 "Kerala Crime Files: തിയതി കുറിച്ചിട്ടോളൂ...'കേരള ക്രൈം ഫയൽസ് സീസൺ 2' എത്തുന്നു, ട്രെയിലർ")
ഒടിടി പ്ലാറ്റ്ഫോമായ ഡിസ്നി പ്ലസ് ഹോട്ട്സ്റ്റാർ (ജിയോ ഹോട്ട്സ്റ്റാർ) അവതരിപ്പിച്ച ആദ്യ മലയാളം വെബ് സീരീസ് ആയിരുന്നു കേരള ക്രൈം ഫയൽസ്. 2023 ജൂൺ 23നായിരുന്നു സീരീസ് സ്ട്രീം ചെയ്ത് തുടങ്ങിയത്. പ്രേക്ഷകരുടെ പ്രതീക്ഷകൾക്കപ്പുറം നിന്ന ഈ വെബ്സീരീസ് വലിയ വിജയം സ്വന്തമാക്കി.
സീരീസിന്റെ രണ്ടാം ഭാഗമുണ്ടാകുമെന്ന് നേരത്തെ തന്നെ വ്യക്തമാക്കിയിരുന്നു. എന്നാൽ എപ്പോൾ എത്തുമെന്ന് ധാരണ ഇല്ലായിരുന്നു. ഇപ്പോഴിതാ രണ്ടാം ഭാഗത്തെ കുറിച്ചുള്ള അപ്ഡേറ്റ് നൽകിയിരിക്കുകയാണ് ജിയോ ഹോട്ട്സ്റ്റാർ. സീരീസിന്റെ ട്രെയിലർ ഇന്ന് പുറത്തുവിടും. ഉടൻ സ്ട്രീമിങ് തുടങ്ങുമെന്നാണ് അറിയിച്ചിരിക്കുന്നതെങ്കിലും തിയതി കൃത്യമായി പറഞ്ഞിട്ടില്ല.
The date is marked. The suspense begins.
— JioHotstar Malayalam (@JioHotstarMal) May 27, 2025
Kerala Crime Files Season 2 — Trailer drops tomorrow@LalDirector @AjuVarghesee @_AajKaArjun_ @ahammedkhabeer #HotstarSpecials #KeralaCrimeFilesSeason2 #ComingSoon #KeralaCrimeFilesS2 #KCF2 #KCF #JioHotstar #JioHotstarMalayalam… pic.twitter.com/e8F9zeOpZs
ഒരു സെക്സ് വർക്കറിന്റെ കൊലപാതകം സംബന്ധിച്ചുള്ള അന്വേഷണമായിരുന്നു ആദ്യ സീരീസിന്റെ പ്രമേയം. അഹമ്മദ് കബീർ ആണ് ഈ സീരീസ് സംവിധാനം ചെയ്തത്. ജൂണ്, മധുരം എന്നീ സിനിമകളുടെ സംവിധായകനാണ് അഹമ്മദ് കബീര്. രണ്ടാമത്തെ സീസണും അഹമ്മദ് തന്നെയാണ് സംവിധാനം ചെയ്യുന്നത്. സീരീസ് നിർമ്മിക്കുന്നത് മങ്കി ബിസിനസ് (Monkey Business) ആണ്.
കുറ്റകൃത്യങ്ങളുടെ പശ്ചാത്തലത്തിലുള്ള സീരീസ് ആണ് കേരള ക്രൈം ഫയൽസ്. ഓരോ സീസണിലും തികച്ചും വ്യത്യസ്തങ്ങളായ കുറ്റാന്വേഷണ കഥകൾ പ്രേക്ഷകര്ക്ക് മുന്നിലേക്കെത്തും. കേരളീയ പശ്ചാത്തലത്തിലാണ് ഓരോ കഥകളും അവതരിപ്പിക്കുന്നത്. അജു വര്ഗീസും ലാലുമാണ് ആദ്യ സീസണിൽ പ്രധാന കഥാപാത്രങ്ങളെ അവതരിപ്പിച്ചത്. ഉദ്വേഗജനകമായ കുറ്റാന്വേഷണ കഥയ്ക്കൊപ്പം പ്രേക്ഷകരെ ആവേശത്തിലേക്കുയര്ത്തുന്ന വേറിട്ട അഭിനയ മുഹൂര്ത്തങ്ങളും നിറഞ്ഞതായിരുന്നു ആദ്യ സീസൺ. ഫസ്റ്റ് പ്രിന്റ് സ്റ്റുഡിയോസിന്റെ ബാനറിൽ രാഹുല് റിജി നായര് ആണ് സീരീസ് നിർമ്മിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)