൻ ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വർഗീസ്, ബിബിൻ പെരുമ്പള്ളി, അഡീഷണൽ തിരക്കഥ-ശാന്തി ബാലചന്ദ്രൻ, പ്രൊഡക്ഷൻ ഡിസൈനർ-ബംഗ്ലാൻ , കലാസംവിധായകൻ-ജിത്തു സെബാസ്റ്റ്യൻ, മേക്കപ്പ് - റൊണക്സ് സേവ്യർ, കോസ്റ്റ്യൂം ഡിസൈനർ-മെൽവി ജെ, അർച്ചന റാവു, സ്റ്റിൽസ്- രോഹിത് കെ സുരേഷ്, അമൽ കെ സദർ, ആക്ഷൻ കൊറിയോഗ്രാഫർ- യാനിക്ക് ബെൻ, പ്രൊഡക്ഷൻ കൺട്രോളർ - റിനി ദിവാകർ, വിനോഷ് കൈമൾ, ചീഫ് അസോസിയേറ്റ്-സുജിത്ത് സുരേഷ് തുടങ്ങിയവരാണ് സിനിമയുടെ മറ്റ് അണിയറപ്രവർത്തകർ.