 "Shah Rukh Khan Injured: 'കിംഗ്' സിനിമ ചിത്രീകരണത്തിനിടെ ഷാരൂഖ് ഖാന് പരിക്ക്; വിശ്രമം നിർദ്ദേശിച്ച് ഡോക്ടർമാർ, ഷൂട്ടിംഗ് നിർത്തിവെച്ചു")
സിദ്ധാർഥ് ആനന്ദ് ഒരുക്കുന്ന 'കിംഗ്' എന്ന സിനിമയുടെ ഷൂട്ടിംഗിനിടെ ഷാരൂഖ് ഖാന് പരിക്കേറ്റു. മുംബൈയിലെ ഗോൾഡൻ ടുബാക്കോ സ്റ്റുഡിയോയിൽ വച്ചാണ് പരിക്കേറ്റത്. സംഘട്ടനരംഗം ചിത്രീകരിക്കുന്നതിനിടെ പുറത്ത് പരിക്കേറ്റുവെന്നാണ് വിവരം. പരിക്ക് ഗുരുതരമല്ലെന്നാണ് വിവരം.
ചികിത്സയ്ക്കായി അദ്ദേഹം യുഎസിലേക്കാണ് പോയത്. ഇവിടെ നിന്നും യുകെയിലേക്ക് അദ്ദേഹം ഇപ്പോൾ മാറിയിരിക്കുകയാണ്. ഒരു മാസത്തെ വിശ്രമമാണ് നടന് ഡോക്ടർമാർ നിർദ്ദേശിച്ചിരിക്കുന്നത്. കുടുംബവും താരത്തിനൊപ്പം യുകെയിലുണ്ട്. പരിക്കിനെ തുടർന്ന് നേരത്തെ നിശ്ചയിച്ച ശ്രീലങ്കന് യാത്ര മാറ്റിവെച്ചിട്ടുണ്ട്. സിനിമയുടെ ചിത്രീകരണവും താത്കാലികമായി നിര്ത്തിവെച്ചിരിക്കുകയാണ്. സെപ്റ്റംബറില് ഷൂട്ടിങ് പുനരാരംഭിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.
ഷാരൂഖ് ഖാന്റെ മകള് സുഹാനാ ഖാനും ഈ ചിത്രത്തിൽ അഭിനയിക്കുന്നുണ്ട്. അച്ഛനും മകളും ആദ്യമായി ബിഗ് സ്ക്രീനിലെത്തുന്ന ചിത്രമെന്ന പ്രത്യേകതയും കിംഗിനുണ്ട്. ദീപിക പദുക്കോണ്, അഭിഷേക് ബച്ചന്, അനില് കപൂര് എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ ചെയ്യുന്നത്. അടുത്ത വർഷം അവസാനത്തോടെ കിംഗ് റിലീസ് ചെയ്യാനാണ് അണിയറപ്രവർത്തകർ ശ്രമിക്കുന്നത്. വലിയ ബഡ്ജറ്റിൽ ഒരുങ്ങുന്ന ചിത്രം ഒരു ആക്ഷൻ ത്രില്ലറായിരിക്കും. കിംഗിൻ്റെ സംഗീതം ഒരുക്കുന്നത് സച്ചിൻ ജിഗർ ആണ്. പശ്ചാത്തലസംഗീതം ചെയ്യുന്നത് അനിരുദ്ധ് ആണ്. സുജോയ് ഘോഷ് സംവിധാനം ചെയ്യാനിരുന്ന ചിത്രം പിന്നീടത് സിദ്ധാർഥ് ആനന്ദ് ഏറ്റെടുക്കുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)