 "JSK Controversy: പുതിയ പതിപ്പിന് സെൻസർ ബോർഡ് അനുമതി; ജാനകി വി തിയേറ്ററുകളിലേക്ക്")
)
പേരിനെ തുടർന്ന് വിവാദത്തിലായ ജെഎസ്കെ ഒടുവിൽ തിയേറ്ററുകളിലേക്ക് എത്തുകയാണ്. ചിത്രത്തിന്റെ റീ എഡിറ്റ് പതിപ്പിന് സെൻസർ ബോർഡ് അനുമതി നൽകിയതോടെയാണ് ചിത്രം പ്രദർശനത്തിന് എത്തുന്നത്. ജാനകി വി വേർസസ് സ്റ്റേറ്റ് ഓഫ് കേരള എന്നാണ് ചിത്രത്തിന്റെ പേര്. എട്ട് മാറ്റങ്ങളോടെയാണ് ചിത്രം തിയേറ്ററുകളിൽ റിലീസ് ചെയ്യുന്നത്. റിലീസ് ഉടൻ ഉണ്ടാകുമെന്ന് അണിയറ പ്രവർത്തകർ അറിയിച്ചു.
നിയമപോരാട്ടങ്ങൾക്കൊടുവിലാണ് സെൻസർബോർഡിന്റെ നിർദ്ദേശങ്ങൾക്ക് വഴങ്ങി ചിത്രത്തിന്റെ പേര് അണിയറപ്രവർത്തകർ മാറ്റിയത്. ചിത്രത്തിലെ വിചാരണ രംഗങ്ങളിൽ ജാനകി എന്ന പേര് മ്യൂട്ട് ചെയ്യാമെന്നും നിർമാതാക്കൾ കോടതിയിൽ വ്യക്തമാക്കിയിരുന്നു.
ജാനകി എന്ന് ഉപയോഗിക്കുന്നതിന് പകരം കഥാപാത്രത്തിന്റെ മുഴുവന് പേരായ ജാനകി വിദ്യാധരന് അല്ലെങ്കിൽ ജാനകി വി എന്നോ ഉപയോഗിക്കണം എന്നായിരുന്നു സെന്സര് ബോര്ഡ് ഇന്ന് മുന്നോട്ട് വച്ച നിര്ദേശം. കോടതി രംഗത്തിലെ ഒരു സംഭാഷണം മാറ്റുകയോ മ്യൂട്ട് ചെയ്യുകയോ വേണമെന്നും സെന്സര് ബോര്ഡ് നിര്ദേശിച്ചിരുന്നു.
സുരേഷ് ഗോപി, അനുപമ പരമേശ്വരന് എന്നിവരാണ് ചിത്രത്തിൽ കേന്ദ്രകഥാപാത്രങ്ങളായി എത്തുന്നത്. പീഡനത്തിരയായി ഗര്ഭിണിയായ യുവതിയെയാണ് അനുപമ അവതരിപ്പിച്ചിരിക്കുന്നത്. അനുപമയുടെ ഈ കഥാപാത്രത്തിന് ജാനകി എന്ന പേര് നല്കിയതാണ് വിവാദമായത്. തുടർന്ന് പേര് മാറ്റണമെന്ന് ആവശ്യപ്പെട്ട് സെൻസർ ബോർഡ് രംഗത്തെത്തുകയായിരുന്നു. മാറ്റില്ലെന്ന് നിർമാതാക്കളും നിലപാടെടുത്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
