 "Vismaya Mohanlal: പ്രണവിന് പിറകേ വിസ്മയയും! മോഹന്ലാലിന്റെ മകള് സിനിമയിലേക്ക്, 'തുടക്കം' പ്രഖ്യാപിച്ച് മോഹൻലാൽ")
)
തിരുവനന്തപുരം/കൊച്ചി: മലയാളികളുടെ പ്രിയതാരം മോഹന്ലാലിന്റെ മകളും സിനിമയിലേക്ക് വരുന്നു. ശീര്വാദ് സിനിമാസ് നിര്മിക്കുന്ന സിനിമയിലൂടെ ആയിരിക്കും വിസ്മയുടെ അഭിനയത്തിലേക്കുള്ള പ്രവേശനം. ആശീര്വാദ് സിനിമാസിന്റെ 37-ാം സിനിമയിലാണ് വിസ്മയ നായിക ആയെത്തുന്നത്. മോഹൻലാൽ തന്നെയാണ് ഇക്കാര്യം സാമൂഹ്യ മാധ്യമങ്ങളിലൂടെ അറിയിച്ചത്.
'തുടക്കം' എന്നാണ് സിനിമയുടെ പേര് എന്ന് പോസ്റ്റർ പങ്കുവച്ചുകൊണ്ട് മോഹൻലാൽ വ്യക്തമാക്കുന്നു. ജൂഡ് ആന്റണി ജോസഫ് ആണ് സിനിമയുടെ എഴുത്തുകാരനും സംവിധായകനും. ആന്റണി പെരുമ്പാവൂർ ആണ് നിർമാതാവ്.
സിനിമ മേഖലയോട് പ്രത്യേക താത്പര്യം ഒന്നും പ്രകടിപ്പിച്ചിട്ടില്ലാത്ത ആളായിരുന്നു വിസ്മയ. എഴുത്തിലും മറ്റുമായിരുന്നു വിസ്മയയുടെ താത്പര്യങ്ങള്. അടുത്തിടെ ആയിരുന്ന വിസ്മയയുടെ 'ഗ്രെയ്ന്സ് ഓഫ് സ്റ്റാര്ഡസ്റ്റ്' എന്ന കവിതാസമാഹാരം പുറത്തിറങ്ങിയത്. അഭിനയത്തില് വലിയ താത്പര്യം പ്രകടിപ്പിച്ചിരുന്നില്ലെങ്കിലും ആയോധനകലകളോട് വിസ്മയക്ക് താത്പര്യമുണ്ട്. ഇതില് പരിശീലനവും നേടിയിട്ടുണ്ട്. ഇന്സ്റ്റഗ്രാമില് ഇതിന്റെ വീഡിയോകളും പോസ്റ്റ് ചെയ്തിരുന്നു.
മോഹന്ലാലിന്റെ മകന് പ്രണവ് മോഹന്ലാല് ഇതിനകം തന്നെ മലയാള സിനിമയില് തന്റെ ഇടം കണ്ടെത്തിയിട്ടുണ്ട്. യാത്രകളും മറ്റും ഇഷ്ടപ്പെടുന്ന പ്രണവ് താരപരിവേഷം തീരെ ഇഷ്ടമില്ലാത്ത ആളാണെന്നാണ് സിനിമ മേഖലയിലെ സംസാരം. ഒന്നാമന് എന്ന സിനിമയില് ബാലതാരം ആയിട്ടായിരുന്നു പ്രണവിന്റെ അരങ്ങേറ്റം. തുടര്ന്ന് പുനര്ജനി എന്ന ചിത്രത്തിലെ അഭിനയത്തിന് മികച്ച ബാലതാരത്തിനുള്ള സംസ്ഥാന പുരസ്കാരവും പ്രണവ് സ്വന്തമാക്കി.
2015 ല് ജീത്തു ജോസഫിന്റെ സംവിധാന സഹായിയായിട്ടാണ് പ്രണവ് വീണ്ടും സിനിമയിലേക്ക് തിരികെ എത്തുന്നത്. ഇതിന് പിറകെ 2018 ല് പുറത്തിറങ്ങിയ ആദി എന്ന സിനിമയില് നായകനായി അരങ്ങേറി. 2022 ല് പുറത്തിറങ്ങിയ ഹൃദയം ബോക്സ് ഓഫീസില് വലിയ വിജയം നേടിയിരുന്നു. മരക്കാര് അറബിക്കടലിന്റെ സിംഹം, വര്ഷങ്ങള്ക്ക് ശേഷം, എമ്പുരാന് എന്നിവയാണ് പ്രണവ് മോഹന്ലാലിന്റേതായി പുറത്തിറങ്ങിയ മറ്റ് സിനിമകള്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
