 "Mareesan: മാമന്നന് ശേഷം ഫഹദും വടിവേലുവും ഒന്നിക്കുന്ന 'മാരീചൻ'; ട്രെയിലർ ട്രെൻഡിങ്ങിൽ")
ഏറെ ചർച്ച ചെയ്യപ്പെട്ട മാമന്നൻ എന്ന തമിഴ് ചിത്രത്തിന് ശേഷം വടിവേലുവും ഫഹദ് ഫാസിലും ഒന്നിച്ചെത്തുന്ന തമിഴ് ചിത്രമാണ് മാരീചൻ (Mareesan). ചിത്രത്തിന്റെ ട്രെയിലർ കഴിഞ്ഞ ദിവസം പുറത്തുവിട്ടു. യൂട്യൂബിൽ ട്രെൻഡിങ് ലിസ്റ്റിൽ 8ാമതാണ് ട്രെയിലറുള്ളത്. അൽഷിമേഴ്സ് രോഗാവസ്ഥയുള്ള ഒരാളായിട്ടാണ വടിവേലു എത്തുന്നത്. ഇയാളിൽ നിന്ന് പണം മോഷ്ടിക്കാൻ ശ്രമിക്കുന്ന ആളായിട്ടാണ് ഫഹദിന്റെ കഥാപാത്രമെത്തുന്നതെന്നാണ് ട്രെയിലറിൽ നിന്ന് ലഭിക്കുന്ന സൂചന. ഒരു റോഡ് ത്രില്ലർ ചിത്രമായി ഇതിനെ കണക്കാക്കാം.
സുധീഷ് ശങ്കര് ആണ് ചിത്രം സംവിധാനം ചെയ്യുന്നത്. സൂപ്പർ ഗുഡ് ഫിലിംസിൻ്റെ ബാനറിൽ ആർ ബി ചൗധരിയാണ് ചിത്രം നിർമ്മിക്കുന്നത്. ഈ നിര്മ്മാണ കമ്പനിയുടെ 98-ാമത് ചിത്രമാണിത്. വി കൃഷ്ണമൂർത്തിയാണ് ചിത്രത്തിന്റെ കഥ, തിരക്കഥ, സംഭാഷണം രചിച്ചിരിക്കുന്നത്. ചിത്രത്തിന്റെ ക്രിയേറ്റീവ് ഡയറക്ടറും ഇദ്ദേഹമാണ്.
കോവൈ സരള, വിവേക് പ്രസന്ന, സിതാര, പി എൽ തേനപ്പൻ, ലിവിംഗ്സ്റ്റൺ, രേണുക, ശരവണ സുബ്ബയ്യ, കൃഷ്ണ, ഹരിത, ടെലിഫോൺ രാജ് തുടങ്ങിയവരും ചിത്രത്തിൽ പ്രധാന വേഷങ്ങൾ ചെയ്യുന്നു. ക്യാമറ കൈകാര്യം ചെയ്തിരിക്കുന്നത് കലൈശെൽവൻ ശിവാജി ആണ്. സംഗീതസംവിധാനം നിർവഹിച്ചിരിക്കുന്നത് യുവൻ ശങ്കർ രാജയാണ്. എഡിറ്റിംഗ് ശ്രീജിത്ത് സാരംഗ്, കലാസംവിധാനം മഹേന്ദ്രൻ. എ പി ഇന്റർനാഷണൽ ആണ് ചിത്രത്തിന്റെ ലോകമെമ്പാടുമുള്ള അവകാശങ്ങൾ സ്വന്തമാക്കിയിരിക്കുന്നത്. ജൂലൈ 25 ന് ചിത്രം റിലീസ് ചെയ്യും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)