 "Rakshasan 2 Movie: 'രാക്ഷസന്' രണ്ടാം ഭാഗം ഒരുങ്ങുന്നു? ചിത്രം അടുത്ത വർഷമെത്തുമെന്ന് വിഷ്ണു വിശാൽ")
2018ൽ പുറത്തിറങ്ങിയ വമ്പൻ ഹിറ്റടിച്ച തമിഴ് ചിത്രമാണ് രാക്ഷസൻ. അന്ന് ഏറ്റവും ചർച്ച ചെയ്യപ്പെട്ട ത്രില്ലർ ചിത്രങ്ങളിലൊന്നായിരുന്നു ഇത്. എല്ലാ ഭാഷയിലും ചിത്രം വലിയ ശ്രദ്ധ നേടിയിരുന്നു. വിഷ്ണു വിശാൽ ആയിരുന്നു ചിത്രത്തിൽ നായകനായി എത്തിയത്. വിഷ്ണുവിന്റെ കരിയറിലെ തന്നെ ഏറ്റവും വലിയ ഹിറ്റ് ആയിരുന്നു ഈ ചിത്രം. തിയേറ്ററിൽ ചിത്രം നൂറ് ദിവസം പൂർത്തിയാക്കിയിരുന്നു.
ഇപ്പോഴിതാ ഈ ഹിറ്റ് ചിത്രത്തിന്റെ രണ്ടാം ഭാഗം അടുത്ത വർഷം ഉണ്ടാകുമെന്ന വിവരമാണ് പുറത്തുവരുന്നത്. വിഷ്ണു വിശാൽ തന്നെയാണ് ഇക്കാര്യം അറിയിച്ചിരിക്കുന്നത്. സൈക്കോളജിക്കല് ത്രില്ലറായിരുന്നു രാക്ഷസൻ. ചിത്രത്തിൽ അമല പോളായിരുന്നു നായികയായെത്തിയത്. ശരവണന് ആയിരുന്നു ചിത്രത്തിലെ ക്രിസ്റ്റഫർ എന്ന വില്ലൻ വേഷം ചെയ്തത്. വലിയ കയ്യടി നേടിയ പ്രകടനമായിരുന്നു ശരവണന്റേത്.
കാളി വെങ്കട്ട്, വിനോദിനി വൈദ്യനാഥന്, രാംദോസ് എന്നിവരായിരുന്നു ചിത്രത്തിലെ മറ്റ് പ്രധാന അഭിനേതാക്കള്. ജിബ്രാന്റെ ബാക്ക്ഗ്രൗണ്ട് സ്കോറും ഏറെ ശ്രദ്ധ നേടിയിരുന്നു. ബോക്സ് ഓഫീസില് 30 കോടിയോളമാണ് രാക്ഷസന് നേടിയത്. രാംകുമാര് ആയിരുന്നു ചിത്രത്തിന്റെ സംവിധായകൻ. ചിത്രം തെലുങ്കിലേക്കും റീമേക്ക് ചെയ്തിരുന്നു. രാക്ഷസുഡു എന്ന പേരിലാണ് ചിത്രം തെലുങ്കിലെത്തിയത്. ബെല്ലംകൊണ്ട ശ്രീനിവാസ് നായകനായെത്തിയ ചിത്രത്തിൽ അനുപമ പരമേശ്വരനായിരുന്നു നായിക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)