 "Thudarum Ott Release: തിയേറ്ററിൽ കണ്ടവർക്കും കാണാത്തവർക്കും ഇനി ഒടിടിയിൽ കാണാം; 'തുടരും' സ്ട്രീമിങ് ഉടൻ...")
തരുൺ മൂർത്തി ഒരുക്കിയ മോഹൻലാൽ ചിത്രം തുടരും ജൈത്രയാത്ര തുടരുകയാണ്. ഇന്നും തിയേറ്ററുകളിൽ തകർത്തോടുന്ന ചിത്രം കേരളത്തിൽ മാത്രമല്ല മറിച്ച് മറ്റ് ഭാഷകളിലും ചിത്രം ഹിറ്റ് സ്വന്തമാക്കിയിരുന്നു. ഒരേ വർഷം മോഹൻലാലിന്റെ രണ്ട് ഹിറ്റുകളാണ് പ്രേക്ഷകർക്ക് ലഭിച്ചത്. എമ്പുരാന് ശേഷമെത്തിയ തുടരും ആണ് ഒരു പടി മുന്നിൽ നിൽക്കുന്നത്. പ്രകടനം കൊണ്ടും കണ്ടന്റ് കൊണ്ടും എല്ലാം പ്രേക്ഷകരെ പിടിച്ചിരുത്തിയ ചിത്രം തുടരും തന്നെയാണ്.
ഇപ്പോഴിതാ ചിത്രം തിയേറ്റർ ഹിറ്റിന് പിന്നാലെ ഒടിടിയിലേക്ക് എത്തുകയാണ്. ജിയോ ഹോട്ട്സ്റ്റാറിലൂടെയാണ് ചിത്രം സ്ട്രീം ചെയ്യുന്നത്. മെയ് 30 മുതൽ തുടരും ഒടിടി സ്ട്രീമിങ് തുടങ്ങും.
ഏപ്രിൽ 25ന് റിലീസ് ചെയ്ത ചിത്രം ആഗോളതലത്തിൽ 200 കോടിക്ക് മുകളിൽ എത്തി നിൽക്കുകയാണ്. രജപുത്ര വിഷ്വൽ മീഡിയയുടെ ബാനറിൽ എം രഞ്ജിത്ത് ആണ് ചിത്രം നിർമിച്ചിരിക്കുന്നത്. മോഹൻലാലും ശോഭനയും വർഷങ്ങൾക്ക് ശേഷം വീണ്ടും ഒന്നിച്ചുവെന്ന പ്രത്യേകതയും ഈ ചിത്രത്തിനുണ്ട്. ആരാധകർ കാണാൻ കാത്തിരുന്ന കോമ്പോയാണ് ഈ ചിത്രത്തിലൂടെ വീണ്ടും എത്തിരിക്കുന്നത്. പല ഷെഡ്യൂളുകളിലായി നൂറ് ദിവസത്തോളമാണ് ചിത്രീകരണം നടന്നത്.
കെആർ സുനിലാണ് ചിത്രത്തിന്റെ കഥ ഒരുക്കിയിരിക്കുന്നത്. തരുൺ മൂർത്തിയും കെആർ സുനിലും ചേർന്ന് തിരക്കഥ രചിച്ചിരിക്കുന്നു. ഛായാഗ്രഹണം- ഷാജികുമാർ. എഡിറ്റിംഗ്- നിഷാദ് യൂസഫ് ഷഫീഖ്. സംഗീതം- ജയ്ക്സ് ബിജോയ്. സൗണ്ട് ഡിസൈൻ- വിഷ്ണു ഗോവിന്ദ്. എക്സിക്യൂട്ടീവ് പ്രൊഡ്യൂസർ- അവന്റിക രഞ്ജിത്, കലാ സംവിധാനം- ഗോകുൽ ദാസ്. മേക്കപ്പ്- പട്ടണം റഷീദ്. കോസ്റ്റ്യൂം ഡിസൈൻ- സമീരാ സനീഷ്. പ്രൊഡക്ഷൻ കൺട്രോളർ- ഡിക്സൺ പോടുത്താസ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)