 "Thudarum Box Office Collection: ബോക്സ്ഓഫീസിൽ 'ടോപ് ഗിയറിൽ' 'തുടരും'; ആദ്യ ദിന കളക്ഷൻ റിപ്പോർട്ട് പുറത്ത്")
തിരുവനന്തപുരം: റിലീസ് ദിനത്തിൽ തന്നെ ഇന്ത്യൻ ബോക്സ്ഓഫീസിൽ നിന്ന് ആറ് കോടിക്ക് അടുത്ത് കളക്ഷനുമായി തുടരും. സാക്നിൽകിന്റെ റിപ്പോർട്ട് പ്രകാരം ചിത്രം ആദ്യ ദിനം തന്നെ ആറ് കോടിക്കടുത്ത് നേടിയെന്നാണ് സൂചന. വലിയ ഹൈപ്പ് ഒന്നുമില്ലാതെ എത്തിയ മോഹൻലാൽ തരുൺമൂർത്തി ചിത്രം തുടരും ബോക്സ്ഓഫീസിൽ വമ്പൻ കുതിപ്പാണ് നടത്തിയിരിക്കുന്നതെന്നാണ് ഇതിൽ നിന്ന് വ്യക്തമാകുന്നത്.
മൗത്ത് പബ്ലിസിറ്റിയിലൂടെയാണ് ചിത്രം തിയേറ്ററുകളിൽ വലിയ വിജയം നേടിയിരിക്കുന്നത്. റിലീസ് ദിവസം തന്നെ തുടരും വേൾഡ് വൈഡ് കളക്ഷനായി 12 കോടിക്ക് മുകളിൽ നേടുമെന്നാണ് പ്രതീക്ഷിക്കുന്നത്. സാക്നിൽക് റിപ്പോർട്ട് പ്രകാരം ആദ്യദിനം ആറ് കോടിക്കടുത്താണ് ചിത്രം നേടിയിരിക്കുന്നത്.
ALSO READ: 'കണ്ടെടാ ആ പഴയ ലാലേട്ടനെ'..! 'തുടരും' കണ്ടവർ പറയുന്നു; എമ്പുരാനെ വെല്ലുമോ?
ചിത്രം റിലീസ് ചെയ്ത് ആദ്യ ഘട്ടത്തിൽ ബുക്ക് മൈ ഷോയിലൂടെ മണിക്കൂറിൽ 35,000 ടിക്കറ്റുകൾ വരെ വിൽപ്പന നടന്നിരുന്നു. ഇന്നും നാളെയും അവധി ദിനങ്ങളായതിനാൽ തുടരും വലിയ കളക്ഷൻ സ്വന്തമാക്കുമെന്നാണ് പ്രതീക്ഷിക്കുന്നത്. ഓപ്പറേഷൻ ജാവ, സൗദി വെള്ളക്ക എന്നീ ചിത്രങ്ങളുടെ സംവിധായകനായ തരുൺ മൂർത്തിയാണ് തുടരും സംവിധാനം ചെയ്തിരിക്കുന്നത്.
രജപുത്ര വിഷ്വൽ മീഡിയയുടെ ബാനറിൽ എം രഞ്ജിത്താണ് ചിത്രത്തിന്റെ നിർമാണം. സംവിധായകൻ തരുണും കെആർ സുനിലും ചേർന്നാണ് തിരക്കഥ ഒരുക്കിയിരിക്കുന്നത്. ചിത്രത്തിൽ ശോഭനയാണ് മോഹൻലാലിന്റെ നായികയായി എത്തിയിരിക്കുന്നത്. ജേക്സ് ബിജോയിയാണ് ചിത്രത്തിന് സംഗീതം ഒരുക്കിയിരിക്കുന്നത്. ഷാജികുമാറാണ് ഛായാഗ്രഹണം നിർവഹിച്ചിരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apps.apple.com/us/app/zee-malayalam-news/id1634552220 . Android Link- https://play.google.com/store/apps/details?id=com.indiadotcom.zeemalayalam
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
