 "Mother Mary Movie: വിജയ് ബാബുവും ലാലിയും കേന്ദ്ര കഥാപാത്രങ്ങൾ; 'മദർമേരി' എത്തുന്നു, മെയ് രണ്ടിന് റിലീസ്")
വിജയ് ബാബുവും ലാലി പിഎമ്മും കേന്ദ്ര കഥാപാത്രങ്ങളാകുന്ന മദർ മേരി മേയ് രണ്ടിന് തിയേറ്ററുകളിലേക്ക്. പ്രായമായ അമ്മയും മകനും തമ്മിലുള്ള ആത്മബന്ധത്തിൻ്റെ കഥ പറയുന്ന ചിത്രമാണ് "മദർ മേരി". മകനെ വിജയ് ബാബുവും അമ്മയെ ലാലി പിഎമ്മും അവതരിപ്പിക്കുന്നു. കുമ്പളങ്ങി നൈറ്റ്സിൽ തുടങ്ങി മോഹൻകുമാർ ഫാൻസ്, 2018, മാംഗോ മുറി, കൂടൽ തുടങ്ങി ഇരുപതോളം ചിത്രങ്ങളിൽ ലാലി പിഎം ഇതിനോടകം അഭിനയിച്ചു.
ഫർഹാദ്, അത്തിക്ക് റഹിമാൻ എന്നിവർ ചേർന്ന് മഷ്റൂം വിഷ്വൽ മീഡിയയുടെ ബാനറിലാണ് ചിത്രം നിർമിച്ചിരിക്കുന്നത്. എആർ വാടിക്കൽ ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നു. ഓർമ്മക്കുറവും വാർദ്ധക്യസഹജമായ അസുഖങ്ങളും മൂലം വിഷമിക്കുകയും ഒറ്റപ്പെട്ട ജീവിതം നയിക്കുകയും ചെയ്യുന്ന അമ്മയുടെ സംരക്ഷണത്തിനായി ഭാര്യ ഉപേക്ഷിച്ചു പോയ മകൻ ജയിംസ്, അമേരിക്കയിലെ തൻ്റെ ഉയർന്ന ജോലി വിട്ടെറിഞ്ഞ് നാട്ടിലെത്തുന്നു. കാലക്രമേണ ജയിംസ് അമ്മച്ചിയുടെ ശത്രുവായി മാറുന്നു. ഈ അവസ്ഥാവിശേഷം എങ്ങനെ മറികടക്കുമെന്നാണ് ചിത്രം പറയുന്നത്.
നിർമ്മൽ പാലാഴി, സോഹൻ സീനുലാൽ, ഡയാന ഹമീദ്, അഖില നാഥ്, ബിന്ദുബാല തിരുവള്ളൂർ, സീന കാതറിൻ, പ്രസന്ന, അൻസിൽ, ഗിരീഷ് പെരിഞ്ചീരി, മനോരഞ്ജൻ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ബാനർ- മഷ്റൂം വിഷ്വൽ മീഡിയ. നിർമാണം- ഫർഹാദ്, അത്തിക്ക് റഹിമാൻ. രചന, സംവിധാനം- എആർ വാടിക്കൽ.
ഛായാഗ്രഹണം- സുരേഷ് റെഡ് വൺ. എഡിറ്റിംഗ്- ജർഷാജ് കൊമ്മേരി. പശ്ചാത്തലസംഗീതം- സലാം വീരോളി. ഗാനങ്ങൾ- ബാപ്പു വാവാട്, കെ ജെ മനോജ്. സംഗീതം- സന്തോഷ്കുമാർ. കല- ലാലു തൃക്കുളം. കോസ്റ്റ്യൂം- നൗഷാദ് മമ്മി ഒറ്റപ്പാലം. ചമയം- എയർപോർട്ട് ബാബു. സ്പോട്ട് എഡിറ്റർ- ജയ്ഫാൽ. അസ്സോസിയേറ്റ് ഡയർക്ടേഴ്സ്- എം രമേഷ്കുമാർ, സിടി യൂസഫ്. പ്രൊഡക്ഷൻ കൺട്രോളർ- ഷൗക്കത്ത് വണ്ടൂർ. ഡിസ്ട്രിബ്യൂഷൻ- എഫ്എൻ എൻ്റർടെയ്ൻമെൻ്റ്. സ്റ്റിൽസ്- പ്രശാന്ത് കൽപ്പറ്റ. പിആർഒ- അജയ് തുണ്ടത്തിൽ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)