 "Narivetta Movie: മലയാളത്തിലേക്ക് ചുവടുവെച്ച് ചേരൻ ; 'നരിവേട്ട'യിലെ ക്യാരക്ടർ പോസ്റ്റർ പുറത്തുവിട്ടു")
പ്രശസ്ത തമിഴ് നടനായ ചേരൻ നരിവേട്ടയിലൂടെ ആദ്യമായി മലയാളത്തിലെത്തുന്നു. വലിയ കാൻവാസിൽ ബിഗ് ബഡ്ജറ്റ് ചിത്രമായി ഒരുക്കുന്ന നരിവേട്ടയിൽ ടൊവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരാണ് മുഖ്യ കഥാപാത്രങ്ങൾ. അനുരാജ് മനോഹർ ആണ് ചിത്രം സംവിധാനം ചെയ്യുന്നത്. 'നരിവേട്ട'യിലെ ചേരന്റെ ക്യാരക്ടർ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ.
ചിത്രത്തിൽ ചേരൻ ആർ കേശവദാസ് എന്ന പൊലീസ് ഉദ്യോഗസ്ഥനായിട്ടാണ് എത്തുന്നത്. തമിഴിലെ പ്രമുഖ സംവിധായകനും നടനുമായ ചേരൻ സാംസ്കാരിക പ്രാധാന്യമുള്ള ചലച്ചിത്രങ്ങൾ സംവിധാനം ചെയ്യുന്നതിൽ ശ്രദ്ധേയനാണ്. മൂന്ന് തവണ ദേശീയ ചലച്ചിത്രപുരസ്കാരം നേടിയിട്ടുണ്ട് അദ്ദേഹം. കെ.എസ്. രവികുമാറിന്റെ സംവിധാന സഹായിയായിട്ടാണ് ചേരൻ തന്റെ സംവിധായകനായുള്ള യാത്ര തുടങ്ങുന്നത്.
മലയാള ചലച്ചിത്ര സംവിധായകനായ ഹെൻറിയുടെ ശ്രദ്ധയാകർഷിച്ചു. കോലങ്ങൾ എന്ന ചിത്രം ചേരൻ നിർമിച്ചു. മനുഷ്യബന്ധങ്ങളെ കേന്ദ്രീകരിച്ച് ഗ്രാമീണ പശ്ചാത്തലത്തിലുള്ള സിനിമകൾ സംവിധാനം ചെയ്ത് ചേരൻ കരിയറിൽ മുന്നേറി. ഭാരതി കണ്ണമ്മ (1997), പോർക്കളം (1997) എന്നീ ചിത്രങ്ങളിലെ അഭിനയത്തിന് നിരൂപക പ്രശംസ നേടി.
അദ്ദേഹത്തിൻ്റെ ഏറ്റവും പ്രശസ്തമായ ഓട്ടോഗ്രാഫ് (2004) ഒരു മനുഷ്യന്റെ ജീവിതത്തിൻ്റെ നാല് ഘട്ടങ്ങളിലൂടെ സഞ്ചരിക്കുന്ന ഒരു അർദ്ധ ആത്മകഥാപരമായ ചിത്രമാണ്. നടൻ, സംവിധായകൻ എന്നീ നിലകളിൽ ചേരന് ഏറ്റവും കൂടുതൽ പ്രേക്ഷക സ്വീകാര്യത നൽകിയ സിനിമ കൂടിയാണ് ഓട്ടോഗ്രാഫ്.
തവമൈ തവമിരുന്നു (2005), പിരിവോം സന്തിപ്പോം (2008), യുദ്ധം സെയ് (2011) തുടങ്ങിയ ചിത്രങ്ങളിലും അദ്ദേഹം മികച്ച അഭിനയം കാഴ്ചവച്ചു.
വെട്രി കൊടി കാട്ട്, ഓട്ടോഗ്രാഫ്, തവമൈ തവമിരുന്ധു എന്നീ ചിത്രങ്ങൾക്കാണ് അദ്ദേഹത്തിന് മൂന്ന് തവണ ദേശീയ അവാർഡ് ലഭിച്ചത്. തമിഴിലെ പോലെ തന്നെ മലയാളത്തിലും ചേരന് വലിയ പ്രേക്ഷക സ്വീകാര്യത ലഭിക്കും.
പ്രിയംവദ കൃഷ്ണ, ആര്യ സലിം, റിനി ഉദയകുമാർ, എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. എക്സിക്യൂട്ടീവ് പ്രൊഡ്യൂസർ- എൻ എം ബാദുഷ. ഛായാഗ്രഹണം- വിജയ്. സംഗീതം- ജേക്സ് ബിജോയ്. എഡിറ്റർ- ഷമീർ മുഹമ്മദ്. ആർട്ട്- ബാവ. കോസ്റ്റ്യൂം- അരുൺ മനോഹർ. മേക്കപ്പ്- അമൽ സി ചന്ദ്രൻ. പ്രൊഡക്ഷൻ എക്സിക്യൂട്ടീവ്- സക്കീർ ഹുസൈൻ, പ്രതാപൻ കല്ലിയൂർ. പ്രൊജക്റ്റ് ഡിസൈനർ- ഷെമി ബഷീർ. സൗണ്ട് ഡിസൈൻ- രംഗനാഥ് രവി. പിആർഒ ആൻഡ് മാർക്കറ്റിംഗ്- വൈശാഖ് വടക്കേവീട്, ജിനു അനിൽകുമാർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)