Empuraan Update: ലൂസിഫറിന്റെ റീറിലീസ് ദിവസത്തിൽ എമ്പുരാന്റെ വമ്പൻ അപ്ഡേറ്റും; തീപാറും!

എമ്പുരാന്റെ റിലീസിനൊപ്പം തന്നെ ആകാംക്ഷ നിറഞ്ഞതാണ് ചിത്രത്തിന്റെ ട്രെയിലർ റിലീസും. എന്നാൽ ആ കാത്തിരിപ്പിന് അവസാനമാകുകയാണ്. ചിത്രത്തിന്റെ ഓൺലൈൻ ട്രെയിലർ നാളെ റിലീസ് ചെയ്യും. മാർച്ച് 20ന് ഉച്ചയ്ക്ക് 1.08ന് എമ്പുരാൻ ട്രെയിലർ റിലീസ് ചെയ്യും. ചിത്രത്തിന്റെ സംവിധായകൻ പൃഥ്വിരാജ് തന്നെയാണ് ഇക്കാര്യം സോഷ്യൽ മീഡിയയിലൂടെ അറിയിച്ചിരിക്കുന്നത്. 2019ൽ റിലീസ് ചെയ്ത ലൂസിഫറിന്റെ ട്രെയിലറും മാർച്ച് 20ന് തന്നെയാണ് പുറത്തിറക്കിയത്. 

മാർച്ച് 27നാണ് എമ്പുരാൻ റിലീസിനെത്തുന്നത്. ചിത്രത്തിന്റെ റിലീസിന് മുന്നോടിയായി ഒന്നാം ഭാ​ഗമായ ലൂസിഫർ നാളെ റീറിലീസ് ചെയ്യും. പൃഥ്വിരാജ് ആദ്യമായി സംവിധാനം ചെയ്ത ചിത്രമാണ് ലൂസിഫർ. മുരളി ഗോപി തിരക്കഥയെഴുതി ആന്റണി പെരുമ്പാവൂർ നിർമ്മിച്ച ചിത്രം 2019-ലാണ് റിലീസ് ചെയ്തത്. മോഹൻലാൽ സ്റ്റീഫൻ നെടുമ്പള്ളി എന്ന കഥാപാത്രത്തെയാണ് സിനിമയിൽ അവതരിപ്പിച്ചത്. വിവേക് ഒബ്റോയ്, മഞ്ജു വാര്യർ, ടൊവിനോ തോമസ്, ഇന്ദ്രജിത്ത് സുകുമാരൻ എന്നിവരും പ്രധാന കഥാപാത്രങ്ങളെ അവതരിപ്പിച്ചു. വമ്പൻ താര നിരയാണ് ചിത്രത്തിൽ അണിനിരന്നത്.

ലൂസിഫർ എന്ന ചിത്രത്തിന്റെ വമ്പൻ വിജയവും മോഹൻലാൽ-പൃഥ്വിരാജ് കൂട്ടുകെട്ടും തന്നെയാണ് എമ്പുരാനായുള്ള കാത്തിരിപ്പിന് ആക്കം കൂട്ടുന്നത്. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും എമ്പുരാൻ പ്രദര്‍ശനത്തിനെത്തും. മോഹൻലാൽ, മഞ്ജു വാര്യർ, പൃഥ്വിരാജ്, ടൊവിനോ തോമസ്, ഇന്ദ്രജിത്ത്, തുടങ്ങി ലൂസിഫറിലുണ്ടായിരുന്ന താരങ്ങളും പുതിയ കഥാപാത്രങ്ങളും ഈ ചിത്രത്തിൽ അണിനിരക്കുന്നുണ്ട്. സിനിമാ ആസ്വാദകർ ഏറെ കാത്തിരിക്കുന്ന ചിത്രങ്ങളിലൊന്നാണ് എമ്പുരാൻ. ആശിർവാദ് സിനിമാസ്, ശ്രീ ​ഗോകുലം മൂവീസ് എന്നിവയുടെ ബാനറിൽ ആന്റണി പെരുമ്പാവൂരും ​ഗോകുലം ​ഗോപാലനും ചേർന്നാണ് ചിത്രം നിർമിക്കുന്നത്. മുരളി ​ഗോപിയാണ് തിരക്കഥ രചിച്ചിരിക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.