Empuraan Launch Times Square: ന്യൂയോർക്കിൽ ഖുറേഷി എബ്രഹാം; ആവേശത്തിൽ ആരാധകർ

Mohanlal's Empuraan: വലിയ ജനപങ്കാളിത്തത്തോടെയാണ് ന്യൂയോർക്കിൽ ലോഞ്ച് ചടങ്ങുകൾ നടന്നത്. ആഘോഷത്തിൽ പങ്കെടുക്കാൻ യുഎസിലെ വിവിധ പ്രവിശ്യകളിൽ നിന്നുള്ള ആരാധകരെത്തി.

ന്യൂയോർക്കിലെ ടൈം സ്ക്വയറിൽ എമ്പുരാൻ സിനിമയുടെ ലോഞ്ചിങ് ​ഗംഭീരമാക്കി ആരാധകർ. പതിനായിരത്തോളം മോഹൻലാൽ ഫാൻസ് ലോഞ്ച് ചടങ്ങിൽ പങ്കെടുത്തു. എമ്പുരാന്റെ ടീസർ ഒരു ദിവസം മുഴുവനാണ് ഇവിടെ പ്രദർശിപ്പിച്ചത്. ഇതിനൊപ്പം അറുപതോളം കലാകാരന്മാർ പങ്കെടുത്ത സം​ഗീത നൃത്ത പരിപാടികളും സംഘടിപ്പിച്ചു.

വലിയ ജനപങ്കാളിത്തത്തോടെയാണ് ന്യൂയോർക്കിൽ ലോഞ്ച് ചടങ്ങുകൾ നടന്നത്. ആഘോഷത്തിൽ പങ്കെടുക്കാൻ യുഎസിലെ വിവിധ പ്രവിശ്യകളിൽ നിന്നുള്ള ആരാധകരെത്തി. ആശിർവാദ് സിനിമാസിന്റെ ബാനറിലാണ് ചിത്രം നിർമിച്ചിരിക്കുന്നത്. നടനും സംവിധായകനുമായ പൃഥ്വിരാജ് സുകുമാരനാണ് ചിത്രം സംവിധാനം ചെയ്യുന്നത്.

ഞായറാഴ്ച അർധരാത്രിയോടെയാണ് ടൈംസ് സ്ക്വയറിൽ ലോഞ്ചിങ് നടന്നത്. ചടങ്ങിൽ ഓൺലൈനായി മോഹൻലാലും പങ്കെടുത്തത് ആരാധകരെ ആവേശത്തിലാഴ്ത്തി. ലൈക്ക് പ്രൊഡക്ഷൻസ് പിന്മാറിയതിനെ തുടർന്ന് എമ്പുരാന്റെ വിതരണം ശ്രീ ​ഗോകുലം മൂവീസ് ഏറ്റെടുത്തിരുന്നു.