 "Mohanlal: മോഹന്ലാല് 'തുടരും'... താര സംഘടനയുടെ പ്രസിഡന്റായി തുടരാന് സമ്മതം മൂളി മോഹന്ലാല്")
)
കൊച്ചി: ഹേമ കമ്മിറ്റി റിപ്പോര്ട്ട് സൃഷ്ടിച്ച വിവാദത്തില് താര സംഘടനയായ എഎംഎംഎ (അമ്മ) ഭരണ സമിതി തന്നെ രാജിവച്ച് ഒഴിഞ്ഞിരുന്നു. മോഹന്ലാല് ആയിരുന്നു അപ്പോഴത്തെ പ്രസിഡന്റ്. ിന്നീട് അഡ്ഹോക് കമ്മിറ്റി ആയിരുന്നു സംഘടനയെ മുന്നോട്ട് നയിച്ചുകൊണ്ടിരിക്കുന്നത്. ഇപ്പോഴിതാ മോഹന്ലാല് തന്നെ പ്രസിഡന്റ് സ്ഥാനം ഏറ്റെടുക്കാന് തയ്യാറാണെന്ന് അറിയിച്ചിരിക്കുകയാണ്.
അഡ്ഹോക് കമ്മിറ്റിയെ ആണ് മോഹന്ലാല് ഇക്കാര്യം അറിയിച്ചിരിക്കുന്നത്. അഡ്ഹോക് കമ്മിറ്റി അംഗങ്ങള് മോഹന്ലാല് പ്രസിഡന്റ് സ്ഥാനത്തേക്ക് തിരിച്ചുവരണം എന്ന് ആവശ്യപ്പെട്ടിരുന്നു. ഇതേ തുടര്ന്നാണ് ഇങ്ങനെ ഒരു തീരുമാനത്തിലേക്ക് എത്തിയത് എന്നാണ് വിവരം. പ്രസിഡന്റ് സ്ഥാനത്തേക്ക് മത്സരം ഉണ്ടാകുന്ന സാഹചര്യം വന്നാല് താന് പിന്മാറാന് തയ്യാറാണെന്നും മോഹന്ലാല് അറിയിച്ചു എന്നാണ് റിപ്പോര്ട്ടുകള്.
ഹേമ കമ്മിറ്റി റിപ്പോര്ട്ട് പുറത്ത് വന്നതിന് പിറകെ ചില മുതിര്ന്ന താരങ്ങള്ക്കെതിരെ ലംഗികാതിക്രമ ആക്ഷേപങ്ങള് ഉയര്ന്നിരുന്നു. എന്നാല് ഇതിനെ ഒറ്റപ്പെട്ട സംഭവങ്ങള് എന്ന രീതിയില് ആയിരുന്നു താരസംഘടന പരിഗണിച്ചത്. സംഘടന ജനറല് സെക്രട്ടറിയായ നടന് സിദ്ദിഖും വാര്ത്താ സമ്മേളനത്തില് പരാതിക്കാര്ക്കെതിരെ രൂക്ഷ വിമര്ശനം ഉയര്ത്തിയിരുന്നു. ഇതിന് പിറകെ സിദ്ദിഖിനെതിരെയുള്ള പീഡന പരാതിയുമായി നടി രംഗത്തെത്തി. ഈ വിവാദം വീണ്ടും ചൂടുപിടിച്ചതോടെ സിദ്ദിഖ് ആയിരുന്നു ആദ്യം ജനറല് സെക്രട്ടറി സ്ഥാനം രാജിവച്ചത്. ഇതിന് പിറകെ വിവാദം കൊടുമ്പിരിക്കൊണ്ടപ്പോള് മോഹന് ലാല് ഉള്പ്പെടെയുള്ള എല്ലാ ഭാരവാഹികളും എക്സിക്യൂട്ടീവ് കമ്മിറ്റിയും രാജിവയ്ക്കുകയായിരുന്നു.
മോഹന്ലാല് പ്രസിഡന്റ് സ്ഥാനത്തേക്ക് തിരികെ എത്തിയാലും ജനറല് സെക്രട്ടറി സ്ഥാനം ഒഴിഞ്ഞുകിടക്കും. കേസ് നിലനില്ക്കുന്നതിനാല് സിദ്ദിഖിന് ആ സ്ഥാനത്തേക്ക് തിരികെ വരാന് ആവില്ല. പുതിയ ജനറല് സെക്രട്ടറിയെ ജൂണ് 22 ന് നടക്കുന്ന സംഘന ജനറല് ബോഡിയില് തിരഞ്ഞെടുക്കും എന്നാണ് വിവരം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
