Padakkalam Ott: സുരാജ്-ഷറഫുദ്ദീൻ ചിത്രം പടക്കളം ഒടിടിയിലേക്ക്; എവിടെ, എപ്പോൾ കാണാം?

സുരാജ് വെഞ്ഞാറമ്മൂടും, ഷറഫുദീനുമാണ് ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

സുരാജ് വെഞ്ഞാറമ്മൂട്, ഷറഫുദീൻ എന്നിവർ പ്രധാന കഥാപാത്രങ്ങളായെത്തിയ"പടക്കളം" എന്ന ചിത്രം പടക്കളം ഒടിടിയിലെത്തുന്നു. മെയ് മാസത്തിൽ തിയേറ്ററുകളിലെത്തിയ ചിത്രത്തിന് സമ്മിശ്ര പ്രതികരണമാണ് പ്രേക്ഷകരുടെ ഭാ​ഗത്ത് നിന്ന് ലഭിച്ചത്. തിയേറ്ററിൽ പരാജയപ്പെടുന്ന ചിത്രങ്ങൾ പൊതുവെ ഒടിടിയിൽ ഹിറ്റ് ആകുന്ന പതിവുണ്ട്. അത്തരത്തിൽ പടക്കളവും ഹിറ്റാകുമെന്ന പ്രതീക്ഷിക്കാം. കാരണം ചിത്രത്തിന് ചിലർ അഭിപ്രായങ്ങളും പറഞ്ഞിരുന്നു.

Add Zee News as a Preferred Source

ജിയോ ഹോട്ട്സ്റ്റാറിലൂടെയാണ് പടക്കളം ഒടിടിയിലെത്തുന്നത്. ജൂൺ 10 മുതൽ സ്ട്രീമിങ് തുടങ്ങും. ഒരു ക്യാമ്പസ് പശ്ചാത്തലത്തിൽ എത്തിയ ചിത്രം സംവിധാനം ചെയ്തത് നവാഗതനായ മനു സ്വരാജ് ആണ്. ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബു ആണ് ചിത്രം നിർമിച്ചത്. ഫ്രൈഡേ ഫിലിം ഹൗസിനൊപ്പം 29 സെപ്റ്റംബർ വർക്സ് എന്ന ബാനറിൽ വിജയ് സുബ്രമണ്യവും ചിത്രത്തിന്റെ നിർമാണത്തിൽ പങ്കാളിയായി. 

കോമഡിയുടെ പടക്കളം ജൂൺ 10 മുതൽ ജിയോഹോട്ട്സ്റ്റാറിൽ!@PoojaMohanraj @actorsharafu#Padakkalam #PadakkalamMovie #JioHotstar #JioHotstarMalayalam #PadakkalamOnJioHotstar #FridayFilmHouse #MalayalamMovie #Fantasy #Comedy #Friendship pic.twitter.com/4tYfn3MGVt

— JioHotstar Malayalam (@JioHotstarMal) June 2, 2025

പൂർണമായും ക്യാമ്പസ് പശ്ചാത്തലത്തിലാണ് ചിത്രം ഒരുക്കിയത്. അധ്യാപകരും വിദ്യാർഥികളും തമ്മിലുള്ള ബന്ധത്തിൻ്റെ കഥ പറയുന്ന ചിത്രം ഫൺ ഫാൻ്റെസി ജോണറിലൂടെയാണ് അവതരിപ്പിച്ചിരിക്കുന്നത്. നാലായിരത്തോളം കുട്ടികൾ ചിത്രത്തിൽ അണിനിരന്നിട്ടുണ്ട്. സന്ദീപ് പ്രദീപ്, സാഫ് ബോയ്, അരുൺ അജികുമാർ, അരുൺ പ്രദീപ്, നിരഞ്ജനാ അനൂപ് എന്നിവരാണ് ചിത്രത്തിലെ ക്യാംപസ് കഥാപാത്രങ്ങളെ അവതരിപ്പിച്ചത്. പൂജാ മോഹൻ രാജാണ് ചിത്രത്തിലെ മറ്റൊരു താരം. ഇവർക്കു പുറമേ നിരവധി പുതുമുഖങ്ങളും ചിത്രത്തിൽ അഭിനയിച്ചിട്ടുണ്ട്.

ഫ്രൈഡേ ഫിലിം ഹൗസിന്റെ ബാനറിൽ നിർമ്മിച്ച ഇരുപത്തിരണ്ടാമത്തെ ചിത്രമാണിത്. ഫ്രൈഡേ ഫിലിം ഹൗസ് അവതരിപ്പിച്ച പുതുമുഖ സംവിധായകരിൽ പതിനാറാമത്തെ ആളാണ് മനു സ്വരാജ്. തിരക്കഥ- നിതിൻ സി ബാബു, മനുസ്വരാജ്. വരികൾ- വിനായക് ശശികുമാർ. സംഗീതം- രാജേഷ് മുരുകേശൻ. ഛായാഗ്രഹണം- അനു മൂത്തേടത്ത്. എഡിറ്റിംഗ്- നിതിൻരാജ് ആരോൾ. എക്സിക്യൂട്ടീവ് പ്രൊഡ്യൂസർ- വിനയ് ബാബുവാണ്.

മേക്കപ്പ്- റോണക്സ് സേവ്യർ. വസ്ത്രാലങ്കാരം- സമീറ സനീഷ്.  ആക്ഷൻ- രാജശേഖർ, ഫാന്റം പ്രദീപ്. നൃത്തസംവിധാനം- ലളിത ഷോബി. സൗണ്ട് ഡിസൈൻ- രംഗനാഥ് രവി. സൗണ്ട് മിക്സിങ്- കണ്ണൻ ഗണപത്. പ്രൊഡക്ഷൻ ഡിസൈനർ- ഷാജി നടുവിൽ. കലാസംവിധാനം- മഹേഷ് മോഹൻ. ചീഫ് അസോസിയേറ്റ് ഡയറക്ടർ- നിതിൻ മൈക്കിൾ. അസോസിയേറ്റ് ഡയറക്ടർ- ശരത് അനിൽ, ഫൈസൽഷാ.