Empuraan Booking Record: 'എമ്പുരാൻ' ട്രെൻഡ്! ഇതിന് മുകളിൽ ഇനി ആരുണ്ട്? ഇന്ത്യൻ സിനിമയിലെ ഏറ്റവും ഉയർന്ന പ്രീസെയിൽ, അതും ഒരു മണിക്കൂറിൽ

അതിവേ​ഗമാണ് എമ്പുരാന്റെ ടിക്കറ്റുകൾ വിറ്റഴിയുന്നത്. പല ബുക്കിം​ഗ് സൈറ്റുകളും ക്രാഷ് ആകുകയും ചെയ്തു.

എമ്പുരാന്റെ അഡ്വാൻസ് ബുക്കിംഗ് തുടങ്ങിയതിന് മിനിറ്റുകൾക്കുള്ളിൽ തന്നെ ടിക്കറ്റുകൾ എല്ലാം സോൾഡ് ഔട്ടായ കാഴ്ച നമ്മൾ കണ്ടതാണ്. ഇപ്പോൾ മറ്റൊരു നേട്ടം കൂടി ചിത്രം നേടിയിരിക്കുകയാണ്. റെക്കോർഡുകൾ തിരുത്തികുറിച്ചിരിക്കുകയാണ് എമ്പുരാൻ. ബുക്കിം​ഗ് തുടങ്ങി ഒരു മണിക്കൂറിൽ എമ്പുരാൻ തകർത്തത് ജവാന്റെയും ലിയോയുടെയും പുഷ്പ 2 വിന്റേയും റെക്കോർഡുകളാണ്. ഒരു മണിക്കൂറിൽ 93000ൽ അധികം ടിക്കറ്റുകളാണ് ബുക്ക് മൈ ഷോയിൽ വിറ്റുപോയതെന്നാണ് റിപ്പോർട്ടുകൾ പറയുന്നത്. 

Add Zee News as a Preferred Source

റിപ്പോർട്ടുകൾ പ്രകാരം ഇന്ത്യൻ സിനിമയിൽ ഇതുവരെ ഏറ്റവും അധികം പ്രീസെയിൽ കളക്ഷൻ നേടിയത് ഷാരൂഖ് ഖാന്റെ ജവാനാണ്. 85000 ടിക്കറ്റുകളായിരുന്നു ജവാൻ വിറ്റിരുന്നത്. വിജയ് ചിത്രം ലിയോ ആയിരുന്നു ആദ്യ ദിന അഡ്വാൻസ് ബുക്കിം​ഗിൽ രണ്ടാമതുള്ളത്. 82000ൽ അധികം ടിക്കറ്റുകൾ വിറ്റുപോയതായാണ് റിപ്പോർട്ടുകൾ സൂചിപ്പിക്കുന്നത്. 80000ത്തോളം ടിക്കറ്റുകൾ വിറ്റഴിച്ച് അല്ലു അർജുന്റെ പുഷ്പ 2 ആയിരുന്നു മൂന്നാം സ്ഥാനത്ത്. ഈ ചിത്രങ്ങളെ മറികടന്നിരിക്കുകയാണ് എമ്പുരാൻ.