Padakkalam Trailer: ക്യാമ്പസ് പശ്ചാത്തലത്തിൽ 'പടക്കളം' എത്തുന്നു; മെയ് 8ന് റിലീസ്, ട്രെയിലർ

ഫ്രൈഡേ ഫിലിം ഹൗസിന്റെ ബാനറിൽ എത്തുന്ന 22ാമത്തെ ചിത്രമാണ് പടക്കളം. സുരാജും ഷറഫുദ്ദീനുമാണ് കേന്ദ്ര കഥാപാത്രങ്ങൾ.

സുരാജ് വെഞ്ഞാറമ്മൂട്, ഷറഫുദീൻ എന്നിവർ പ്രധാന കഥാപാത്രങ്ങളായെത്തുന്ന"പടക്കളം" എന്ന ചിത്രത്തിന്റെ ട്രെയിലർ പുറത്തുവിട്ടു. ഒരു ക്യാമ്പസ് പശ്ചാത്തലത്തിൽ ഒരുങ്ങുന്ന ചിത്രത്തം സംവിധാനം ചെയ്യുന്നത് നവാഗതനായ മനു സ്വരാജ് ആണ്. ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബു ആണ് ചിത്രം നിർമിക്കുന്നത്. ഫ്രൈഡേ ഫിലിം ഹൗസിനൊപ്പം 29 സെപ്റ്റംബർ വർക്സ് എന്ന ബാനറിൽ വിജയ് സുബ്രമണ്യവും ചിത്രത്തിന്റെ നിർമാണത്തിൽ പങ്കാളിയാകുന്നു. മെയ് 8ന് ചിത്രം തിയേറ്ററുകളിലെത്തും. 

പൂർണമായും ക്യാമ്പസ് പശ്ചാത്തലത്തിലാണ് ചിത്രം ഒരുങ്ങുന്നത്. അധ്യാപകരും വിദ്യാർഥികളും തമ്മിലുള്ള ബന്ധത്തിൻ്റെ കഥ പറയുന്ന ചിത്രം ഫൺ ഫാൻ്റെസി ജോണറിലൂടെയാണ് അവതരിപ്പിക്കുന്നത്. എൺപതോളം ദിവസമാണ് സിനിമയുടെ ചിത്രീകരണം നടത്തിയത്. നാലായിരത്തോളം കുട്ടികളെ അണിനിരത്തിയാണ് ചിത്രം ഒരുക്കിയിരിക്കുന്നത്. സന്ദീപ് പ്രദീപ്, സാഫ് ബോയ്, അരുൺ അജികുമാർ, അരുൺ പ്രദീപ്, നിരഞ്ജനാ അനൂപ് എന്നിവരാണ് ചിത്രത്തിലെ ക്യാംപസ് കഥാപാത്രങ്ങളെ അവതരിപ്പിക്കുന്നത്. പൂജാ മോഹൻ രാജാണ് ചിത്രത്തിലെ മറ്റൊരു താരം. ഇവർക്കു പുറമേ നിരവധി പുതുമുഖങ്ങളും ചിത്രത്തിൽ അഭിനയിക്കുന്നു. 

ഫ്രൈഡേ ഫിലിം ഹൗസിന്റെ ബാനറിൽ നിർമ്മിക്കുന്ന ഇരുപത്തിരണ്ടാമത്തെ ചിത്രമാണിത്. ഫ്രൈഡേ ഫിലിം ഹൗസ് അവതരിപ്പിച്ച പുതുമുഖ സംവിധായകരിൽ പതിനാറാമത്തെ ആളാണ് മനു സ്വരാജ്. തിരക്കഥ- നിതിൻ സി ബാബു, മനുസ്വരാജ്. വരികൾ- വിനായക് ശശികുമാർ. സംഗീതം- രാജേഷ് മുരുകേശൻ. ഛായാഗ്രഹണം- അനു മൂത്തേടത്ത്. എഡിറ്റിംഗ്- നിതിൻരാജ് ആരോൾ. എക്സിക്യൂട്ടീവ് പ്രൊഡ്യൂസർ- വിനയ് ബാബുവാണ്.

മേക്കപ്പ്- റോണക്സ് സേവ്യർ. വസ്ത്രാലങ്കാരം- സമീറ സനീഷ്.  ആക്ഷൻ- രാജശേഖർ, ഫാന്റം പ്രദീപ്. നൃത്തസംവിധാനം- ലളിത ഷോബി. സൗണ്ട് ഡിസൈൻ- രംഗനാഥ് രവി. സൗണ്ട് മിക്സിങ്- കണ്ണൻ ഗണപത്. പ്രൊഡക്ഷൻ ഡിസൈനർ- ഷാജി നടുവിൽ. കലാസംവിധാനം- മഹേഷ് മോഹൻ. ചീഫ് അസോസിയേറ്റ് ഡയറക്ടർ- നിതിൻ മൈക്കിൾ. അസോസിയേറ്റ് ഡയറക്ടർ- ശരത് അനിൽ, ഫൈസൽഷാ. പ്രൊഡക്ഷൻ മാനേജർ- സെന്തിൽ. പ്രൊഡക്ഷൻ എക്സിക്യൂട്ടീവ്- ബിജു കടവൂർ. പ്രൊഡക്ഷൻ കൺട്രോളർ- ഷിബു ജി. സുശീലൻ. വിഎഫ്എക്സ്- പിക്റ്റോറിയൽ എഫ് എക്സ്. മാർക്കറ്റിങ്- ഹൈറ്റ്സ്. സ്റ്റിൽസ്- വിഷ്ണു എസ് രാജൻ. പബ്ലിസിറ്റി ഡിസൈനർ- ആന്റണി സ്റ്റീഫൻ. പിആർഒ- വാഴൂർ ജോസ്, വൈശാഖ് സി വടക്കേവീട്, ജിനു അനിൽകുമാർ.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.