 "Malavika Mohanan on Mohanlal: മോഹന്ലാല് അല്ല, 'പൂക്കീ ലാൽ'!!! മാളവിക ലാലേട്ടനെ വിളിച്ചത് ഇങ്ങനെയത്രെ...")
സത്യന് അന്തിക്കാടിന്റെ ഏറ്റവും പുതിയ ചിത്രമായ ഹൃദയപൂര്വ്വം സിനിമയിലെ മോഹന്ലാലിന്റെ നായികയാണ് മാളവിക മോഹനന്. എക്സിലെ (ട്വിറ്റർ )ചോദ്യോത്തര വേളയിലാണ് മാളവിക മോഹനന് മോഹന്ലാലിനെ സ്നേഹപൂര്വ്വം താന് പൂക്കീലാലെന്ന് വിളിച്ച കാര്യം പറഞ്ഞത്. ഇതിന് പിറകെ ഇത് എക്സിൽ കൂടുതൽ ചർച്ചകൾക്ക് വഴിവയ്ക്കുകയും ചെയ്തു.
ആസ്ക് മാളവിക (#AskMalavika) എന്ന ഹാഷ്ടാഗോടെ ആയിരുന്നു മാളവിക മോഹൻ എക്സിൽ ഇങ്ങനെ ഒരു സംവാദം തുടങ്ങിയത്. ഹൃദയപൂർവ്വം സിനിമയിൽ മോഹൻലാലിനൊപ്പമുള്ള അനുഭവം എങ്ങനെ ഉണ്ടായിരുന്നു എന്നായിരുന്നു ഒരു ഫോളോവറുടെ ചോദ്യം. ലാലേട്ടനോടൊപ്പം അഭിനയിക്കാനായത് സത്യമോ മിഥ്യയോ എന്ന് തിരിച്ചറിയാൻ കഴിയാത്തവിധമായിരുന്നു എന്നാണ് മാളവിക മറുപടി കൊടുത്തത്. ചെറുപ്പം മുതല് ലാലേട്ടന്റെ സിനിമകള് കണ്ടു വളര്ന്നതാണ് താനെന്നും മാളവിക പറഞ്ഞു. ഇതിന് പിറകെയാണ് മോഹൻലാലിനെ താൻ സ്നേഹത്തോടെ 'പൂക്കീലാൽ' (Pookie Lal) എന്ന് വിളിച്ചുവെന്ന് മാളവിക പറഞ്ഞത്. ഇത് തമാശയ്ക്ക് പറഞ്ഞതല്ലേ, ശരിക്കും ലാലേട്ടനെ പൂക്കീ ലാൽ എന്ന് വിളിച്ചില്ലല്ലോ എന്നായിരുന്നു മറ്റൊരു ഫോളോവറുടെ ചോദ്യം.
ഇതിനിടെ മോഹൻലാലിന്റേയും മാളവിക മോഹനന്റേയും പ്രായം വച്ച് ഒരാൾ ഒരു ചോദ്യം ചോദിച്ചു. 65 വയസ്സായ ഒരാൾ 30 കാരിയുടെ കാമുകനായി ആഭിനയിക്കുന്നത് സംബന്ധിച്ചായിരുന്നു ആ ചോദ്യം. തങ്ങളുടെ പ്രായത്തിനൊപ്പിച്ചുള്ള കഥാപാത്രങ്ങൾ അവതരിപ്പിച്ചാൽ പോരെ എന്നായിരുന്നു ചോദ്യത്തിലെ വിമർശനം. ഇതിന് ചുട്ടമറുപടിയും മാളവിക നൽകി. ഈ സിനിമയുടെ കഥ പ്രണയവുമായി ബന്ധപ്പെട്ടതാണെന്ന് ആര് പറഞ്ഞു എന്നായിരുന്നു തിരിച്ചുള്ള ചോദ്യം. ആളുകളേയും സിനിമകളേയും ഒരു അടിസ്ഥാനവുമില്ലാത്ത ഊഹങ്ങൾ വച്ച് വിധിക്കരുത് എന്നും മാളവിക മറുപടി പറഞ്ഞു.
Having grown up watching his films it was surreal to share the screen with him! He’s so sweet to work with I fondly call him ‘pookie’ lal hehe https://t.co/j1eq9hIjGi
— Malavika Mohanan (@MalavikaM_) June 18, 2025
സത്യന് അന്തിക്കാട് സംവിധാനം ചെയ്യുന്ന ഹൃദയപൂര്വ്വം എന്ന സിനിമ, മകന് അഖില് സത്യന്റെ കഥയെ ആസ്പദമാക്കിയുള്ളതാണ്. സോനു ടിപിയാണ് തിരക്കഥയൊരുക്കിയിരിക്കുന്നത്. എന്നും എപ്പോഴും എന്ന ചിത്രത്തിനു ശേഷം മോഹന്ലാലും സത്യന് അന്തിക്കാടും ഒന്നിക്കുന്ന സിനിമ എന്ന പ്രത്യേകത കൂടിയുണ്ട് ഹൃദയപൂർവ്വത്തിന്.
ഹൃദയപൂര്വ്വം സിനിമയുടെ ചിത്രീകരണം കൊച്ചിയിലും പൂണെയിലുമായാണ് നടന്നത്. ആശിര്വാദ് സിനിമാസിന്റെ ബാനറില് മോഹന്ലാല്, മാളവിക മോഹനന്, സംഗീത് പ്രതാപ്, സംഗീതാ മാധവന് നായര്, സിദ്ദിക്ക്, സബിത ആനന്ദ്, ബാബുരാജ്, നിഷാന്, ലാലു അലക്സ്, ജനാര്ദ്ദനന്, എസ്പി ചരണ് എന്നിവര് ഹൃദയപൂര്വ്വത്തില് പ്രധാന വേഷങ്ങളില് എത്തുന്നു. ഹൃദയപൂര്വ്വം 2025 ഓഗസ്റ്റ് 28 ന് തീയറ്ററുകളില് റിലീസ് ചെയ്യാന് തീരുമാനിച്ചിട്ടുണ്ട്.
പട്ടം പോലെ എന്ന സിനിമയിലൂടെയാണ് മാളവിക മോഹനന് അഭിനയരംഗത്തെത്തിയത്. മാരുതി തിരകഥയെഴുതി സംവിധാനം ചെയ്ത രാജാ സാബാണ് മാളവിക മോഹനന്റെ റിലീസിനൊരുങ്ങുന്ന അടുത്ത സിനിമ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)