ഓഫീസർ ഓൺ ഡ്യൂട്ടി, ഡ്രാഗൺ തുടങ്ങി തിയേറ്ററിൽ ഹിറ്റായ ചിത്രങ്ങൾ ഒടിടിയിലെത്തിയിരിക്കുകയാണ്.
തിയേറ്ററിൽ കണ്ടെങ്കിലും വീണ്ടും കാമാൻ ആഗ്രഹിക്കുന്ന നിരവധി ചിത്രങ്ങളുണ്ട്. അവയുടെ ഒടിടി റിലീസിനായി നമ്മൾ കാത്തിരിക്കാറുണ്ട്. കൂടാതെ തിയേറ്ററിൽ കാണാൻ കഴിയാതെ വന്ന ചിത്രങ്ങളും ഒടിടിയിലിറങ്ങാൻ കാത്തിരിക്കും. അത്തരത്തിൽ ഈ ആഴ്ചയിൽ ഒടിടിയിലെത്തിയ ചിത്രങ്ങളെ ഏതൊക്കെയാണെന്ന് നോക്കാം.
കുഞ്ചാക്കോ ബോബൻ പൊലീസ് വേഷത്തിലെത്തി തിയേറ്ററിൽ വലിയ വിജയം നേടിയ 'ഓഫീസർ ഓൺ ഡ്യൂട്ടി' ആണ് പ്രേക്ഷകർ കാത്തിരുന്ന ഒടിടി റിലീസ്. മാർച്ച് 20ന് നെറ്റ്ഫ്ലിക്സിലാണ് ചിത്രം സ്ട്രീമിങ് തുടങ്ങിയത്. നായാട്ട്, ഇരട്ട എന്നീ ചിത്രങ്ങളിലെ അഭിനയത്തിലൂടെ ശ്രദ്ധേയനായ ജിത്തു അഷ്റഫാണ് ചിത്രത്തിന്റെ സംവിധായകൻ. ‘ഇരട്ട‘യുടെ കോ ഡയറക്ടർ കൂടിയാണ് ജിത്തു അഷ്റഫ്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിൽ ചിത്രം കാണാൻ സാധിക്കും. പ്രിയാമണിയായിരുന്നു ചിത്രത്തിലെ നായിക. മാർട്ടിൻ പ്രക്കാട്ട് ഫിലിംസ്, ഗ്രീൻ റൂം പ്രൊഡക്ഷൻസിന്റെ ബാനറുകളിൽ മാർട്ടിൻ പ്രക്കാട്ട്, സിബി ചാവറ, രഞ്ജിത്ത് നായർ എന്നിവര് ചേർന്നാണ് സിനിമ നിർമ്മിച്ചത്.
പ്രദീപ് രംഗനാഥൻ നായകനായെത്തിയ ഡ്രാഗൺ എന്ന ചിത്രം തിയേറ്ററിൽ ഗംഭീര വിജയമാണ് സ്വന്തമാക്കിയത്. എജിഎസ് എന്റർടൈൻമെന്റ് നിർമ്മിച്ച ചിത്രം സംവിധാനം ചെയ്തത് അശ്വത് മാരിമുത്തു ആണ്. കയാദു ലോഹറും അനുപമ പരമേശ്വരനും നായികമാരായെത്തിയ ചിത്രം നെറ്റ്ഫ്ലിക്സിൽ സ്ട്രീമിങ് തുടങ്ങി. ഗൗതം മേനോൻ, മിസ്കിൻ, ജോർജ്ജ് മരിയൻ, ഹർഷദ് ഖാൻ, വിജയ് സേതു തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. ലിയോൺ ജെയിംസ് ആണ് ഗാനങ്ങള് ഒരുക്കിയിരിക്കുന്നത്.
ധനുഷിന്റെ സംവിധാനത്തില് എത്തിയ 'നിലാവുക്ക് എൻ മെൽ എന്നടി കോപം' എന്ന ചിത്രം ഒടിടിയിൽ റിലീസ് ചെയ്തു. ആമസോൺ പ്രൈമിലാണ് ചിത്രം സ്ട്രീം ചെയ്യുന്നത്. ചിത്രം ബോക്സ് ഓഫീസിൽ പരാജയമായിരുന്നു. പവിഷ്, മാത്യു തോമസ്, അനിഖ സുരേന്ദ്രന്, പ്രിയ വാര്യര്, വെങ്കിടേഷ് മേനോന്, റാബിയ ഖാത്തൂണ്, രമ്യ രംഗനാഥന് എന്നിവർ ചിത്രത്തില് വേഷമിട്ടു. ചിത്രത്തിന് തിരക്കഥ ഒരുക്കിയതും ധനുഷ് തന്നെയാണ്. ലിയോണ് ബ്രിട്ടാസ് ആണ് ഛായാഗ്രഹണം നിർവഹിച്ചത്.
ഇന്ദ്രൻസ്, ജാഫർ ഇടുക്കി, ജോണി ആന്റണി, ഡയാന ഹമീദ്, ബേബി കാശ്മീര എന്നിവരെ പ്രധാന കഥാപാത്രങ്ങളാക്കി സുജീഷ് ദക്ഷിണകാശി, ഹരിനാരായണൻ കെ എം എന്നിവർ ചേർന്ന് സംവിധാനം ചെയ്ത ചിത്രമാണ് "ഒരുമ്പെട്ടവൻ ". സുധീഷ്, ഐ എം വിജയൻ, സുനിൽ സുഖദ, സിനോജ് വർഗ്ഗീസ്, കലാഭവൻ ജിന്റോ, ശിവദാസ് കണ്ണൂർ, ഗൗതം ഹരിനാരായണൻ, സുരേന്ദ്രൻ കാളിയത്ത്, സൗമ്യ മാവേലിക്കര, അപർണ്ണ ശിവദാസ്, വിനോദ് ബോസ് തുടങ്ങിയവരാണ് ചിത്രത്തിലെ മറ്റ് പ്രമുഖ താരങ്ങൾ. ചിത്രം മനോരമ മാക്സിൽ സ്ട്രീമിങ് തുടങ്ങി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)