 "Thalaivan Thalaivii: വിജയ് സേതുപതി- നിത്യാ മേനോൻ ചിത്രം 'തലൈവൻ തലൈവി'; തരംഗമായി ഗാനങ്ങൾ")
)
വിജയ് സേതുപതിയും നിത്യ മേനോനും നായികാനായകന്മാരാകുന്ന 'തലൈവൻ തലൈവി' ജൂലൈ 25ന് ലോകമെമ്പാടും റിലീസ് ചെയ്യും. കഴിഞ്ഞ ദിവസം ചെന്നൈയിൽ നടന്ന ഓഡിയോ ലോഞ്ച് ചടങ്ങിൽ ചിത്രത്തിലെ ഗാനങ്ങൾ റിലീസ് ചെയ്തു. ഗാനങ്ങൾ റിലീസ് ചെയ്തു നിമിഷങ്ങൾക്കകം തന്നെ ട്രെൻഡിങ്ങായി മാറിയിരിക്കുകയാണ്. നേരത്തേ പുറത്തിറക്കിയ, ചിത്രത്തിലെ 'വാടീ എൻ പൊട്ടല മിട്ടായി ചിന്ന രത്തിന കൊട്ടായി ഉൻ കുങ്കുമ പൊട്ടെ മേലെ വെച്ചായെ' എന്ന ഗാനത്തിൻ്റെ വീഡിയോ യൂട്യൂബിൽ വമ്പൻ ഹിറ്റായി മാറിയിരുന്നു.
സന്തോഷ് നാരായണനാണ് ഗാനങ്ങൾക്ക് സംഗീതം പകർന്നിരിക്കുന്നത്. തമിഴ് സിനിമാ രംഗത്തെ ഏറ്റവും വലിയ നിർമ്മാണ സ്ഥാപനമായ സത്യ ജ്യോതി ഫിലിംസാണ് പാണ്ഡിരാജ് രചനയും സംവിധാനവും നിർവഹിച്ച 'തലൈവൻ തലൈവി' യുടെ നിർമ്മാതാക്കൾ. വിജയ് സേതുപതി, നിത്യാ മേനോൻ, നിരവധി സൂപ്പർഹിറ്റ് സിനിമകൾ ഒരുക്കിയ സംവിധായകൻ പാണ്ഡിരാജ് എന്നിവർ ഒത്തു ചേരുന്ന 'തലൈവൻ തലൈവി 'യെ പ്രേക്ഷകരും ഏറെ പ്രതീക്ഷയോടെയാണ് കാത്തിരിക്കുന്നത്. ഒരു ആക്ഷൻ റൊമാന്റിക് കോമഡി ജോണറിൽ ഫാമിലി ഡ്രാമയായിലിട്ടാണ് സിനിമ ഒരുങ്ങുന്നതെന്ന സൂചനയാണ് ടീസർ നൽകുന്നത്.
ചെമ്പൻ വിനോദ് ചിത്രത്തിൻ്റെ കഥാഗതി നിയന്ത്രിക്കുന്ന മർമ്മ പ്രധാന കഥാപാത്രത്തെ അവതരിപ്പിക്കുന്നുണ്ട്. യോഗി ബാബു, ആർ കെ സുരേഷ്, ശരവണൻ, ദീപ, ജാനകി സുരേഷ്, റോഷിണി ഹരിപ്രിയ, മൈനാ നന്ദിനി എന്നിവർ മറ്റു കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം എം സുകുമാർ, ചിത്രസംയോജനം പ്രദീപ് ഈ രാഘവ്, നൃത്ത സംവിധാനം ബാബു ഭാസ്കർ, സംഘട്ടന സംവിധാനം കളായി കിങ്സൺ എന്നിവരാണ് 'തലൈവൻ തലൈവി'യുടെ അണിയറ പ്രവർത്തകർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
