Empuraan Movie Release: പ്രശ്നങ്ങളെല്ലാം തീർന്നു, പറഞ്ഞ ദിവസം തന്നെ 'എമ്പുരാൻ' എത്തും; ലൈക്കയ്ക്ക് പകരം ശ്രീ ​ഗോകുലം മൂവീസ്?

റിലീസ് അടുത്തിട്ടും ചിത്രത്തിന്റെ അപ്ഡേറ്റുകളൊന്നും വരാത്തതിൽ ചോദ്യങ്ങളുയർന്നിരുന്നു. പുതിയ വാർത്ത വ്യക്തമാക്കുന്നത് എമ്പുരാൻ മാർച്ച് 27ന് തന്നെ റിലീസ് ചെയ്യുമെന്നാണ്.

എമ്പുരാൻ മാർച്ച് 27ന് തിയേറ്ററുകളിൽ റിലീസ് ചെയ്യാനിരിക്കെ ചിത്രത്തിന്റെ നിർമ്മാണവുമായി ബന്ധപ്പെട്ടുള്ള പുതിയ അപ്ഡേറ്റ്സ് പുറത്തുവന്നിരിക്കുകയാണ്. ചിത്രത്തിന്റെ നിർമ്മാണ വിതരണ ചുമതലകളിൽ നിന്ന് ലൈക്ക പ്രൗഡക്ഷൻസ് പിന്മാറിയെന്ന വാർത്തയാണ് ഇപ്പോൾ പുറത്തുവരുന്നത്. സാമ്പത്തിക ബാധ്യത മൂലമാണ് ലൈക്ക പിന്മാറുന്നതെന്നാണ് പുറത്തുവരുന്ന വിവരം. പകരം ​ഗോകുലം ​ഗോപാലന്റെ ശ്രീ ​ഗോകുലം മൂവീസ് നിർമ്മാണ വിതരണ ചുമതലകൾ ഏറ്റെടുക്കുമെന്ന റിപ്പോർട്ടുകളാണ് പുറത്തുവരുന്നത്. എന്നാൽ ഇതിൽ ഔദ്യോ​ഗിക സ്ഥിരീകരണം ഇതുവരെ വന്നിട്ടില്ല.