 "JSK Ott Release: സുരേഷ് ഗോപി, അനുപമ പരമേശ്വരൻ ചിത്രം 'ജെഎസ്കെ' ഒടിടിയിലേക്ക്; എവിടെ, എപ്പോൾ കാണാം?")
സുരേഷ് ഗോപി, അനുപമ പരമേശ്വരൻ എന്നിവർ പ്രധാന കഥാപാത്രങ്ങളെ അവതരിപ്പിച്ച ഒരു കോർട്ട് റൂം ഡ്രാമയായിരുന്നു ജാനകി വി vs സ്റ്റേറ്റ് ഓഫ് കേരള. തിയേറ്റർ റിലീസിന് മുൻപ് തന്നെ ചിത്രം വാർത്തകളിൽ ഇടം നേടിയിരുന്നു. ചിത്രത്തിന് സെൻസർ ബോർഡ് പ്രദർശനാനുമതി നിഷേധിക്കുകയായിരുന്നു. ചിത്രത്തിന്റെ പേര് മാറ്റണം എന്നായിരുന്നു സെൻസർ ബോർഡിന്റെ നിർദ്ദേശം. എന്നാൽ നിർമാതാക്കൾ ഇതിന് വഴങ്ങിയിരുന്നില്ല. ഒടുവിൽ നിയമപോരാട്ടത്തിനൊടുവിൽ സെൻസർ ബോർഡിന്റെ നിർദ്ദേശം അംഗീകരിച്ച് പേര് മാറ്റുകയായിരുന്നു.
ഇപ്പോഴിതാ ചിത്രം ഒടിടിയിലേക്ക് എത്തുകയാണ്. തിയേറ്ററിൽ റിലീസ് ചെയ്ത് ഒരു മാസത്തിന് ശേഷമാണ് ചിത്രം ഒടിടി സ്ട്രീമിങ്ങിന് ഒരുങ്ങുന്നത്. പ്രവീൺ നാരായണൻ സംവിധാനം ചെയ്ത ചിത്രം ഓഗസ്റ്റ് 15 മുതൽ ZEE5-ൽ സ്ട്രീം ചെയ്യും. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിൽ ചിത്രം സ്ട്രീം ചെയ്യും.
ഈ സ്വാതന്ത്ര്യദിനം നീതിക്ക് വേണ്ടിയുള്ളതാകട്ടെ. "Janaki V v/s State of Kerala", August 15 മുതൽ, നമ്മുടെ സ്വന്തം ZEE5ൽ
— ZEE5 Malayalam (@zee5malayalam) August 4, 2025
PREMIERES 15th August on @ZEE5@TheSureshGopi @anupamahere @jsujithnair @DreamBig_film_s #PravinNarayanan #DivyaPillai #AskarAli #MadhavSuresh… pic.twitter.com/xMaq6TNeJH
ലൈംഗികാതിക്രമത്തിന് ഇരയായ ജാനകി എന്ന പെൺകുട്ടിയുടെ കഥയാണ് ചിത്രം പറയുന്നത്. ശ്രുതി രാമചന്ദ്രൻ, മാധവ് സുരേഷ്, അക്സർ അലി, ബൈജു സന്തോഷ്, ദിവ്യ പിള്ള എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. അഭിഭാഷകനായ ഡേവിഡ് ആബേൽ ഡോണോവൻ എന്ന കഥാപാത്രത്തെയാണ് ചിത്രത്തിൽ സുരേഷ് ഗോപി അവതരിപ്പിച്ചത്. അനുപമ പരമേശ്വരൻ ഏറെ നാളുകൾക്ക് ശേഷം മലയാളത്തിലേക്ക് തിരിച്ചെത്തിയ ചിത്രം കൂടിയാണിത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)