 "Coolie Movie: 'എന്തൊരു എനർജി, ഇത് അണ്ണൻ തൂക്കി, ചുമ്മാ തീ'; വൈറലായി 'കൂലി'യിലെ സൗബിന്റെ ഡാൻസ്")
)
സോഷ്യൽ മീഡിയയിൽ ഇപ്പോൾ ട്രെൻഡ് ആയി നിൽക്കുന്നത് നടൻ സൗബിൻ ഷാഹിർ. കഴിഞ്ഞ ദിവസം റിലീസായ ഒരു പാട്ടിലൂടെയാണ് സൗബിൻ ട്രെൻഡിങ് ആയി മാറിയിരിക്കുന്നത്. രജനികാന്തിനെ നായകനാക്കി ലോകേഷ് കനകരാജ് ഒരുക്കുന്ന കൂലിയിലെ മോണിക്ക എന്ന ലിറിക്കൽ ഗാനം പുറത്തിറങ്ങിയതോടെയാണ് സൗബിൻ വൈറലായിരിക്കുന്നത്. സൗബിനും പൂജ ഹെഗ്ഡെയും ഒന്നിക്കുന്ന ഒരു പക്കാ ഡാൻസ് നമ്പർ ആണ് ഈ ഗാനം. വിഷ്ണു ഇടവന്റെ വരികൾക്ക് അനിരുദ്ധ് ആണ് ഈണം ഒരുക്കിയിരിക്കുന്നത്.
ഗാനരംഗത്തിൽ പൂജ ഹെഗ്ഡയെ സൈഡാക്കി കൊണ്ടുള്ള സൗബിന്റെ ഡാൻസ് ആണ് പ്രേക്ഷകർ ഏറ്റെടുത്തിരിക്കുന്നത്. എന്തൊരു എനർജിയാണ് താരത്തിന് എന്നാണ് പ്രേക്ഷകരുടെ കമന്റ്. സൗബിന്റെ അഴിഞ്ഞാട്ടമാണ് ഈ ഗാനത്തിൽ കണ്ടത് എന്നും പ്രേക്ഷകർ പറയുന്നു. മലയാള സിനിമയിൽ നിരവധി ഗാനരംഗങ്ങളിൽ താരം ഡാൻസ് കളിച്ചിട്ടുണ്ടെങ്കിലും ഇത്രയും വൈറലായി മാറിയിട്ടില്ല. തമിഴ്നാട്ടുകാർക്കിടയിലും സൗബിൻ തരംഗമായി മാറിയിരിക്കുകയാണ്.
സൗബിന്റെ ഡാൻസിന്റെ എഡിറ്റുകൾ കൊണ്ട് നിറയുകയാണ് ഇപ്പോൽ സോഷ്യൽ മീഡിയ. ചിത്രത്തിലെ സൗബിന്റെ കഥാപാത്രവും ഇത്തരത്തിൽ ശ്രദ്ധ നേടുമെന്ന പ്രതീക്ഷയിലാണ് ആരാധകർ. സുബ് ലശിണി, അനിരുദ്ധ് രവിചന്ദർ എന്നിവരാണ് ഗാനം ആലപിച്ചിരിക്കുന്നത്. ഗാനത്തിന്റെ റാപ് ചെയ്തിരിക്കുന്നത് അസൽ കോലാർ ആണ്. ചിത്രത്തിലെ രണ്ടാമത്തെ ഗാനമാണിത്.
നേരത്തെ പുറത്തിറക്കിയ 'ചികിട്ടു' എന്ന ഗാനവും വലിയ സ്വീകാര്യത നേടിയിരുന്നു. രജനികാന്തും ലോകേഷ് കനകരാജും ആദ്യമായി ഒന്നിക്കുന്ന ചിത്രമാണിത്. സൺ പിക്ചേഴ്സിന്റെ ബാനറിൽ കലാനിധി മാരനാണ് ചിത്രം നിർമ്മിക്കുന്നത്. നടൻ ആമിർ ഖാനും ചിത്രത്തിൽ അതിഥി വേഷത്തിലെത്തുന്നുണ്ട്. ആഗസ്റ്റ് 14 ന് റിലീസ് ചെയ്യുന്ന ചിത്രത്തിൽ നാഗാർജുന അക്കിനേനി, ഉപേന്ദ്ര, സത്യരാജ്, സൗബിൻ ഷാഹിർ, ശ്രുതി ഹാസൻ, റീബ മോണിക്ക ജോൺ എന്നിവരും മുഖ്യ കഥാപാത്രങ്ങളെ അവതരിപ്പിക്കുന്നു. ഗിരീഷ് ഗംഗാധരൻ ആണ് കാമറ കൈകാര്യം ചെയ്യുന്നത്. ചിത്രത്തിന്റെ എഡിറ്റിംഗ് നിർവഹിക്കുന്നത് ഫിലോമിൻ രാജ് ആണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
