close

News WrapGet Handpicked Stories from our editors directly to your mailbox

എന്‍റെ വീട് സേഫ് ആണ് ഇങ്ങോട്ട് വരാം: ടൊവിനോ

ഈ പ്രളയത്തിലും ദുരിതാശ്വാസപ്രവര്‍ത്തനങ്ങളോട് ഐക്യദാര്‍ഢ്യം പ്രഖ്യാപിച്ച് മുന്‍പന്തിയില്‍ തന്നെ താരമുണ്ട്.   

Updated: Aug 11, 2019, 11:00 AM IST
എന്‍റെ വീട് സേഫ് ആണ് ഇങ്ങോട്ട് വരാം: ടൊവിനോ

പ്രളയം കേരളത്തെ വിഴുങ്ങാന്‍ നില്‍ക്കുമ്പോഴും എങ്ങനെയും കരകയറാനുള്ള ശ്രമത്തിലാണ് കേരളീയര്‍. കേരളത്തെ വീണ്ടും പഴയസ്ഥിതിയിലെത്തിക്കാനും ദുരിതാശ്വാസ പ്രവര്‍ത്തനങ്ങള്‍ക്കുമായി നാടും നാട്ടുകാരും കൈകോര്‍ത്ത് നീങ്ങുകയാണ്. 

ദുരിതാശ്വാസ പ്രവര്‍ത്തനങ്ങളെ ഏകോപിപ്പിക്കുന്നതിന് സോഷ്യല്‍ മീഡിയയുടെ പങ്ക് വളരെ വലുതാണ്. നിരവധി സെലിബ്രേറ്റികളും ദുരിതാശ്വാസ പ്രവര്‍ത്തനങ്ങളില്‍ സജീവമാണ്. 

അതില്‍ മുന്നിട്ട് നില്‍ക്കുന്നത് നമ്മുടെ യുവതാരം ടൊവിനോ തോമസാണ്. താന്‍ നല്ലൊരു അഭിനേതാവ് എന്നതിലുപരി ഒരു മനുഷ്യ സ്‌നേഹിയാണെന്ന് പലവട്ടം തെളിയിച്ച താരമാണ് അദ്ദേഹം. കഴിഞ്ഞ പ്രളയത്തിലും താരം ദുരിതാശ്വാസ പ്രവര്‍ത്തനങ്ങളിലെ സജീവ സാന്നിധ്യമായിരുന്നു.

ഈ പ്രളയത്തിലും ദുരിതാശ്വാസപ്രവര്‍ത്തനങ്ങളോട് ഐക്യദാര്‍ഢ്യം പ്രഖ്യാപിച്ച് മുന്‍പന്തിയില്‍ തന്നെ താരമുണ്ട്. ഇപ്പോഴിതാ ദുരിതത്തില്‍ പെട്ട് താല്‍ക്കാലികമായി വീടൊഴിയേണ്ടിവന്നവര്‍ക്ക് തന്‍റെ വീട്ടിലേക്കും കടന്നുവരാമെന്ന് പറയുകയാണ് ടൊവീനോ തന്റെ ഇന്‍സ്റ്റഗ്രാമിലൂടെ.

ദുരിതകാലത്ത് ആരുടെയും ക്ഷണത്തിന് കാത്തുനില്‍ക്കാതെ വാസയോഗ്യമായ വീടുകളിലേക്ക് കയറിച്ചെല്ലാന്‍ ആഹ്വാനം ചെയ്തുകൊണ്ടുള്ള സന്ദേശം ഇന്‍സ്റ്റഗ്രാമിലൂടെ ടൊവീനോ ഷെയര്‍ ചെയ്തിട്ടുണ്ട്. 

 

 

‘കഴിഞ്ഞ തവണ പറഞ്ഞ പോലെ എന്റെ വീട് സേഫ് ആണ്. ഇങ്ങോട്ട് വരാം! ദുരുപയോഗം ചെയ്യില്ലെന്ന് പ്രതീക്ഷിക്കുന്നു!’ എന്നാണ് ടൊവിനോ ഇന്‍സ്റ്റഗ്രാമില്‍ കുറിച്ചത്.