Kerala Crime Files Season 2: രണ്ടാം വരവ് 'സിപിഒ അമ്പിളി രാജുവിനെ തേടി'; 'കേരള ക്രൈം ഫയൽസ് സീസൺ 2' ട്രെയിലർ

കേരള ക്രൈം ഫയൽസിന്റെ രണ്ടാം ഭാ​ഗത്തിന്റെ ട്രെയിലർ റിലീസ് ചെയ്തു. വളരെ ത്രില്ലിം​ഗ് ആയിട്ടുള്ള സീരീസ് ആയിരിക്കുമെന്നാണ് ട്രെയിലർ നൽകുന്ന സൂചന.

ഡിസ്നി ഹോട്ട്സ്റ്റാർ, ഇന്നത്തെ ജിയോ ഹോട്ട്സ്റ്റാർ അവതരിപ്പിച്ച ആദ്യ മലയാളം വെബ് സീരീസ് ആണ് കേരള ക്രൈം ഫയൽസ്. 2023 ജൂൺ 23ന് സ്ട്രീമിങ് തുടങ്ങിയ സീരീസ് വൻ ഹിറ്റായിരുന്നു. പ്രേക്ഷകർ വളരെയേറെ പ്രശംസിച്ച ആദ്യ ഭാ​ഗമായിരുന്നു കേരള ക്രൈം ഫയൽസ് ഷിജു പാറയിൽ വീട് നീണ്ടകര. പ്രേക്ഷകരുടെ പ്രതീക്ഷകൾക്കപ്പുറമുള്ള വിജയമായിരുന്നു ഇതിന്റേത്. അജു വർ​ഗീസ്, ലാൽ എന്നിവരായിരുന്നു ആദ്യ ഭാ​ഗത്തിൽ പ്രധാന കഥാപാത്രങ്ങളെ അവതരിപ്പിച്ചത്. 

Add Zee News as a Preferred Source

കേരള ക്രൈം ഫയൽസിന്റെ രണ്ടാം ഭാ​ഗം പ്രേക്ഷകരിലേക്ക് എത്തുകയാണ്. 'കേരള ക്രൈം ഫയൽസ് സീസൺ 2; ദി സെർച്ച് ഫോർ സിപിഒ അമ്പിളി രാജു' എന്നാണ് രണ്ടാം ഭാ​ഗത്തിന്റെ പേര്. ട്രെയിലർ പുറത്തുവിട്ടു. ഈ സീസണിൽ അജു വർ​ഗീസ്, ലാൽ, ഹരിശ്രീ അശോകൻ, ഇന്ദ്രൻസ്, അര്‍ജുന്‍ രാധാകൃഷ്ണന്‍, നവാസ് വള്ളിക്കുന്ന്,  രഞ്ജിത്ത് ശേഖര്‍, സഞ്ചു, സുരേഷ് ബാബു, നൂറിന്‍ ഷെരീഫ്, ജിയോ ബേബി, ഷിബ്ല ഫറ, ബിലാസ് ചന്ദ്രഹാസന്‍ തുടങ്ങിയ വമ്പൻ താരനിരയാണ് ഈ സീരീസിൽ അണിനിരക്കുന്നത്. ആദ്യ സീസൺ പോലെ തന്നെ ഇതും ത്രില്ലടിപ്പിക്കുന്നതാകുമെന്ന് തന്നെയാണ് പ്രതീക്ഷ. എന്നാൽ സ്ട്രീമിങ് തിയതി പ്രഖ്യാപിച്ചിട്ടില്ല. 

ഒരു സെക്സ് വർക്കറിന്റെ കൊലപാതകം സംബന്ധിച്ചുള്ള അന്വേഷണമായിരുന്നു ആദ്യ സീരീസിലെ പ്രമേയം. അഹമ്മദ് കബീർ ആണ് ഈ സീരീസ് സംവിധാനം ചെയ്തത്. ജൂണ്‍, മധുരം എന്നീ സിനിമകളുടെ സംവിധായകനാണ് അഹമ്മദ് കബീര്‍. രണ്ടാമത്തെ സീസണും അഹമ്മദ് തന്നെയാണ് സംവിധാനം ചെയ്യുന്നത്. സീരീസ് നിർമ്മിക്കുന്നത് മങ്കി ബിസിനസ് (Monkey Business) ആണ്. ഹസ്സൻ റഷീദ്, അഹമ്മദ് കബീർ, ജിതിൻ സ്റ്റാനിസ്ലോസ് എന്നിവർ ചേർന്നാണ് നിർമ്മാണം. 

കഥ, തിരക്കഥ, സംഭാഷണം - ബാഹുൽ രമേശ്. ഡിഒപി - ജിതിൻ സ്റ്റാനിസ്ലാസ്, എഡിറ്റർ - മഹേഷ് ഭുവനാനന്ദ്, സംഗീതം - ഹിഷാം അബ്ദുൾ വഹാബ്, പ്രൊഡക്ഷൻ ഡിസൈനർ - പ്രതാപ് രവീന്ദ്രൻ, എക്സിക്യൂട്ടീവ് പ്രൊഡ്യൂസർമാർ - പൗലോസ് തേപ്പാല & ആർജെ മാത്തുക്കുട്ടി, സൗണ്ട് ഡിസൈൻ - ധനുഷ് നായനാർ, സൗണ്ട് മിക്സർ - ഫസൽ എ ബാക്കർ, കോസ്റ്റ്യൂം ഡിസൈനർ - സമീറ സനീഷ്, മേക്കപ്പ് - റോണക്സ് സേവ്യർ, കളറിസ്റ്റ് - ശ്രീക് വാരിയർ, ചീഫ് എഡി - അതുൽ എസ് ദേവ്, ചീഫ് എസി - വൈശാഖ് ദേവൻ, പ്രൊഡക്ഷൻ കൺട്രോളർ - സനൂപ് ചങ്ങനാശ്ശേരി, കലാസംവിധാനം - സതീഷ് നെല്ലായ, അസോസിയേറ്റ് ഡയറക്ടർമാർ - ജോബിൻ ജോൺ വർഗീസ്, ഹിഷാം അൻവർ, രോഹൻ മാത്തൻ, അസോസിയേറ്റ് ഛായാഗ്രാഹകൻ - ദീപു എസ്.കെ, അസിസ്റ്റൻ്റ് ഡയറക്ടർ - ശ്രീജിത്ത് വിദ്യാധരൻ, അസിസ്റ്റൻ്റ് ഛായാഗ്രാഹകർ - രാജ് രഞ്ജിത്ത്, സെഡ്രിക് എസ് മാത്യു.

കുറ്റകൃത്യങ്ങളുടെ പശ്ചാത്തലത്തിലുള്ള സീരീസ് ആണ് കേരള ക്രൈം ഫയൽസ്. ഓരോ സീസണിലും തികച്ചും വ്യത്യസ്തങ്ങളായ കുറ്റാന്വേഷണ കഥകൾ പ്രേക്ഷകര്‍ക്ക് മുന്നിലേക്കെത്തും. കേരളീയ പശ്ചാത്തലത്തിലാണ് ഓരോ കഥകളും അവതരിപ്പിക്കുന്നത്. ഫസ്റ്റ് പ്രിന്റ് സ്റ്റുഡിയോസിന്റെ ബാനറിൽ രാഹുല്‍ റിജി നായര്‍ ആണ് ആദ്യ സീരീസ് നിർമ്മിച്ചത്.