Shine Tom Chacko Accident: അപകടത്തിൽ പരിക്കേറ്റ ഷൈൻ ടോം ചാക്കോയെ തൃശൂരിലേക്ക് മാറ്റും; പിതാവിന്റെ മൃതദേഹവും തൃശൂരിലെത്തിക്കും

Shine Tom Chacko Accident News: തൃശൂരിലെത്തിയതിന് ശേഷം തുടർ ചികിത്സ നൽകും. വലത് കൈക്കാണ് ഷൈനിന് പരിക്കേറ്റത്.

ചെന്നൈ: തമിഴ്നാട്ടിലെ സേലത്തിനടുത്ത് വച്ചുണ്ടായ വാഹനാപകടത്തിൽ പരിക്കേറ്റ ഷൈൻ ടോം ചാക്കോയെ തൃശൂരിലേക്ക് മാറ്റുന്നു. അപകടത്തിൽ കൈക്ക് പരിക്കേറ്റ ഷൈനിന് തൃശൂരിലെത്തി ശസ്ത്രക്രിയയും നടത്തും. തുടർ ചികിത്സ തൃശൂരിലെത്തിയതിന് ശേഷം നൽകും. അപകടത്തിൽ പരിക്കേറ്റ ഷൈനിന്റെ അമ്മയും സഹോദരനും നടനൊപ്പം തൃശൂരിലേക്ക് തിരിച്ചു.

Add Zee News as a Preferred Source

പ്രത്യേക ആംബുലൻസിലാണ് മൂവരെയും തൃശൂരിലേക്ക് എത്തിക്കുന്നത്. അപകടത്തിൽ കൊല്ലപ്പെട്ട പിതാവ് സിപി ചാക്കോയുടെ മൃതദേഹവും തൃശൂരിലേക്ക് കൊണ്ടുപോകും. വെള്ളിയാഴ്ച പുലർച്ചെ ആറ് മണിയോടെയാണ് സേലത്തിന് സമീപം ഷൈൻ ടോം ചാക്കോയും കുടുംബവും സഞ്ചരിച്ചിരുന്ന കാർ അപകടത്തിൽപ്പെട്ടത്.

അപകടത്തിൽ ഷൈനിന്റെ വലതുകൈക്ക് പരിക്കേറ്റു. ഷൈനിന്റെ അമ്മയ്ക്കും സഹോദരനും വാഹനം ഓടിച്ചിരുന്നയാൾക്കും നേരിയ പരിക്കുകളുണ്ട്. ട്രാക്ക് മാറി എത്തിയ ലോറി കാറിലേക്ക് ഇടിച്ചുകയറിയാണ് അപകടമുണ്ടായത്. ഷൈനിന്റെ ചികിത്സയ്ക്കായുള്ള യാത്രയിലായിരുന്നു കുടുംബം.