Lokesh Kanagaraj Benz Movie: ചിത്രത്തിൽ രാഘവ ലോറൻസ് അവതരിപ്പിക്കുന്ന ബെൻസിനോട് കൊമ്പു കോർക്കാൻ എത്തുന്ന വില്ലനായ വാൾട്ടർ എന്ന കഥാപാത്രമായാണ് നിവിൻ പോളി എത്തുന്നത്.
മലയാളികളുടെ പ്രിയ താരം നിവിൻ പോളിയും ലോകേഷ് കനകരാജിന്റെ സിനിമാറ്റിക് യൂണിവേഴ്സിലേക്ക്. ലോകേഷ് കനകരാജിന്റെ കഥയിൽ ഭാഗ്യരാജ് കണ്ണൻ സംവിധാനം നിർവഹിക്കുന്ന ബെൻസ് എന്ന ബിഗ് ബഡ്ജറ്റ് ചിത്രത്തിലൂടെയാണ് നിവിൻ പോളി എൽസിയുവിലെത്തുന്നത്. ചിത്രത്തിന്റെ അണിയറപ്രവർത്തകർ ഇന്ന് പുറത്തിറക്കിയ വിഡിയോയിൽ നിവിൻ രണ്ട് വേഷത്തിലാണ് എത്തുന്നത്.
ഇന്ന് റിലീസ് ചെയ്ത വിഡിയോയിലൂടെയാണ് നിവിൻ പോളിയുടെ കഥാപാത്രത്തിന്റെ പേര് വെളിപ്പെടുത്തിയത്. ചിത്രത്തിൽ രാഘവ ലോറൻസ് അവതരിപ്പിക്കുന്ന ബെൻസിനോട് കൊമ്പു കോർക്കാൻ എത്തുന്ന വില്ലനായ വാൾട്ടർ എന്ന കഥാപാത്രമായാണ് നിവിൻ പോളി എത്തുന്നതെന്നത് മലയാളി പ്രേക്ഷകരെയും ആവേശത്തിലാക്കുകയാണ്.
റെമോ, സുൽത്താൻ തുടങ്ങിയ ചിത്രങ്ങളിലൂടെ ശ്രദ്ധേയനായ സംവിധായകൻ ഭാഗ്യരാജ് കണ്ണനാണ് ചിത്രത്തിന്റെ തിരക്കഥ, സംഭാഷണം, സംവിധാനം എന്നിവ നിർവഹിക്കുന്നത്. ബെൻസിന്റെ കഥ ഒരുക്കി അവതരിപ്പിക്കുന്നത് ലോകേഷ് കനകരാജ് ആണ്. ചിത്രത്തിന്റെ സംഗീത സംവിധാനം നിർവഹിക്കുന്നത് സായ് അഭയശങ്കർ ആണ്.
ലോകേഷ് കനകരാജിന്റെ ജി സ്ക്വാഡ്, പാഷൻ സ്റ്റുഡിയോസിന്റെ ബാനറിൽ സുധൻ സുന്ദരം, ജഗദീഷ് പളനിസ്വാമിയുടെ ദി റൂട്ട് എന്നിവർ ചേർന്നാണ് ചിത്രം നിർമിക്കുന്നത്. ലോകേഷ് കനകരാജ് ആണ് ചിത്രം അവതരിപ്പിക്കുന്നത്. ഛായാഗ്രഹണം- ഗൗതം ജോർജ്. എഡിറ്റിങ്- ഫിലോമിൻ രാജ്. കലാസംവിധാനം- ജാക്കി. സംഘട്ടനം- അനൽ അരശ്. പിആർഒ ആൻഡ് മാർക്കറ്റിങ് കൺസൾട്ടന്റ്- പ്രതീഷ് ശേഖർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)