Pranav Mohanlal: 'പ്രണവിനോട് രണ്ട് മിനിറ്റ് സംസാരിച്ചാൽ നമ്മുടെ അഹങ്കാരം തീരും'; എമ്പുരാൻ മേക്കപ്പ്‌മാന്‍

Pranav Mohanlal: താരപുത്രനാണെങ്കിലും അതിന്റേതായ ഒരു താരജാഡയും അല്ലാതെ സാധാരണക്കാരനെപ്പോലെ നടക്കാൻ ആഗ്രഹിക്കുന്ന ആളാണ് പ്രണവ് മോഹൻലാൽ

താരപുത്രനാണെങ്കിലും അതിന്റേതായ ഒരു താരജാഡയും അല്ലാതെ സാധാരണക്കാരനെപ്പോലെ നടക്കാൻ ആഗ്രഹിക്കുന്ന ആളാണ് പ്രണവ് മോഹൻലാൽ. പ്രണവിനോട് രണ്ട് മിനിറ്റ് സംസാരിച്ചാൽ നമ്മുടെ അഹങ്കാരം തീരുമെന്ന് വ്യക്തമാക്കുകയാണ് മേക്കപ്പ് ആർട്ടിസ്റ്റ് ശ്രീജിത്ത് ​ഗുരുവായൂർ. എമ്പുരാൻ എന്ന ബ്ലോക് ബസ്റ്റർ ചിത്രത്തിൽ പ്രണവ് മോഹൻലാലിനെ മേക്കപ്പ് ചെയ്തപ്പോഴുള്ള അനുഭവമാണ് ശ്രീജിത്ത് പങ്കുവയ്ച്ചത്. ഒരു യുട്യൂബ് ചാനലിന് നൽകിയ അഭിമുഖത്തിലാണ് അദ്ദേഹത്തിന്റെ പ്രതികരണം. 

Add Zee News as a Preferred Source

'എമ്പുരാന്റെ പ്രോസസ് നടക്കുന്ന സമയത്ത് പ്രണവിന് ഒരു കാലഘട്ടം ഉണ്ട്. അത് മെൻഷൻ ചെയ്യണമെങ്കിൽ അദ്ദേഹത്തിന് മേക്കോവർ വേണം. ട്രയൽ ചെയ്യണമെന്ന് പൃഥ്വിരാജിനോട് പറയുകയും സമ്മതം അറിയിക്കുകയും ചെയ്തു. ചെന്നൈയിലെ വീട്ടിൽ വച്ചായിരുന്നു ട്രയൽ. അങ്ങനെ അവിടെ എത്തി വിഗ്ഗിന്റെ കാര്യങ്ങൾ ചെയ്യാൻ തുടങ്ങി. പുള്ളിക്ക് വേണ്ടി ഒരു കസേര ഇട്ടിട്ടുണ്ട്. പക്ഷേ അദ്ദേഹം അവിടെ ഇരിക്കാതെ നമുക്കൊപ്പം നിന്നു. ഓരോന്ന് ചെയ്യുന്നതും നോക്കി. ഇതിനിടയിൽ എന്റേന്ന്  ബ്രഷ് താഴേ പോയപ്പോൾ പെട്ടെന്ന് പുള്ളി അത് എടുത്ത് തന്നു. അതൊക്കെ സ്വാഭാവികമായി സംഭവിക്കുന്നതാണ്', ശ്രീജിത്ത് പറഞ്ഞു.

'എല്ലാം കഴിഞ്ഞ് പുറത്തിറങ്ങുമ്പോൾ എന്റെ ബാ​ഗ് കാണാനില്ല. തിരിഞ്ഞ് നോക്കിയപ്പോൾ പ്രണവ് ബാ​ഗുമായി നിൽക്കുന്നു. അയ്യോന്ന് പറഞ്ഞ് ബാ​ഗ് വാങ്ങി. ഇതൊക്കെ പറയുന്നത് എന്തിനെന്ന് വച്ചാൽ നമ്മുടെ ഉള്ളിലെ ഞാൻ എന്ന ഭാവവും അഹങ്കാരവുമൊക്കെ രണ്ട് മിനിറ്റ് പ്രണവിനോട് സംസാരിച്ചാൽ ഇല്ലാണ്ടാവും. അത്രത്തോളം ഇംപാക്ട് പ്രണവ് നമ്മളിൽ വരുത്തിയിട്ടുണ്ട്', എന്നും ശ്രീജിത്ത് വ്യക്തമാക്കി.