Nayanthara - Dhanush Issue: ഒരു നിയമവും ലംഘിച്ചിട്ടില്ല, ഇത് സ്വകാര്യ ലൈബ്രറിയിൽ നിന്നുള്ള ദൃശ്യങ്ങൾ; ധനുഷിന് മറുപടിയുമായി നയൻതാരയുടെ അഭിഭാഷകൻ

പകർപ്പവകാശവുമായി ബന്ധപ്പെട്ട് ധനുഷ് ഹൈക്കോടതിയെ സമീപിച്ചതിന് പിന്നാലെ പ്രതികരണവുമായി നയൻതാരയുടെ അഭിഭാഷകൻ. കേസിൽ പകർപ്പവകാശ ലംഘനം നടന്നിട്ടില്ലെന്ന് ചൂണ്ടിക്കാട്ടി ധനുഷിന്റെ വക്കീൽ നോട്ടീസിന് മറുപടി നൽകി.

ദൃശ്യങ്ങൾ സിനിമയുടെ മേക്കിങ് വിഡിയോയിൽ നിന്നുള്ളതല്ലെന്നും മറിച്ച് സ്വകാര്യലൈബ്രറിയിൽ നിന്നുള്ളതാണെന്നും അഭിഭാഷകൻ രാഹുൽ ധവാൻ വ്യക്തമാക്കി. ഡിസംബർ 2ന് മദ്രാസ് ഹൈക്കോടതിയിൽ കേസിന്റെ അടുത്ത വാദം നടക്കും.

നയൻതാരയെയും വിഘ്നേഷിനെയും പ്രൊഡക്ഷൻ ഹൗസായ റൗഡി പിക്ചേഴ്സ് പ്രൈവറ്റ് ലിമിറ്റഡിനെയും പ്രതിനിധീകരിച്ചാണ് ലെക്സ് ചേമ്പേഴ്സിന്റെ മാനേജിങ് പാർട്നർ രാഹുൽ ധവാൻ മറുപടി നൽകിയത്. 

നയൻതാര; ബിയോണ്ട് ദ ഫെയറി ടെയിൽ എന്ന ഡോക്യുമെന്ററിയിൽ ‘ നാനും റൗഡി താൻ’ എന്ന സിനിമയുടെ ചിത്രീകരണവീഡിയോ ഉപയോഗിച്ചുവെന്ന് ആരോപിച്ചാണ് ചിത്രത്തിന്റെ നി‍മാതാവ് കൂടിയായ നടൻ ധനുഷ് മദ്രാസ് ഹൈക്കോടതിയെ സമീപിച്ചത്. 

24 മണിക്കൂറിനുള്ളിൽ ദൃശ്യങ്ങൾ നീക്കം ചെയ്യണമെന്നും അല്ലെങ്കിൽ 10 കോടി രൂപയുടെ നഷ്ടപരിഹാര ക്ലെയിം ഉൾപ്പെടെയുള്ള നിയമനടപടികൾ സ്വീകരിക്കുമെന്നായിരുന്നു മുന്നറിയിപ്പ്.