 "Vineeth Sreenivasan Movie: തിരയ്ക്ക് ശേഷം വിനീതിന്റെ ത്രില്ലർ വരുന്നു; ഒപ്പം മെറിലാൻഡ് സിനിമാസും, ആകാംക്ഷയിൽ പ്രേക്ഷകർ")
ഫീൽ ഗുഡ് ചിത്രങ്ങൾക്ക് ശേഷം ത്രില്ലർ ചിത്രവുമായി വിനീത് ശ്രീനിവാസൻ എത്തുന്നു. മെറിലാൻഡ് സിനിമാസിനൊപ്പമാണ് വിനീതിന്റെ പുതിയ ചിത്രവും. ഹൃദയം, വർഷങ്ങൾക്ക് ശേഷം എന്നീ ചിത്രങ്ങൾക്ക് ശേഷമാണ് വിനീത് ഒരു ത്രില്ലർ ചിത്രവുമായി എത്തുന്നത്. വിനീത് ശ്രീനിവാസനും വിശാഖ് സുബ്രഹ്മണ്യവും ചേർന്നാണ് ചിത്രം നിർമ്മിക്കുന്നത്. നോബിൾ ബാബു ആണ് ചിത്രത്തിൽ നായകനാകുന്നത്.
ധ്യാൻ ശ്രീനിവാസൻ നായകനായ തിര എന്ന ചിത്രത്തിന് ശേഷം വിനീതിന്റെ ത്രില്ലർ ചിത്രം വരുന്നതിന്റെ ആകാംക്ഷയിലാണ് പ്രേക്ഷകർ. മെറിലാൻഡ് സ്റ്റുഡിയോസിന്റെ ബാനറിൽ വിശാഖ് സുബ്രഹ്മണ്യവും വിനീത് ശ്രീനിവാസന്റെ ഹാബിറ്റ് ഓഫ് ലൈഫും ചേര്ന്നാണ് ചിത്രം നിർമ്മിക്കുന്നത്. ‘ആനന്ദം’, ‘ഹെലൻ’ എന്നീ ചിത്രങ്ങൾക്ക് വിനീത് വീണ്ടും നിർമ്മിക്കുന്ന ചിത്രമെന്ന പ്രത്യേകതയും ഇതിനുണ്ട്.
1955ൽ പുറത്തിറങ്ങിയ ‘സിഐഡി’ ആയിരുന്നു മലയാളത്തിലെ തന്നെ ആദ്യ ക്രൈം ത്രില്ലർ. മെറിലാൻഡ് ആയിരുന്നു ഈ ചിത്രം നിർമ്മിച്ചത്. ചിത്രം ഇറങ്ങി 70 വർഷം തികയുന്ന വേളയിലാണ് ത്രില്ലർ ചിത്രവുമായി മെറിലാൻഡ് വീണ്ടും എത്തുന്നത്. വലിയ ബജറ്റിൽ ഒരുങ്ങുന്ന ചിത്രം ജോർജിയ, റഷ്യയുടെയും അസർബൈജാന്റെയും അതിർത്തികൾ എന്നിവിടങ്ങളിൽ ഷൂട്ടിങ് പൂർത്തിയാക്കി. ഷിംല, ഛണ്ഡീഗഡ് എന്നിവിടങ്ങളിലും 5 ദിവസത്തെ ഷൂട്ടിങ് നടന്നിരുന്നു. കേരളത്തിൽ (കൊച്ചി) ഒരു ദിവസം മാത്രമാണ് ഷൂട്ട് നടന്നത്.
പൂജ റിലീസായി സെപ്റ്റംബർ 25ന് ചിത്രം തിയേറ്ററുകളിലെത്തുമെന്നാണ് വിവരം. ചിത്രത്തിന്റെ ടൈറ്റിൽ വരും ദിവസങ്ങളിൽ പുറത്തിറക്കും. ജോമോൻ ടി. ജോൺ ഛായാഗ്രഹണം. ഷാൻ റഹ്മാനാണ് സംഗീതം. രഞ്ജൻ എബ്രഹാമാണ് എഡിറ്റിങ്. നായകനായ നോബിൾ ആണ് ചിത്രത്തിന്റെ തിരക്കഥാകൃത്ത്. ഓഡ്രി മിറിയ, രേഷ്മ സെബാസ്റ്റ്യൻ എന്നിവരാണ് നായികമാർ. മനോജ് കെ. ജയൻ, കലാഭവൻ ഷാജോൺ, ബാബുരാജ്, വിഷ്ണു ജി. വാരിയർ, ജോണി ആന്റണി എന്നിവരാണ് ചിത്രത്തിലെ മറ്റ് പ്രധാന താരങ്ങൾ.
സംവിധായകൻ കെ. മധുവിന്റെ മകളും മരുമകനുമായ പാർവതി കെ. മധുവും മാധവ് രമേശുമാണ് ചിത്രത്തിന്റെ ലൈൻ പ്രൊഡ്യൂസർമാർ. എക്സിക്യൂട്ടീവ് പ്രൊഡ്യൂസർ: ശ്രാവൺ കൃഷ്ണകുമാർ. മാക്ക് ഈറാക്ലി മക്കത്സാറീയ (മാക്ക് പ്രൊഡക്ഷൻസ്) ആണ് ജോർജിയയിലെ ലൈൻ പ്രൊഡ്യൂസർ. വസ്ത്രാലങ്കാരം: മാഷർ ഹംസ, പ്രൊഡക്ഷൻ കൺട്രോളർ: സജീവ് ചന്ദിരൂർ, ക്രിയേറ്റീവ് ഡയറക്ടർ: ഷാരൂഖ് റഷീദ്, സംഘട്ടനം: ലസാർ വർദുകദ്സെ, നോബിൾ ബാബു തോമസ്, ഈറാക്ലി സബനാഡ്സെ, പ്രൊഡക്ഷൻ ഡിസൈനർ: വിനോദ് രവീന്ദ്രൻ, കലാസംവിധാനം: അരുൺ കൃഷ്ണ, മേക്കപ്പ്: മനു മോഹൻ, ചീഫ് അസോഷ്യേറ്റ് ഡയറക്ടർ: അഭയ് വാരിയർ, സ്റ്റിൽസ്: അനൂപ് ചാക്കോ, ഫിനാൻസ് കൺട്രോൾ: വിജേഷ് രവി, ടിൻസൺ തോമസ്, പിആർഒ -ആതിര ദിൽജിത്ത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)