Oscar 2025: 97-ാമത് ഓസ്കര് അവാര്ഡ് നിശയ്ക്ക് ലോസ് ഏഞ്ചല്സില് തുടക്കമായി. ഇരുപത്തിമൂന്ന് വിഭാഗങ്ങളിലാണ് ഇന്ന് പുരസ്കാരം പ്രഖ്യാപിക്കുന്നത്. പതിവുപോലെ ലോസ് ആഞ്ചല്സിലെ ഡോള്ബി തീയേറ്ററിലാണ് ചടങ്ങ് നടക്കുന്നത്. സ്റ്റാര് മൂവീസിലും ഹോട്ട്സ്റ്റാറിലും പ്രഖ്യാപന ചടങ്ങ് തത്സമയമായി കാണാന് സാധിക്കും.
Add Zee News as a Preferred Source
Also Read: ബേസിലിന്റെ 'മരണ മാസ്സ്' ഇനി തിയേറ്ററുകളിൽ; വിഷു റിലീസായി എത്തും
കോനന് ഒബ്രയാന് ആണ് ഇത്തവണ ഓസ്കാറിന്റെ മുഖ്യ അവതാരകന്. അദ്ദേഹത്തിന് പുറമെ റോബര്ട്ട് ഡൗണി ജൂനിയര്, സ്കാര്ലറ്റ് ജൊഹാന്സണ്, എമ്മ സ്റ്റോണ്, ഓപ്ര വിന്ഫ്രി തുടങ്ങിയവരും സഹ അവതാരകരായെത്തിയിട്ടുണ്ട്. മികച്ച ചിത്രം, നടന്, നടി ഇനങ്ങളിൽ കടുത്ത മത്സരമാണ് നടക്കുന്നത്. കീറന് കുള്ക്കിന് മികച്ച സഹനടനുള്ള ഓസ്കാര് നേടി. ജെസ്സി ഐസന്ബെര്ഗിന്റെ എ റിയല് പെയിന് എന്ന ചിത്രത്തിലെ പ്രകടനത്തിനാണ് പുരസ്കാരം ലഭിച്ചത്. സോ യാദിര സൽഡാന-പെറെഗോയാണ് മികച്ച സഹനടി. ജാക്വസ് ഓഡിയാർഡ് എഴുതി സംവിധാനം ചെയ്ത് സ്പാനിഷ് ഭാഷയിൽ പുറത്തിറങ്ങിയ ഫ്രഞ്ച് മ്യൂസിക്കൽ ക്രൈം ചിത്രമായ 'എമിലിയ പെരെസ്' ലെ തകര്പ്പൻ പ്രകടനമാണ് സോയെ ഓസ്കറിലെത്തിച്ചത്.
മികച്ച അനിമേറ്റഡ് ഫീച്ചര് ഫിലിം വിഭാഗത്തില് ‘ഫ്ലോ’ പുരസ്കാരം നേടിയിട്ടുണ്ട്. ഓസ്കാര് പുരസ്കാരം നേടുന്ന ആദ്യ ലാത്വിയന് ചിത്രമാണ് ഫ്ലോ. ഒന്നര മണിക്കൂര് ദൈര്ഘ്യമുള്ള ചിത്രം ഒരു പൂച്ചയുടെ സാഹസിക യാത്രയാണ് ചിത്രീകരിച്ചിരിക്കുന്നത്. ജിന്റ്സ് സില്ബലോഡിസ് ആണ് സംവിധായകന്.
ലൈവ് ആക്ഷന് ഷോര്ട്ട് ഫിലിം വിഭാഗത്തില് ഇന്ത്യന് പ്രതീക്ഷയായി ‘അനുജ’ ഉണ്ട്. മികച്ച സിനിമയ്ക്കുള്ള ഓസ്കാറിനായി മത്സരിക്കുന്ന 10 ചിത്രങ്ങളില് സ്പാനിഷ് ഭാഷയിലുള്ള ഫ്രഞ്ച് ചിത്രം എമീലിയ പെരസ് ആണ് മുന്നില്. 13 നോമിനേഷനുകളാണ് ചിത്രത്തിനുള്ളത്. ഇതാദ്യമായാണ് ഇംഗ്ലീഷ് ഇതര ചിത്രം ഓസ്കാറില് ഇത്രയധികം നോമിനേഷനുകള് നേടുന്നത്. മികച്ച നടിയ്ക്കായി ദ സബ്സ്റ്റന്സിലെ പ്രകടനത്തിന് ഡെമി മൂറും അനോറയിലെ പ്രകടനത്തിന് മൈക്ക് മാഡിസനുമാണ് മുന്നില്. മികച്ച നടനായി ദ ബ്രൂട്ടലിസ്റ്റിലെ ഏഡ്രിയന് ബ്രോഡിയും എ കംപ്ലീറ്റ് അണ്നോണിലെ തിമോത്തി ഷലമേയും മത്സരിക്കുന്നുണ്ട്. എമിലിയ പെരസിന്റെ സംവിധായകന് ഷാക് ഓഡിയയും അനോറയുടെ ഷോണ് ബക്കറുമാണ് മികച്ച സംവിധായകനുള്ള മത്സരത്തില് സാധ്യത കല്പിക്കപ്പെടുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
 "Oscar 2025: ഓസ്കർ അവാർഡ് പ്രഖ്യാപന ചടങ്ങുകൾ ആരംഭിച്ചു; കീറൻ കുൾക്കിൻ മികച്ച സഹനടൻ; സഹനടി സോ സാൽഡാന")
